અફઘાનિસ્તાન અને પાકિસ્તાન વચ્ચેની પરિસ્થિતિ યુદ્ધ જેવી રહે છે, અને બંને બાજુથી હુમલા ચાલુ રહે છે. દરમિયાન, પાકિસ્તાની અધિકારીઓએ અહેવાલ આપ્યો છે કે અફઘાન તાલિબાન અને તેમના સાથી આતંકવાદી જૂથોના આશરે ૩૦૦ સૈનિકો તેમની સામે ચાલી રહેલા ઓપરેશનમાં માર્યા ગયા છે. દરમિયાન, માહિતી મંત્રી અત્તાઉલ્લાહ તરારએ મોડી રાતના અપડેટમાં જણાવ્યું હતું કે સુરક્ષા દળોએ ૨૯૭ લડવૈયાઓને માર્યા અને ૪૫૦ થી વધુ અફઘાન સૈનિકોને ઘાયલ કર્યા.
અફઘાનિસ્તાનમાં તાલિબાન શાસનનો ઉલ્લેખ કરતા મંત્રીએ કહ્યું કે ઓપરેશન ગઝ્બ-ઉલ-હક દરમિયાન, પાકિસ્તાને તેમની ૮૯ ચોકીઓનો નાશ કર્યો અને ૧૮ અન્યને કબજે કર્યા. આશરે ૧૩૫ ટેન્ક અને સશ† વાહનોનો પણ નાશ કરવામાં આવ્યો. મંત્રીએ કહ્યું કે પાકિસ્તાની વાયુસેનાએ પણ સમગ્ર અફઘાનિસ્તાનમાં આશરે ૨૯ સ્થળોને અસરકારક રીતે નિશાન બનાવ્યા.
અફઘાનિસ્તાને સરહદ પર એક સાથે ૫૩ સ્થળો પર હુમલો કર્યા બાદ પાકિસ્તાને ઓપરેશન ગઝબ-લીલ-હક નામનો બદલો લેવાનો હુમલો શરૂ કર્યો છે. શુક્રવારે સાંજે એક પત્રકાર પરિષદને સંબોધતા, સેનાના પ્રવક્તા લેફ્ટનન્ટ જનરલ અહેમદ શરીફ ચૌધરીએ કહ્યું કે અફઘાન તાલિબાને પાકિસ્તાન અને આતંકવાદી સંગઠનો વચ્ચે પસંદગી કરવી પડશે.
તેમણે કહ્યું, “હું એક વાત સ્પષ્ટ કરવા માંગુ છુંઃ દમનકારી અફઘાન તાલિબાન શાસને સ્પષ્ટ પસંદગી કરવી પડશે. તેણે તહરીક-એ-તાલિબાન પાકિસ્તાન, બલૂચ લિબરેશન આર્મી, દાએશ, અલ-કાયદા, આતંકવાદીઓ અને આતંકવાદી સંગઠનો અને પાકિસ્તાન વચ્ચે પસંદગી કરવી પડશે.”
પાકિસ્તાને લાંબા સમયથી અફઘાન તાલિબાન પર ટીટીપી અને અન્ય આતંકવાદી જૂથોને પાકિસ્તાન સામે હુમલા કરવા માટે આશ્રય, તાલીમ અને લોજિસ્ટીક્સ સપોર્ટ માટે તેમના પ્રદેશનો ઉપયોગ કરવાની મંજૂરી આપવાનો આરોપ મૂક્્યો છે.
