દિલ્હી પોલીસના જણાવ્યા અનુસાર, તાજેતરમાં બળાત્કારના આરોપમાં ધરપકડ કરાયેલા ટીવી એક્ટર આશિષ કપૂરનો મેડિકલ પોટેન્સી ટેસ્ટ કરાવવામાં આવ્યો છે.નવા અહેવાલમાં ખુલાસો કર્યો છે કે એમ્સમાં ટેસ્ટ કરાવવામાં આવ્યો હતો. દિલ્હી પોલીસે કહ્યું, “આ રિપોર્ટનો ઉપયોગ બળાત્કાર કેસમાં તેમની સામે મહત્વપૂર્ણ પુરાવા તરીકે કરવામાં આવશે.” દિલ્હીના સિવિલ લાઇન્સ પોલીસ સ્ટેશનમાં આ કેસ નોંધવામાં આવ્યો છે. ૧૦ ઓગસ્ટના રોજ સિવિલ લાઇન્સના એક ઘરમાં પાર્ટી દરમિયાન ૨૪ વર્ષીય મહિલા પર બળાત્કાર કરવાના આરોપમાં પુણેમાં ધરપકડ કરવામાં આવી તે પહેલાં આશિષ કપૂર ત્રણ અઠવાડિયાથી ફરાર હતો.
એક વરિષ્ઠ પોલીસ અધિકારીએ જણાવ્યું, “ટીમ તેને શોધી રહી હતી. તે પહેલા ગોવામાં જાવા મળ્યો હતો પરંતુ ટીમ આવી ત્યારે તે ભાગી ગયો હતો. ત્યારબાદ તેને પુણેમાં શોધી કાઢવામાં આવ્યો જ્યાં તે એક મિત્ર સાથે હતો અને મંગળવારે તેની ધરપકડ કરવામાં આવી.” આ ઘટના ૧૧ ઓગસ્ટની સવારે પ્રકાશમાં આવી જ્યારે મહિલાએ પોલીસને જણાવ્યું કે પાર્ટીમાં ચાર પુરુષો દ્વારા તેનું જાતીય શોષણ કરવામાં આવ્યું હતું. એક અધિકારીએ જણાવ્યું, “તેણીની ફરિયાદમાં, તેણીએ કહ્યું કે તે રવિવારે ઘરે હતી ત્યારે તેણીને તેના મિત્રનો ફોન આવ્યો જેણે તેણીને સિવિલ લાઇન્સમાં એક પરિચિતના ઘરે પાર્ટીમાં આમંત્રણ આપ્યું હતું.
તેના નિવેદનમાં, પીડિતાએ વધુમાં કહ્યું કે દારૂ પીધા પછી તેણી અસ્વસ્થ થવા લાગી. તેણીએ આરોપ લગાવ્યો કે ત્યારબાદ તે પુરુષો તેણીને શૌચાલયમાં લઈ ગયા જ્યાં તેઓએ તેની સાથે ગેંગરેપ કર્યો અને ઘટના રેકોર્ડ કરતી વખતે તેના પર હુમલો કર્યો. મહિલાએ વધુમાં દાવો કર્યો કે આરોપીઓએ ધમકી આપી હતી કે જા તેણી પોલીસને જાણ કરશે તો તે વીડિયો સોશિયલ મીડિયા પર વાયરલ કરશે. તેણીને તેના ઘરની બહાર છોડી દેવામાં આવ્યા બાદ તેણીએ તાત્કાલિક અધિકારીઓનો સંપર્ક કર્યો. તેણીની ફરિયાદના આધારે, ૧૧ ઓગસ્ટના રોજ સિવિલ લાઇન્સ પોલીસ સ્ટેશનમાં ભારતીય ન્યાય સંહિતાની કલમ ૬૪ (બળાત્કારની સજા) હેઠળ નોંધવામાં આવી હતી.
જેઓ જાણતા નથી તેમના માટે, આશિષ કપૂર ‘સરસ્વતીચંદ્ર’, ‘યે રિશ્તા ક્યા કહેલાતા હૈ’, ‘ચાંદ છુપા બાદલ મેં’, ‘દેખા એક ખ્વાબ’, ‘મોલ્કી રિશ્તોં કી અÂગ્નપરીક્ષા’, ‘લવ મેરેજ યા એરેન્જ્ડ મેરેજ’, ‘વો અપના સા’ અને ‘બંદિની’ સહિત અનેક ટેલિવિઝન શોમાં દેખાયા છે.
