અદાણી ગ્રુપ અને અગ્રણી ઇટાલિયન એરોસ્પેસ અને સંરક્ષણ કંપની લિયોનાર્ડોએ મંગળવારે ભારતમાં એક સંકલિત હેલિકોપ્ટર ઉત્પાદન ઇકોસિસ્ટમ સ્થાપિત કરવા માટે વ્યૂહાત્મક ભાગીદારીની જાહેરાત કરી. મેક ઇન ઇન્ડિયા પહેલને મજબૂત બનાવવા અને હેલિકોપ્ટર ઉત્પાદનમાં ભારતની આત્મનિર્ભરતા વધારવા માટે આ પગલું મહત્વપૂર્ણ માનવામાં આવે છે.
આ ભાગીદારી હેઠળ, રાજધાની દિલ્હીમાં આયોજિત એક કાર્યક્રમમાં અદાણી ડિફેન્સ એન્ડ એરોસ્પેસ અને લિયોનાર્ડો વચ્ચે સમજૂતી કરાર પર હસ્તાક્ષર કરવામાં આવ્યા હતા. પ્રસ્તાવિત ઉત્પાદન ઇકોસિસ્ટમ ભારતીય સશ† દળોની જરૂરિયાતોને પૂર્ણ કરવા પર ધ્યાન કેન્દ્રિત કરશે, ખાસ કરીને લિયોનાર્ડોના અદ્યતન છઉ૧૬૯સ્ અને છઉ૧૦૯ ટ્રેકરસ્ લશ્કરી હેલિકોપ્ટર માટે.
કંપનીઓ દ્વારા જારી કરાયેલા નિવેદન અનુસાર, આ સહયોગમાં તબક્કાવાર સ્વદેશીકરણ, મજબૂત જાળવણી, સમારકામ અને ઓવરહોલ ક્ષમતાઓનો વિકાસ, તેમજ વ્યાપક પાઇલટ તાલીમનો સમાવેશ થશે. આ સંરક્ષણ ક્ષેત્ર અને નાગરિક ઉડ્ડયન બંનેમાં સ્થાનિક ક્ષમતાઓને વેગ આપશે.
ભારતમાં હેલિકોપ્ટરની ઉપલબ્ધતા હાલમાં ખૂબ ઓછી છે. દેશની વસ્તી દીઠ હેલિકોપ્ટર ઘનતા ૨૫૦ કરતા ઓછી છે, જ્યારે ભારતને આગામી ૧૦ વર્ષમાં વાર્ષિક આશરે ૧૦૦ નવા હેલિકોપ્ટરની જરૂર પડશે તેવો અંદાજ છે.
અદાણી ડિફેન્સ એન્ડ એરોસ્પેસના ડિરેક્ટર જીત અદાણીએ જણાવ્યું હતું કે આ ભાગીદારી એક એવી ઉડ્ડયન ઇકોસિસ્ટમનો પાયો નાખી રહી છે જે નાગરિક અને સંરક્ષણ બંને જરૂરિયાતોને પૂર્ણ કરશે. તેમણે કહ્યું કે લિયોનાર્ડો સાથેનો અમારો સહયોગ ફક્ત સહિયારી કુશળતા પર આધારિત નથી, પરંતુ સહિયારા હેતુ પર આધારિત છે. અમે ભારતીય ભૂમિ પર એક એવી ઇકોસિસ્ટમ બનાવીશું જે ઉત્પાદન, એસેમ્બલી, તાલીમ અને વિશ્વ કક્ષાના સમર્થનને એકીકૃત રીતે સંકલિત કરશે.
કંપનીના સીઈઓ આશિષ રાજવંશીએ જણાવ્યું હતું કે ભારતીય સશાસ્ત્રો દળોએ આગામી દાયકામાં ૧,૦૦૦ થી વધુ હેલિકોપ્ટરની માંગની અપેક્ષા રાખી છે. આ ભાગીદારી સાર્વભૌમ સંરક્ષણ ઉત્પાદનના વિઝનને સાકાર કરવા તરફ એક મોટું પગલું છે.
ભારત લિયોનાર્ડો માટે એક મુખ્ય બજાર છે.
લિયોનાર્ડો હેલિકોપ્ટરના મેનેજિંગ ડિરેક્ટર ગિયાન પિએરો કુટિલોએ જણાવ્યું હતું કે ભારત એક મોટું અને વ્યૂહાત્મક બજાર છે, જેમાં સશ† દળો તરફથી હેલિકોપ્ટરની માંગ વધી રહી છે.ગયા અઠવાડિયે એમ્બ્રેર સાથે ભાગીદારીની પણ જાહેરાત કરવામાં આવી હતી.આ જાહેરાત અદાણી ડિફેન્સ એન્ડ એરોસ્પેસે ભારતમાં પ્રાદેશિક વિમાન ઉત્પાદન સુવિધા સ્થાપિત કરવા માટે બ્રાઝિલની મુખ્ય એમ્બ્રેર સાથે વ્યૂહાત્મક સહયોગની જાહેરાત કર્યાના એક અઠવાડિયા પછી જ આવી છે.
