શ્રીલંકા અને ઝિમ્બાબ્વે વચ્ચેની બીજી ટી ૨૦ મેચ ઝિમ્બાબ્વેના હરારે સ્પોર્ટ્સ ક્લબ ખાતે રમાઈ હતી. આ મેચમાં શ્રીલંકાને પાંચ વિકેટથી હારનો સામનો કરવો પડ્યો હતો. આ મેચમાં, ઝિમ્બાબ્વેની જીતના હીરો સિકંદર રઝા હતા, તેમણે બોલિંગમાં શાનદાર પ્રદર્શન કર્યું અને ૩ વિકેટ લીધી. તેમના ચાર ઓવરના સ્પેલમાં, તેમણે ૧૧ રન આપીને ૩ વિકેટ લીધી. શ્રીલંકા સામે ટી ૨૦ માં કોઈપણ ઝિમ્બાબ્વે ખેલાડી માટે આ શ્રેષ્ઠ બોલિંગ આંકડા છે.
સિકંદર રઝાએ આ મેચમાં કમાલિંદુ મેન્ડિસ (૦ રન) અને શ્રીલંકાના કેપ્ટન ચારિથ અસલંકા (૧૮ રન) જેવા મોટા બેટ્સમેનોને આઉટ કરીને શ્રીલંકાના બેટિંગ ઓર્ડરની કમર તોડી નાખી. આ પછી, તેણે દુષ્મંથ ચમીરા (૦ રન) ને પણ પેવેલિયન મોકલી દીધા. આ રીતે, તેણે ત્રણ વિકેટ લીધી. ઝિમ્બાબ્વે માટે બ્રેડ ઇવાન્સે પણ શાનદાર પ્રદર્શન કર્યું, ૩ વિકેટ લીધી અને આ યાદીમાં બીજા સ્થાને પહોંચી ગયા. શ્રીલંકાના બેટ્સમેન રઝા અને ઇવાન્સની જાડી સામે પડ્યા અને ૮૦ રનમાં ઓલઆઉટ થઈ ગયા. ટી૨૦ આંતરરાષ્ટ્રીય ક્રિકેટના ઇતિહાસમાં આ શ્રીલંકાનો બીજા સૌથી ઓછો ટીમ સ્કોર પણ હતો.
સિકંદર રઝાને તેની શાનદાર બોલિંગ માટે પ્લેયર ઓફ ધ મેચનો એવોર્ડ મળ્યો. ટી ૨૦ આંતરરાષ્ટ્રીય ક્રિકેટમાં આ તેનો ૧૮મો પ્લેયર ઓફ ધ મેચનો એવોર્ડ છે અને તે યાદીમાં બીજા સ્થાને છે. ટી ૨૦ આંતરરાષ્ટ્રીય મેચમાં સૌથી વધુ પ્લેયર ઓફ ધ મેચ એવોર્ડ જીતવાનો રેકોર્ડ મલેશિયાના વિરનદીપ સિંહના નામે છે. તેમણે અત્યાર સુધીમાં ૨૨ વખત પ્લેયર ઓફ ધ મેચ એવોર્ડ જીત્યો છે. સૂર્યકુમાર યાદવ ૧૬ પીઓટીએમ એવોર્ડ સાથે યાદીમાં ત્રીજા ક્રમે છે.
બીજી ટી ૨૦ મેચની વાત કરીએ તો, શ્રીલંકાની ટીમ પ્રથમ બેટિંગ કરતી વખતે ૮૦ રન બનાવીને ઓલઆઉટ થઈ ગઈ હતી. શ્રીલંકા ટીમ તરફથી કામિલ મિશ્રા સૌથી વધુ રન બનાવનાર ખેલાડી હતો, તેણે ૨૦ બોલમાં ૨૦ રન બનાવ્યા હતા. તેના સિવાય, કેપ્ટન ચારિથ અસલંકાએ ૨૩ બોલમાં ૧૮ રન બનાવ્યા હતા જ્યારે દાસુન શનાકા ૨૧ બોલમાં ૧૫ રન બનાવીને આઉટ થયો હતો. ૮૧ રનના લક્ષ્યનો પીછો કરતા, ઝિમ્બાબ્વેની ટીમ ૧૪.૨ ઓવરમાં પાંચ વિકેટ ગુમાવીને આ લક્ષ્ય હાંસલ કરવામાં સફળ રહી. ટીમ તરફથી તાશિંગા મુસેકિવા સૌથી વધુ રન બનાવનાર ખેલાડી હતો, તેણે ૧૪ બોલમાં ૨૧ રન બનાવ્યા હતા.
