બાંકીપુર મતવિસ્તારથી પાંચ વખત ધારાસભ્ય રહેલા નીતિન નવીનને ભારતીય જનતા પાર્ટીના રાષ્ટીય અધ્યક્ષ તરીકે જાહેર કરવામાં આવ્યા. પીએમ મોદીએ તેમને માળા પહેરાવી અને અભિનંદન આપ્યા. તેમણે સોમવારે પોતાનું નામાંકન દાખલ કર્યું. આજે, તેઓ ભાજપ પ્રમુખ તરીકે બિનહરીફ ચૂંટાયા. તેમના શપથગ્રહણ નિમિત્તે પટણા અને બિહારમાં તમામ ભાજપ કાર્યાલયોમાં ઉજવણીનો માહોલ છવાઈ ગયો. પટણામાં ભાજપે ખાસ તૈયારીઓ કરી છે. બિહાર ભાજપે જણાવ્યું હતું કે રાષ્ટીય અધ્યક્ષ પદ માટેના શપથગ્રહણ સમારોહનું પટણાના ત્રણ મુખ્ય સ્થળોએ મોટા ડિજિટલ બોર્ડ દ્વારા જીવંત પ્રસારણ કરવામાં આવ્યું હતુંઃ ટીન ટેલર રોડ, મૌર્ય લોક અને ન્યુ માર્કેટ (સ્તંભ નંબર ૭ પાસે). પટણા રાજ્ય કાર્યાલય સહિત સમગ્ર બિહારમાં ભાજપના કાર્યકરો ઉજવણી કરતા જાવા મળ્યા.
ભાજપના પ્રદેશ પ્રમુખ સંજય સરાવગીએ કહ્યું, “૧૫ જાન્યુઆરીએ જાહેરાત થઈ ત્યાં સુધીમાં નીતિન નવીન રાષ્ટીય નેતા બની ચુક્યા હતા. આજે, તેઓ સત્તાવાર રીતે ભાજપના રાષ્ટીય અધ્યક્ષ બની ગયા છે. પહેલી વાર, બિહારના કોઈ વ્યકિત વિશ્વની સૌથી મોટી પાર્ટીના રાષ્ટીયય અધ્યક્ષ બન્યા છે. આ ખૂબ જ આનંદની ક્ષણ છે, અને બધા કાર્યકરો ઉત્સાહિત છે. અમે ખૂબ જ ખુશ છીએ કારણ કે આજે, જેની સાથે અમે ૨૦ વર્ષ સુધી કામ કર્યું છે તે વ્યકિત અમારી પાર્ટીના રાષ્ટીય અધ્યક્ષ બન્યા છે.”
ભાજપ “રાષ્ટ્ર પ્રથમ” ના સંકલ્પથી પ્રેરિત થઈને સતત આગળ વધી રહી છે. બિહાર ભાજપ પ્રદેશ અધ્યક્ષે જણાવ્યું હતું કે “વ્યકિત કરતાં સંગઠન મોટું છે, અને દેશ સંગઠન કરતાં મોટો છે” ની રાષ્ટીય ભાવનાને અપનાવીને ભારતીય જનતા પાર્ટીએ ફરી એકવાર સાબિત કર્યું છે કે તે ફક્ત એક રાજકીય પક્ષ નથી, પરંતુ એક જીવંત વિચારધારા છે, જેની સ્થાપના ડા. શ્યામા પ્રસાદ મુખર્જી અને પંડિત દીનદયાળ ઉપાધ્યાય જેવા મહાન વિચારકો દ્વારા કરવામાં આવી છે. પાર્ટી અનુસાર, ભાજપમાં રાજકારણ સત્તા મેળવવાનું સાધન નથી, પરંતુ રાષ્ટીય સેવાનું એક પવિત્ર વિધિ છે, જ્યાં નેતૃત્વ વંશમાંથી નહીં પરંતુ તેના કાર્યકરોની સતત મહેનત, બલિદાન અને અટલ પ્રતિબદ્ધતામાંથી ઉભરી આવે છે. આ સંગઠનાત્મક પરંપરા અને સામૂહિક વિચારસરણીને કારણે નીતિન નવીનને રાષ્ટીય નેતૃત્વની મહત્વપૂર્ણ જવાબદારી સોંપવામાં આવી છે. પાર્ટીના નેતાઓ કહે છે કે જ્યારે દરેક કાર્યકર સ્વથી ઉપર ઉઠે છે અને “સર્વસ્વ” ની ભાવના સાથે કાર્ય કરે છે ત્યારે જ એક મજબૂત, સમૃદ્ધ અને આત્મનિર્ભર ભારતનું નિર્માણ શક્્ય છે. આ જ કારણ છે કે આજે ભારતીય જનતા પાર્ટી રાષ્ટીય પ્રથમ” ના સંકલ્પથી પ્રેરિત થઈને આગળ વધી રહી છે, તે વિશ્વના સૌથી મોટા રાજકીય પક્ષ તરીકે સ્થાપિત થઈ છે.
ભાજપ પ્રવક્તા નીરજ કુમારઃ ભારતીય જનતા પાર્ટીના નવા ચૂંટાયેલારાષ્ટીય અધ્યક્ષ નીતિન નવીનને લઈને પાર્ટીના કાર્યકરો અને નેતાઓમાં ઉત્સાહનું વાતાવરણ છે. માત્ર ૪૫ વર્ષની ઉંમરે ભાજપના ૧૨મા રાષ્ટીય અધ્યક્ષ તરીકે તેમની બિનહરીફ ચૂંટણીને સંગઠનમાં નવી પેઢી અને યુવા ઉર્જાની શકિત માટે વિજય તરીકે જાવામાં આવી રહી છે. બિહારથી રાષ્ટીય સ્તર સુધી સંગઠનને મજબૂત બનાવવામાં મુખ્ય ભૂમિકા ભજવનારા નીતિન નવીનને એક કુશળ સંગઠક અને મજબૂત નેતા તરીકે વર્ણવવામાં આવી રહ્યા છે. પાર્ટી નેતાઓનું કહેવું છે કે વડા પ્રધાન નરેન્દ્ર મોદી અને ગૃહમંત્રી અમિત શાહના નેતૃત્વમાં નીતિન નવીન લાખો કાર્યકરો સાથે મળીને ભાજપને નવી ઊંચાઈઓ પર લઈ જશે અને અંત્યોદય, વિકાસ અને મજબૂત ભારત માટેના સંકલ્પને વધુ વેગ આપશે.
આભાર – નિહારીકા રવિયા
