ભાજપ અને જદયએ બિહાર વિધાનસભા ચૂંટણી માટે તેમના ઉમેદવારોના નામ જાહેર કર્યા છે. આ દરમિયાન, નીતિશ કુમારની ત્નડ્ઢેંને વધુ એક મોટો ઝટકો લાગ્યો છે. નીતિશ કુમારની પાર્ટીના રાજ્ય મહાસચિવ અસ્મા પ્રવીણે તેમના પદ પરથી રાજીનામું આપી દીધું છે. પોતાના પદ પરથી રાજીનામું આપવા ઉપરાંત, અસ્માએ પાર્ટીના પ્રાથમિક સભ્યપદ પરથી પણ રાજીનામું આપ્યું. અસ્માએ પોતાના સમર્થકો સમક્ષ આંસુઓથી પોતાનું દુઃખ વ્યક્ત કર્યું. રાજીનામું આપ્યા પછી, અસ્માએ જાહેરાત કરી કે તે આજે મહુઆથી પોતાનું ઉમેદવારીપત્ર ભરશે. નોંધનીય છે કે અસ્મા પ્રવીણે છેલ્લી વિધાનસભા ચૂંટણી જદયુના પ્રતીક પર લડી હતી.જદયુએ ૨૦૨૫ ની બિહાર ચૂંટણી માટે તમામ ૧૦૧ ઉમેદવારોના નામ જાહેર કર્યા છે. મુખ્યમંત્રી નીતિશ કુમારના નેતૃત્વ હેઠળ બહાર પાડવામાં આવેલી આ યાદી સામાજિક અને પ્રાદેશિક સંતુલન પર ભાર મૂકે છે.જદયુની યાદીમાં, સૌથી વધુ ટિકિટ પછાત સમુદાયોને (૩૭) ફાળવવામાં આવી છે, ત્યારબાદ અત્યંત પછાત વર્ગોને ૨૨, ઉચ્ચ જાતિઓને ૨૨, અનુસૂચિત જાતિઓને ૧૫ અને અનુસૂચિત જનજાતિને એક ટિકિટ ફાળવવામાં આવી છે. વધુમાં, લઘુમતી સમુદાયને આકર્ષિત કરવાના પ્રયાસમાં, નીતીશે તેમની યાદીમાં ચાર મુસ્લિમ ઉમેદવારો અને કુલ ૧૩ મહિલા ઉમેદવારોનો સમાવેશ કર્યો છે.ભાજપે, જેડીયુ સાથે મળીને, ૧૦૧ ઉમેદવારોની યાદી જાહેર કરી છે. એનડીએની બેઠકોની ફાળવણીને અંતિમ સ્વરૂપ આપવામાં આવતા, આજથી પ્રચાર શરૂ થશે. ઉત્તર પ્રદેશના મુખ્યમંત્રી યોગી આદિત્યનાથ આજે દાનાપુરમાં ચૂંટણી રેલી કરી રહ્યા છે, જ્યારે કેન્દ્રીય ગૃહમંત્રી અમિત શાહ ૧૬ થી ૧૮ ઓક્ટોબર સુધી બિહારની મુલાકાતે છે. અમિત શાહ બિહાર ચૂંટણી માટેની ચૂંટણી તૈયારીઓની સમીક્ષા કરશે. મુખ્યમંત્રી નીતિશ કુમાર આજથી પોતાનો પ્રચાર શરૂ કરશે, અને ઘણા નેતાઓ પણ આજે પોતાના ઉમેદવારીપત્રો ભરશે.
