બિહારના રાજકારણમાંથી એક મોટા સમાચાર સામે આવ્યા છે. આ સમાચાર વિરોધી પક્ષ ઇત્નડ્ઢ સાથે સંબંધિત છે. અહેવાલો અનુસાર, વિપક્ષના નેતા અને આરજેડીના સૌથી અગ્રણી વ્યકિત તેજસ્વી યાદવને ટૂંક સમયમાં મોટી જવાબદારી સોંપવામાં આવી શકે છે. આરજેડીમાં તેમના “રાજાભિષેક”ની ચર્ચા છે. તેજસ્વી યાદવને ટૂંક સમયમાં પાર્ટીના રાષ્ટીયકાર્યકારી અધ્યક્ષ તરીકે નિયુક્ત કરવામાં આવી શકે છે.
પાર્ટીના સૂત્રો પાસેથી મળેલી માહિતી અનુસાર, તેજસ્વી યાદવે ૨૫ જાન્યુઆરીએ રાષ્ટીય જનતા દળની રાષ્ટીય કાર્યકારી સમિતિની બેઠક બોલાવી છે. આ બેઠકમાં પાર્ટીના તમામ નેતાઓ, ધારાસભ્યો અને અન્ય સભ્યો હાજરી આપશે. માહિતી અનુસાર, તેજસ્વી યાદવને રાષ્ટીય કાર્યકારી સમિતિની બેઠકમાં જ પાર્ટીના રાષ્ટીય કાર્યકારી સમિતિના પ્રમુખ તરીકે નિયુક્ત કરવામાં આવી શકે છે. હકીકતમાં, વિદેશ પ્રવાસથી પાછા ફર્યા બાદ, તેજસ્વી યાદવ ખૂબ જ સક્રિય ઉસ્થતિમાં જાવા મળ્યા છે. પાછા ફર્યા પછી તરત જ, તેમણે તેમના પક્ષના તમામ વરિષ્ઠ નેતાઓ સાથે સતત ઘણી બેઠકો કરી. હવે, આ બેઠકમાંથી બહાર આવતી માહિતી અનુસાર, તેજસ્વી યાદવને આરજેડીમાં વધુ મોટી જવાબદારી સોંપવામાં આવી શકે છે.
પક્ષ સંગઠનાત્મક પરિવર્તનના ભાગ રૂપે આ પગલું લઈ રહી છે. બિહાર વિધાનસભા ચૂંટણીમાં કારમી હાર પછી રાષ્ટીય જનતા દળ (આરજેડી) ની આ પહેલી રાષ્ટીય કાર્યકારી સમિતિની બેઠક હશે. પક્ષના સૂત્રો અનુસાર, એવું પણ માનવામાં આવે છે કે આરજેડી સુપ્રીમો લાલુ પ્રસાદ યાદવની વધતી ઉંમર અને સતત ખરાબ સ્વાસ્થ્યને કારણે, તેજસ્વી યાદવને પાર્ટીમાં વધુ જવાબદારી સોંપવાની તૈયારીઓ ચાલી રહી છે. ઔપચારિક પદ ન હોવા છતાં, તેજસ્વી લાંબા સમયથી પાર્ટીની વ્યૂહરચના, સંગઠન અને રાજકીય નિર્ણયોમાં મુખ્ય ભૂમિકા ભજવી છે.
