સુપ્રીમ કોર્ટે એનસીઇઆરટી પાઠ્યપુસ્તક વિવાદ કેસમાં કેન્દ્ર સરકારને ડોમેન નિષ્ણાત સમિતિ બનાવવાનો આદેશ આપ્યો છે. સમિતિમાં એક ભૂતપૂર્વ ન્યાયાધીશ, એક શૈક્ષણિક અને એક અગ્રણી કાનૂની નિષ્ણાતનો સમાવેશ થશે. સુપ્રીમ કોર્ટના મુખ્ય ન્યાયાધીશે જણાવ્યું હતું કે, “જા ન્યાયતંત્ર, અન્ય કોઈપણ સંસ્થાની જેમ, ખામીઓ ધરાવે છે, અને જા આવી ખામીઓ તરફ ધ્યાન દોરવામાં આવે છે, તો તે ભવિષ્યના ન્યાયાધીશો અને વકીલોને મદદ કરશે અને હાલમાં સંકળાયેલા પક્ષકારોને સુધારાત્મક પગલાં લેવામાં મદદ કરશે.” મુખ્ય ન્યાયાધીશે વધુમાં જણાવ્યું હતું કે, “એક અઠવાડિયાની અંદર ડોમેન નિષ્ણાતોની એક નિષ્ણાત સમિતિની રચના કરવી જાઈએ, અને કાનૂની અભ્યાસ પર સામગ્રી તૈયાર કરવા માટે રાષ્ટ્રીય ન્યાયિક એકેડેમી, ભોપાલનો પણ સંપર્ક કરવો જાઈએ.”
સુપ્રીમ કોર્ટે કેન્દ્ર સરકાર અને એનસીઇઆરટીને પ્રોફેસર મિશેલ ડેનિનો, શિક્ષક સુપર્ણા દિવાકર અને કાનૂની સંશોધક આલોક પ્રસન્ના કુમારને વિવાદાસ્પદ ધોરણ ૮ ના પાઠ્યપુસ્તક પ્રકરણમાં તેમની ભૂમિકા બાદ શાળા અભ્યાસક્રમ તૈયાર કરવામાં કોઈપણ ભૂમિકામાંથી દૂર કરવાનો આદેશ આપ્યો છે. ભારતના મુખ્ય ન્યાયાધીશ સૂર્યકાંતની આગેવાની હેઠળની બેન્ચે કહ્યું હતું કે જા તેઓ આદેશમાં ફેરફાર ઇચ્છતા હોય, તો તેઓ કોર્ટનો સંપર્ક કરી શકે છે.
સુપ્રીમ કોર્ટે કેન્દ્ર સરકારને આ મુદ્દા પર ન્યાયતંત્રને બદનામ કરનારા સોશિયલ મીડિયા અને ડિજિટલ પ્લેટફોર્મને ઓળખવા અને તેમની સામે કાર્યવાહી કરવા પણ કહ્યું. સોશિયલ મીડિયા પર ન્યાયતંત્ર વિશે અપમાનજનક ટિપ્પણી કરનારાઓ અંગે સુપ્રીમ કોર્ટે કહ્યું, “આવા લોકોને પાઠ ભણાવવો જરૂરી છે. સીજેઆઇ તરીકે, હું આવા લોકોને છોડીશ નહીં. ન્યાયતંત્રને બદનામ કરનારાઓએ બિનશરતી માફી માંગી છે કે કેમ તે જાવાનું બાકી છે.”
