આઈપીએલ ૨૦૨૬ની ૩૦મી મેચમાં, મુંબઈ ઈન્ડિયન્સને પ્રથમ બેટિંગ માટે આમંત્રણ આપવામાં આવ્યું હતું. પહેલા બેટિંગ કરતા મુંબઈએ પાવરપ્લેમાં માત્ર ૪૪ રનમાં ત્રણ વિકેટ ગુમાવી દીધી હતી. ત્યારબાદ તિલક વર્માએ બેટથી ભારે તબાહી મચાવી દીધી, જેનાથી અમદાવાદના નરેન્દ્ર મોદી સ્ટેડિયમમાં આગ લાગી ગઈ. તેણે ફક્ત ૪૫ બોલમાં ધમાકેદાર સદી ફટકારીને ઇતિહાસ રચ્યો. તેણે મુંબઈ માટે સૌથી ઝડપી સદીના સનથ જયસૂર્યાના રેકોર્ડની બરાબરી કરી. ૨૦૦૮માં આઇપીએલમાં મુંબઈ માટે રમતા જયસૂર્યાએ ૪૫ બોલમાં સદી ફટકારી. આ ૧૯ વર્ષમાં પહેલી વાર બન્યું જ્યારે મુંબઈ ઈન્ડિયન્સના કોઈ બેટ્સમેને જયસૂર્યાના રેકોર્ડની બરાબરી કરી હોય.
તિલક વર્માએ અણનમ ૧૦૧ રનની ધમાકેદાર ઇનિંગ રમી. તેણે તેમાંથી ૭૪ રન છગ્ગા અને ચોગ્ગા સાથે બનાવ્યા. તેણે આ વિસ્ફોટક ઇનિંગમાં ૮ ચોગ્ગા અને ૭ છગ્ગા ફટકાર્યા. છેલ્લી ચાર ઓવરમાં, તિલક ગુજરાતના બોલરોને આડે હાથ લીધા. ૧૬ થી ૨૦ ઓવરની વચ્ચે, તેણે ફક્ત ૧૮ બોલનો સામનો કર્યો અને ૬૫ રન બનાવ્યા. આ દરમિયાન, ૧૮મી ઓવરમાં, આ સકતીશાળી બેટ્સમેને અશોક શર્માના બોલ પર સતત પાંચ બાઉન્ડ્રી ફટકારીને એક જ ઓવરમાં ૨૬ રન બનાવવાની સિદ્ધિ હાંસલ કરી. તેણે ઓવરની શરૂઆત છગ્ગાથી કરી અને પછી સતત ચોગ્ગા ફટકારીને બોલરને લાચાર છોડી દીધો. આગામી બે બોલમાં પણ તિલકનું વિસ્ફોટક પ્રદર્શન ચાલુ રહ્યું. તેણે ચોથા અને પાંચમા બોલ પર છગ્ગા ફટકાર્યા, જેનાથી અશોક શર્માની બોલિંગ તૂટી ગઈ. ઓવરનો છેલ્લો બોલ ડોટ હોવા છતાં, તિલક વર્માએ ઓવરમાંથી ઘણા રન બનાવી લીધા હતા.
નોંધનીય છે કે તિલક વર્માનો અણનમ ૧૦૧ રન મુંબઈ ઈન્ડિયન્સનો બીજા સૌથી મોટો સ્કોર છે. તે મુંબઈ માટેનો સૌથી મોટો વ્યક્તિગત સ્કોર માત્ર થોડા રનથી ચૂકી ગયો. સૂર્યાકુમાર યાદવ ટોચ પર છે. સૂર્યાએ આઇપીએલ ૨૦૨૩માં ૪૯ બોલમાં અણનમ ૧૦૩ રન બનાવ્યા. તિલક વર્માની શાનદાર સદીથી મુંબઈ ઈન્ડિયન્સ ૨૦ ઓવરમાં ૫ વિકેટે ૧૯૯ રન બનાવ્યા.
