જેમ જેમ પશ્ચિમ બંગાળ વિધાનસભા ચૂંટણીઓ નજીક આવી રહી છે, રાજકીય ગતિવિધિઓ તેજ થઈ ગઈ છે. ભારતીય કોમ્યુનિસ્ટ પાર્ટી (માર્ક્સવાદી) ના પશ્ચિમ બંગાળ એકમના સચિવ મોહમ્મદ સલીમે જનતા ઉન્નયન પાર્ટીના વડા હુમાયુ કબીર સાથે મુલાકાત કરી. આ મુલાકાતથી બંને પક્ષો વચ્ચે ચૂંટણી પૂર્વે જાડાણ થવાની શક્્યતા અંગે અટકળો શરૂ થઈ છે. સલીમે જણાવ્યું હતું કે સીપીએમના નેતૃત્વ હેઠળના ડાબેરી મોરચામાં સીટ-વહેંચણીના પ્રસ્તાવ પર ચર્ચા કરવામાં આવશે. તેમણે ન્યૂ ટાઉનની એક હોટલમાં લગભગ એક કલાક સુધી હુમાયુ કબીર સાથે મુલાકાત કરી.
કબીર અગાઉ તૃણમૂલ કોંગ્રેસના ધારાસભ્ય હતા, પરંતુ તાજેતરમાં મુર્શિદાબાદ જિલ્લામાં નવી બાબરી મસ્જિદ નો શિલાન્યાસ કરીને રાજ્યના રાજકારણમાં હલચલ મચાવી હતી. સલીમે કહ્યું, “અમે ડાબેરી મોરચાની અંદર આ પ્રસ્તાવ પર ચર્ચા કરીશું. તે પછી, અમે મોરચાની બહારના ડાબેરી પક્ષો અને પછી આઇએસએફ સાથે વાત કરીશું.” એ નોંધવું જાઈએ કે સીપીએમના નેતૃત્વ હેઠળના ડાબેરી મોરચાએ ૨૦૨૧ની વિધાનસભા ચૂંટણીમાં ભારતીય મોરચા સાથે જાડાણ કર્યું હતું, પરંતુ કોઈ પણ બેઠક જીતી શક્યતા ન હતા.આઇએસએફ નેતા નૌશાદ સિદ્દીકી ભાજપની બહારના એકમાત્ર વિપક્ષી ધારાસભ્ય બન્યા.
સલીમે કહ્યું કે કબીર સાથેની મુલાકાત તેમના ઇરાદાઓને સમજવા માટે હતી. તેમણે સમજાવ્યું કે ઘણી પાર્ટીઓએ હજુ સુધી ચૂંટણી માટે સીટ વહેંચણી અંગે નિર્ણય લીધો નથી. સલીમે કોઈપણ ગઠબંધન ચર્ચાનો ઇનકાર કરતા કહ્યું, “હું તેમની પાસેથી જાણવા માંગતો હતો કે તેઓ શું કરવા માંગે છે અને તેમના ઉદ્દેશ્યો શું છે.” દરમિયાન, હુમાયુ કબીરે આ મુલાકાતને સૌજન્ય મુલાકાત ગણાવી, પરંતુ સ્વીકાર્યું કે ચૂંટણી માટે ગઠબંધન પર ચર્ચા થઈ રહી છે. તેમણે કહ્યું, “મેં સલીમ સાહેબને ૧૫ ફેબ્રુઆરી સુધીમાં ગઠબંધન પ્રક્રિયા પૂર્ણ કરવા અપીલ કરી છે.”
એ નોંધવું જાઈએ કે હુમાયુ કબીરે એમ પણ કહ્યું હતું કે તેમનો પક્ષ એઆઇએમઆઇએમ સાથે ગઠબંધન પર પણ ચર્ચા કરી શકે છે. કબીરે કહ્યું, “અમારું લક્ષ્ય ભ્રષ્ટ સરકારને હરાવવાનું અને રાજ્યના લોકોને પારદર્શક સરકાર આપવાનું છે.” રાજકીય નિષ્ણાતો માને છે કે સીપીએમ અને જનતા ઉન્નયન પાર્ટી વચ્ચે ગઠબંધન મુખ્યમંત્રી મમતા બેનર્જીની તૃણમૂલ કોંગ્રેસને નુકસાન પહોંચાડી શકે છે, ખાસ કરીને મુસ્લિમ બહુમતીવાળા વિસ્તારોમાં. કબીરની પાર્ટી મુખ્યત્વે મુસ્લિમ મતો પર ધ્યાન કેન્દ્રિત કરી રહી છે, જેમજબૂત આધાર છે. રાજકીય વિશ્લેષકોના મતે, આ ગઠબંધન મુસ્લિમ મતોને વિભાજીત કરી શકે છે, ટીએમસીને નુકસાન પહોંચાડી શકે છે અને આડકતરી રીતે ભાજપને ફાયદો પહોંચાડી શકે છે.
