બાંગ્લાદેશ મહિલા ક્રિકેટ ટીમના નેતૃત્વમાં મોટો ફેરફાર થયો છે. અનુભવી સ્પિનર નાહિદા અખ્તરને ટી ૨૦ ટીમની નવી કેપ્ટન તરીકે નિયુક્ત કરવામાં આવી છે. તેમને શરૂઆતના એક વર્ષના કાર્યકાળ માટે આ જવાબદારી સોંપવામાં આવી છે. આવતા મહિને યોજાનારી આઇસીસી મહિલા ઇમ‹જગ નેશન્સ ટ્રોફી ૨૦૨૬, કેપ્ટન તરીકેની તેની પહેલી ટુર્નામેન્ટ હશે. દરમિયાન, મધ્યમ ક્રમની બેટ્સમેન શોભના મોસ્ટારીને ઉપ-કેપ્ટન બનાવવામાં આવી છે.૨૫ વર્ષીય નાહિદા નિગાર સુલ્તાનાનું સ્થાન લેશે, જેમણે લાંબા સમય સુધી ટીમનું નેતૃત્વ કર્યું હતું. નિગારે ૮૨ મેચમાં બાંગ્લાદેશનું નેતૃત્વ કર્યું હતું, જેમાંથી ૩૨ મેચમાં ટીમને વિજય અપાવ્યો હતો. જાકે, એશિયા કપ અને એશિયન ગેમ્સમાં ટીમના નિરાશાજનક પ્રદર્શન બાદ તેણે તાજેતરમાં કેપ્ટનશીપ છોડી દેવાનો નિર્ણય લીધો છે. હવે, બાંગ્લાદેશ ક્રિકેટ બોર્ડે નાહિદા પર વિશ્વાસ વ્યક્ત કર્યો છે અને તેને ટીમનું નેતૃત્વ કરવાની જવાબદારી સોંપી છે.નાહિદા અખ્તર ટી ૨૦ ક્રિકેટમાં બાંગ્લાદેશની સૌથી વધુ વિકેટ લેનાર બોલર છે. તેણીએ અત્યાર સુધીમાં ૧૩૨ વિકેટ લીધી છે અને તેની બોલિંગ સરેરાશ ૧૭.૩૮ છે. આ ફોર્મેટમાં તેનું શ્રેષ્ઠ પ્રદર્શન આઠ રનમાં પાંચ વિકેટ છે. નાહિદાએ વનડે ક્રિકેટમાં પણ ૮૧ વિકેટ લીધી છે.
તેણીએ સપ્ટેમ્બર ૨૦૧૫ માં આંતરરાષ્ટ્રીય ક્રિકેટમાં પ્રવેશ કર્યો હતો. વર્ષોથી, તેણીની સતત અસરકારક બોલિંગે ટીમમાં તેણીનું સ્થાન મજબૂત બનાવ્યું છે. ૨૦૨૩ માં પાકિસ્તાન સામે તેણીની પાંચ વિકેટ તેની ટી ૨૦ કારકિર્દીની યાદગાર ક્ષણ છે. આ વર્ષના ટી ૨૦ વર્લ્ડ કપમાં, તેણીએ પાકિસ્તાન સામે ત્રણ મહત્વપૂર્ણ વિકેટ લઈને બાંગ્લાદેશની જીતમાં મુખ્ય ભૂમિકા ભજવી હતી. નાહિદાએ છેલ્લા ત્રણ વર્ષમાં પાકિસ્તાન, વેસ્ટ ઇન્ડિઝ અને દક્ષિણ આફ્રિકા સામે બાંગ્લાદેશની વનડે જીતમાં પણ ફાળો આપ્યો છે. કેપ્ટનશીપ સાથે, તેણી ફક્ત તેણીની બોલિંગથી જ નહીં, પણ ટીમને વધુ સારી દિશા આપશે તેવી અપેક્ષા રાખવામાં આવશે.બાંગ્લાદેશે શક્તિ શાળી બેટ્સમેન શોભના મોસ્ટારીને ઉપ-કેપ્ટન તરીકે નિયુક્ત કર્યા છે. શોભનાએ તાજેતરમાં ઓસ્ટ્રેલિયા સામે વનડે માં સદી ફટકારીને ઇતિહાસ રચ્યો છે. શોભના અને નાહિદાના નેતૃત્વમાં ટીમ કેવું પ્રદર્શન કરે છે તે જાવું રસપ્રદ રહેશે.
