ભારતીય ટીમ ૯ સપ્ટેમ્બરથી યુએઈમાં શરૂ થનારા એશિયા કપ ૨૦૨૫માં ભાગ લેવા માટે ૪ સપ્ટેમ્બરે દુબઈ પહોંચી હતી, જેમાં તેઓએ ૫ સપ્ટેમ્બરે આઇસીસી એકેડેમીમાં પ્રેકટીસ પણ શરૂ કરી હતી. આ વખતે એશિયા કપ ટી ૨૦ ફોર્મેટમાં રમાશે, જેમાં ભારતીય ટીમને ગ્રુપ-એમાં સ્થાન મળ્યું છે. ટીમ ઈન્ડિયાએ આ વર્ષની શરૂઆતમાં ફેબ્રુઆરી મહિનામાં પોતાની છેલ્લી ટી ૨૦ મેચ રમી હતી, ત્યારબાદ હવે તેઓ ટી ૨૦ મેચ રમશે. આવી સ્થિતિમાં, ઘણા ખેલાડીઓના પ્રદર્શન પર નજર રાખવામાં આવશે, જેમાંથી એક નામ સ્ટાર ઓલરાઉન્ડર હાર્દિક પંડ્યાનું છે, જેની પાસે ટૂર્નામેન્ટ દરમિયાન ખાસ સદી પૂર્ણ કરવાની તક પણ હશે.
ભારત માટે અત્યાર સુધી કોઈ બોલરે ટી ૨૦ આંતરરાષ્ટ્રીયમાં ૧૦૦ વિકેટ લેવાની સિદ્ધિ હાંસલ કરી નથી, પરંતુ એશિયા કપમાં આ ઉણપ દૂર થવાની અપેક્ષા રાખી શકાય છે. હાર્દિક પંડ્યાનું બોલ અને બેટ સાથે શાનદાર પ્રદર્શન ટી્૨૦ આંતરરાષ્ટ્રીયમાં જાવા મળ્યું છે, જેમાં તેણે અત્યાર સુધી ૧૧૪ મેચ રમીને ૯૪ વિકેટ લીધી છે, આવી સ્થિતિમાં, જા હાર્દિક એશિયા કપમાં ૬ વધુ વિકેટ લેવામાં સફળ થાય છે, તો તે ૧૦૦ વિકેટ પૂર્ણ કરશે. અર્શદીપ સિંહ હાલમાં ભારત માટે ટી ૨૦ આંતરરાષ્ટ્રીય મેચોમાં સૌથી વધુ વિકેટ લેનાર બોલર છે, જેણે ૯૯ વિકેટ લીધી છે અને તેની પાસે એશિયા કપમાં વિકેટની સદી પૂર્ણ કરવાની તક પણ હશે.
ભારત માટે ટી ૨૦ આંતરરાષ્ટ્રીય મેચોમાં સૌથી વધુ વિકેટ લેનારા બોલરો
અર્શદીપ સિંહ – ૯૯ વિકેટ
યુજવેન્દ્ર ચહલ – ૯૬ વિકેટ
હાર્દિક પંડ્યા – ૯૪ વિકેટ
ભુવનેશ્વર કુમાર – ૯૦ વિકેટ
જસપ્રીત બુમરાહ – ૮૯ વિકેટ
આ વખતે એશિયા કપ ટી ૨૦ ફોર્મેટમાં રમાશે, જેમાં આ ફોર્મેટમાં આ પહેલા ફક્ત બે વાર ટુર્નામેન્ટ રમાઈ છે. હાર્દિક પંડ્યા પાસે એશિયા કપ ટી ૨૦ ફોર્મેટમાં સૌથી વધુ વિકેટ લેવાના સંદર્ભમાં ભુવનેશ્વર કુમારને પાછળ છોડી દેવાની તક હશે, જેમાં તેણે ૧૩ વિકેટ લીધી હતી, જ્યારે હાર્દિક પાસે હાલમાં ૧૧ વિકેટ છે.
