લોકસભાના વિપક્ષના નેતા અને કોંગ્રેસના સાંસદ રાહુલ ગાંધી યુનાઇટેડ સ્ટેટ્સ સાથેના વેપાર કરાર પર કેન્દ્ર સરકાર પર હુમલો કરી રહ્યા છે. તેઓ ટેરિફનો મુદ્દો પણ સતત ઉઠાવી રહ્યા છે. એક દિવસ પહેલા રાહુલ ગાંધી ખેડૂત સંગઠનના નેતાઓ સાથે મળ્યા હતા. હવે, એક વીડિયો શેર કરીને તેમણે આરોપ લગાવ્યો છે કે આ વેપાર કરાર દેશના કાપડ ઉદ્યોગને સંપૂર્ણપણે નાશ કરશે.
રાહુલ ગાંધીએ પોતાના વીડિયોમાં પીએમ મોદી અને ભાજપ સરકાર પર વેપાર સોદા અંગે દેશને ગેરમાર્ગે દોરવાનો આરોપ લગાવ્યો. તેમણે એવો પણ દાવો કર્યો હતો કે આ કરાર ભારતના કપાસના ખેડૂતો અને કાપડ ઉદ્યોગ માટે હાનિકારક સાબિત થશે.
કપાસની ખેતી અને કાપડ ક્ષેત્ર સંબંધિત ભારત-અમેરિકા વેપાર કરારની ટીકા કરતા, રાહુલ ગાંધીએ કહ્યું કે બાંગ્લાદેશને યુએસમાં કાપડ નિકાસ પર શૂન્ય ટકા ટેરિફનો લાભ આપવામાં આવી રહ્યો છે. એકમાત્ર શરત એ છે કે તે અમેરિકન કપાસની આયાત કરે. ભારતીય પર ૧૮ ટકા ટેરિફની જાહેરાત પછી, જ્યારે મેં સંસદમાં બાંગ્લાદેશને આપવામાં આવતી ખાસ છૂટછાટો પર પ્રશ્ન ઉઠાવ્યો, ત્યારે મોદી સરકારના એક મંત્રીએ જવાબ આપ્યો, “જા આપણે સમાન લાભો ઇચ્છતા હોઈએ, તો આપણે અમેરિકાથી કપાસની આયાત કરવી પડશે.”
તેમણે પ્રશ્ન કર્યો કે આ બાબત ત્યાં સુધી દેશથી કેમ છુપાવવામાં આવી. રાહુલ ગાંધીએ વધુમાં કહ્યું કે જા આપણે અમેરિકન કપાસની આયાત કરીશું, તો આપણા પોતાના ખેડૂતો બરબાદ થઈ જશે. જા આપણે નહીં કરીએ, તો આપણો કાપડ ઉદ્યોગ બરબાદ અને નાશ પામશે. વધુમાં, તેમણે દાવો કર્યો કે બાંગ્લાદેશ હવે સંકેત આપી રહ્યું છે કે તે ભારતમાંથી કપાસની આયાત ઘટાડી શકે છે અથવા બંધ પણ કરી શકે છે.
