ચીનના તિયાનજિન શહેરમાં શાંઘાઈ કોઓપરેશન ઓર્ગેનાઈઝેશન (એસસીઓ) પરિષદના બીજા દિવસે પૂર્ણ સત્ર યોજાઈ રહ્યું છે. એસસીઓ રાષ્ટ્રોના વડાઓની ૨૫મી બેઠક પછી સંયુક્ત ઘોષણાપત્ર જારી કરવામાં આવશે. ભારતના વડા પ્રધાન નરેન્દ્ર મોદીએ પરિષદના ઉદ્ઘાટન સત્રમાં સંબોધન કર્યું હતું અને આતંકવાદ સામે ભારતના કડક વલણનો પુનરોચ્ચાર કર્યો હતો. પીએમ મોદીએ સ્પષ્ટ કર્યું છે કે આતંકવાદ પર બેવડા ધોરણો કોઈપણ દેશને સ્વીકાર્ય ન હોવા જોઈએ.
પીએમ મોદીએ કહ્યું કે છેલ્લા ૩૪ વર્ષથી,એસસીઓએ સમગ્ર યુરેશિયાને જોડવામાં મહત્વપૂર્ણ ભૂમિકા ભજવી છે.એસસીઓના સક્રિય સભ્ય દેશ તરીકે ભારતે સકારાત્મક ભૂમિકા ભજવી છે.એસસીઓ વિશે ભારતનો વિચાર ૩ મુખ્ય સ્તંભો પર આધારિત છે. જી- સુરક્ષા,સી- કનેકટીવિટી,ઓ- તક.
સુરક્ષા અંગે, પીએમ મોદીએ કહ્યું કે સુરક્ષા, શાંતિ અને સ્થિરતા કોઈપણ દેશના વિકાસનો આધાર છે. પરંતુ આતંકવાદ, અલગતાવાદ, ઉગ્રવાદ તેના માર્ગમાં મોટા પડકારો છે. આતંકવાદ માત્ર કોઈ દેશની સુરક્ષા માટે પડકાર નથી પણ સમગ્ર માનવતા માટે એક સામાન્ય પડકાર છે. કોઈ પણ દેશ તેનાથી પોતાને સુરક્ષિત માની શકતો નથી. ચીનમાં આયોજિત એસસીઓ પરિષદને સંબોધતા પીએમ મોદીએ કહ્યું- “ભારત છેલ્લા ચાર દાયકાથી આતંકવાદથી પીડાઈ રહ્યું છે. તાજેતરમાં, આપણે પહેલગામમાં આતંકવાદનું સૌથી ખરાબ સ્વરૂપ જાયું. હું તે મિત્ર દેશનો આભાર માનું છું જે આ દુઃખની ઘડીમાં આપણી સાથે ઉભો રહ્યો.”
પીએમ મોદીએ કહ્યું કે “ભારતે આતંકવાદ સામેની લડાઈમાં એકતા પર ભાર મૂક્યો છે. ભારતે સંયુક્ત માહિતી અભિયાનનું નેતૃત્વ કરીને અલ-કાયદા અને તેની સાથે સંકળાયેલા આતંકવાદી સંગઠનો સામે લડવાની પહેલ કરી છે… અમે આતંકવાદના ભંડોળ સામે અવાજ ઉઠાવ્યો છે. હું આમાં તમારા સહયોગ બદલ આભાર વ્યક્ત કરું છું.”
પીએમ મોદીએ સ્પષ્ટપણે કહ્યું- “આપણે સ્પષ્ટપણે અને સર્વાનુમતે કહેવું પડશે કે આતંકવાદ પર કોઈ બેવડા ધોરણો સ્વીકાર્ય નથી. પહેલગામ હુમલો માનવતામાં વિશ્વાસ રાખતા દરેક દેશ અને વ્યક્તિ માટે એક ખુલ્લો પડકાર હતો. આવી સ્થિતિમાં, એ પ્રશ્ન ઉઠાવવો સ્વાભાવિક છે કે શું કેટલાક દેશો દ્વારા આતંકવાદને ખુલ્લું સમર્થન આપણને સ્વીકાર્ય હોઈ શકે છે. આપણે સર્વાનુમતે દરેક સ્વરૂપ અને રંગના આતંકવાદનો વિરોધ કરવો પડશે. માનવતા પ્રત્યે આ આપણી ફરજ છે.”
