આઇસીસી ટી ૨૦ વર્લ્ડ કપ ભારત અને શ્રીલંકા દ્વારા સંયુક્ત રીતે ૭ ફેબ્રુઆરીથી શરૂ થવાનો છે. પાકિસ્તાની ટીમ શ્રીલંકામાં પોતાની મેચ રમશે, ત્યારે પાકિસ્તાની મૂળના ઘણા ખેલાડીઓ અને અધિકારીઓ અલગ અલગ ટીમોનો ભાગ છે. પરિણામે, છેલ્લા કેટલાક દિવસોથી ભારતીય વિઝા મેળવવામાં વિલંબના અહેવાલો સામે આવી રહ્યા છે. હવે,આઇસીસીએ એક મોટું અપડેટ જારી કર્યું છે, જેમાં તમામ વિઝા સમસ્યાઓના ઉકેલ માટે મહત્વપૂર્ણ પગલાં લેવામાં આવ્યા છે.
અહેવાલો બહાર આવ્યા છે કે પાકિસ્તાની મૂળના ખેલાડીઓ આદિલ રશીદ, રેહાન અહેમદ અને ફાસ્ટ બોલર સાકિબ મહમૂદ, જે ઇંગ્લેન્ડની ટી ૨૦ વર્લ્ડ કપ ટીમનો ભાગ છે, તેમને ભારતમાં વિઝા મેળવવામાં વિલંબ થઈ રહ્યો છે. આ પછી, આ ખેલાડીઓ અને અન્ય ૪૨ પાકિસ્તાની મૂળના ખેલાડીઓ અને અન્ય ટીમોના અધિકારીઓને વિઝા આપવા માટે જરૂરી ઔપચારિકતાઓ પૂર્ણ કરવા માટે આગામી અઠવાડિયા માટે તારીખ નક્કી કરવામાં આવી છે, જે દર્શાવે છે કે પ્રક્રિયા તેના અંતિમ
આભાર – નિહારીકા રવિયા તબક્કામાં પહોંચી ગઈ છે. સુત્રો અનુસાર, ભાગ લેનારા ખેલાડીઓને વિઝા આપવાની અંતિમ તારીખ ૩૧ જાન્યુઆરી છે.આઇસીસી વિશ્વભરના વિવિધ શહેરોમાં ભારતીય હાઇ કમિશન સાથે સતત સંપર્કમાં છે જેથી ખાતરી કરી શકાય કે બધા ખેલાડીઓ અને અધિકારીઓ માટે વિઝા અરજીઓ કોઈપણ અવરોધ વિના પ્રક્રિયા કરવામાં આવે.
પાકિસ્તાની મૂળના ખેલાડીઓ અને સપોર્ટ સ્ટાફના સભ્યો માટે ભારતીય વિઝામાં વિલંબ થવા પાછળનું કારણ એ છે કે તેમની વિઝા અરજીઓની સંપૂર્ણ તપાસ કરવામાં આવી રહી છે, જેના પરિણામે સામાન્ય પ્રક્રિયા કરતા વધુ સમય લાગે છે. જાકે,આઇસીસી દ્વારા જારી કરાયેલા વિઝા અંગેના અપડેટથી ચોક્કસપણે દરેકને ઘણી રાહત મળશે. ભારત અને શ્રીલંકા દ્વારા સંયુક્ત રીતે યોજાનારા ટી ૨૦ વર્લ્ડ કપ ૨૦૨૬માં કુલ ૨૦ ટીમો ભાગ લઈ રહી છે.
