રશિયન કોર્ટે આતંકવાદના આરોપમાં આઠ લોકોને દોષિત ઠેરવ્યા. તેઓ કબજા હેઠળના ક્રિમીઆ પ્રદેશને મોસ્કો સાથે જાડતા પુલ પરના હુમલામાં કથિત રીતે સામેલ હતા. યુક્રેન યુદ્ધમાં આ પુલ રશિયન સૈન્ય માટે મુખ્ય સપ્લાય રૂટ છે. કોર્ટે તે બધાને મૃત્યુદંડની સજા ફટકારી.આ હુમલો ઓક્ટોબર ૨૦૨૨ માં થયો હતો. એક ટ્રકમાં બોમ્બ વિસ્ફોટ થયો હતો, જેમાં પુલના બે ભાગ નાશ પામ્યા હતા અને સમારકામમાં ઘણા મહિના લાગ્યા હતા. આ વિસ્ફોટમાં ટ્રક ડ્રાઈવર અને નજીકની કારમાં સવાર ચાર અન્ય લોકો માર્યા ગયા હતા. રશિયાએ તેને આતંકવાદી હુમલો જાહેર કર્યો હતો અને તેના જવાબમાં, શિયાળા દરમિયાન દેશની વીજ વ્યવસ્થાને લક્ષ્ય બનાવીને, ખાસ કરીને યુક્રેનિયન જાહેર સંપત્તિ પર બોમ્બમારો શરૂ કર્યો હતો.યુક્રેનની સુરક્ષા સેવા,એસબીયુએ આ હુમલાની જવાબદારી સ્વીકારી હતી. રશિયન, યુક્રેનિયન અને આર્મેનિયન નાગરિકો સહિત આઠ લોકોની ધરપકડ કરવામાં આવી હતી. કોર્ટમાં ગેરહાજરીમાં પાંચ અન્ય લોકો પર આરોપ મૂકવામાં આવ્યો હતો. આમાં ત્રણ યુક્રેનિયન અને બે જ્યોર્જિયન નાગરિકોનો સમાવેશ થાય છે.આર્ટ્યોમ અને જ્યોર્જી અઝાટ્યાન, ઓલેગ એÂન્ટપોવ, એલેક્ઝાન્ડર બિલીન, વ્લાદિમીર ઝાલોબા, દિમિત્રી ત્યાઝેલિક, રોમન સોલોમકો અને આર્ટુર તેર્ચાન્યાન પર આતંકવાદી હુમલાની યોજના બનાવવા અને ગેરકાયદેસર હથિયારોની હેરાફેરીનો આરોપ મૂકવામાં આવ્યો હતો. સોલોમકો અને તેર્ચાન્યાન પર વિસ્ફોટકોની દાણચોરીનો પણ આરોપ મૂકવામાં આવ્યો હતો. રશિયન અધિકારીઓએ તેમના પર યુક્રેનની મદદથી હુમલો કરવાનો આરોપ મૂક્્યો હતો. મીડિયા રિપોર્ટ્સ અનુસાર, ધરપકડ કરાયેલા તમામ લોકોએ આરોપોનો ઇનકાર કર્યો હતો અને કહ્યું હતું કે તેઓ જાણતા ન હતા કે ટ્રક વિસ્ફોટકોથી ભરેલી હતી. જીમ્ેં ચીફ લેફ્ટનન્ટ જનરલ વાસિલ માલ્યુકે ૨૦૨૩ ના એક ઇન્ટરવ્યુમાં જણાવ્યું હતું કે તેમણે, બે વિશ્વાસુ સહયોગીઓ સાથે, હુમલાની તૈયારી કરી હતી અને અન્યનો ઉપયોગ તેમની જાણ વગર કરવામાં આવ્યો હતો.યુક્રેનિયન સરહદથી લગભગ ૧૦૦ કિલોમીટર દૂર રશિયન શહેર રોસ્ટોવ-ઓન-ડોનમાં લશ્કરી અદાલતમાં ફેબ્રુઆરી ૨૦૨૫ માં બંધ દરવાજા પાછળ કેસ શરૂ થયો હતો. રશિયન અધિકારીઓએ માલ્યુક પર હુમલાનું કાવતરું ઘડવાનો આરોપ મૂક્્યો હતો. ક્રિમીઆને રશિયા સાથે જાડતો આ પુલ, મોસ્કો માટે લશ્કરી અને નાગરિક પુરવઠા માટે માત્ર એક મહત્વપૂર્ણ માર્ગ નથી પણ ૨૦૧૪ માં ક્રિમીઆના જાડાણ પછી તેની શક્તિનું પ્રતીક પણ છે.