ચીનના તિયાનજિનમાં શાંઘાઈ કોઓપરેશન કાઉન્સીલની બેઠકમાં, પીએમ મોદીએ કનેક્ટીવિટીના મુદ્દા પર કહ્યું જે સાર્વભૌમત્વને બાયપાસ કરે છે તે વિશ્વાસ અને અર્થ ગુમાવે છે. તેમણે કહ્યું કે “ભારત હંમેશા એવું માનતું આવ્યું છે કે મજબૂત કનેક્ટીવિટી માત્ર વેપારને પ્રોત્સાહન આપતી નથી, પરંતુ વિકાસ અને વિશ્વાસના દરવાજા પણ ખોલે છે. આને ધ્યાનમાં રાખીને, અમે ચાબહાર પોર્ટ અને આંતરરાષ્ટ્રીય ઉત્તર-દક્ષિણ પરિવહન કોરિડોર જેવી પહેલ પર કામ કરી રહ્યા છીએ. આ અમને અફઘાનિસ્તાન અને મધ્ય એશિયા સાથે કનેક્ટીવિટી સુધારવામાં મદદ કરશે.”
શાંઘાઈ કોઓપરેશન ઓર્ગેનાઇઝેશનના સત્રમાં, વડા પ્રધાન નરેન્દ્ર મોદીએ કહ્યું – “આજે આપણે રિફોર્મ, પરફોર્મ અને ટ્રાન્સફોર્મના મંત્ર પર આગળ વધી રહ્યા છીએ. અમે દરેક પડકારને તકમાં ફેરવવાનો પ્રયાસ કર્યો છે. હું તમને બધાને ભારતની વિકાસ યાત્રાનો ભાગ બનવા માટે આમંત્રણ આપું છું.”
પ્રધાનમંત્રીએ કહ્યું, ‘સુરક્ષા, શાંતિ અને સ્થિરતા કોઈપણ દેશના વિકાસનો આધાર છે. પરંતુ આતંકવાદ, અલગતાવાદ અને ઉગ્રવાદ આ માર્ગમાં મોટા પડકારો છે. આતંકવાદ ફક્ત એક દેશની સુરક્ષા માટે જ નહીં પરંતુ સમગ્ર માનવતા માટે એક સામાન્ય પડકાર છે. કોઈ પણ દેશ, કોઈ સમાજ, કોઈ પણ નાગરિક તેનાથી પોતાને સુરક્ષિત માની શકતો નથી. તેથી, ભારતે આતંકવાદ સામેની લડાઈમાં એકતા પર ભાર મૂક્યો છે. ભારતે સંયુક્ત માહિતી અભિયાનનું નેતૃત્વ કરીને અલ-કાયદા અને તેની સાથે સંકળાયેલા આતંકવાદી સંગઠનો સામે લડવાની પહેલ કરી. અમે આતંકવાદના ભંડોળ સામે અવાજ ઉઠાવ્યો.’
ચીનના રાષ્ટ્રપતિ શી જિનપિંગે કહ્યું, ‘અમે સતત કાયદા અમલીકરણ અને સુરક્ષા સહયોગને પ્રોત્સાહન આપ્યું છે, મતભેદોને યોગ્ય રીતે ઉકેલ્યા છે, બાહ્ય હસ્તક્ષેપનો દૃઢતાપૂર્વક વિરોધ કર્યો છે અને પ્રદેશમાં શાંતિને ટેકો આપ્યો છે. અમે હંમેશા શાંતિ અને સ્થિરતા જાળવી રાખી છે. અમે બેલ્ટ એન્ડ રોડ સહયોગ શરૂ કરનાર પ્રથમ દેશ હતા. અમે હંમેશા આંતરરાષ્ટ્રીય ન્યાય અને ન્યાય માટે ઉભા રહ્યા છીએ, સંસ્કૃતિઓમાં સમાવેશીતા અને પરસ્પર શિક્ષણની હિમાયત કરી છે, અને વર્ચસ્વવાદ અને સત્તાના રાજકારણનો વિરોધ કર્યો છે.’
તિયાનજિનમાં એસસીઓ સભ્ય સત્રમાં પોતાના ઉદ્ઘાટન ભાષણમાં, ચીનના રાષ્ટ્રપતિ શી જિનપિંગે કહ્યું, ’૨૪ વર્ષ પહેલાં જીર્ઝ્રં ની રચના થઈ ત્યારથી, આ સંગઠન પરસ્પર વિશ્વાસ, પરસ્પર લાભ,સમાનતા, પરામર્શ, સંસ્કૃતિઓની વિવિધતા માટે આદર અને સામાન્ય વિકાસના અનુસંધાન પર આધારિત છે. અમે અમારા સરહદી વિસ્તારોમાં લશ્કરી વિશ્વાસ-નિર્માણ પદ્ધતિઓ સ્થાપિત કરનાર પ્રથમ દેશ હતા, અમારી વિશાળ સરહદોને મિત્રતા, પરસ્પર વિશ્વાસ અને સહયોગના બંધનમાં ફેરવી દીધી છે. અમે આતંકવાદ, અલગતાવાદ અને ઉગ્રવાદની ત્રણ શક્તિઓ સામે બહુપક્ષીય કાર્યવાહી કરનાર પ્રથમ દેશ હતા. અમે કાયદા અમલીકરણ અને સુરક્ષા સહયોગને સતત પ્રોત્સાહન આપ્યું છે.’
