ગુજરાતના સૌથી મોટા તહેવાર ઉત્તરાયણ (મકરસંક્રાંતિ)ના આગમનને કારણે અમદાવાદમાં આ વખતે પતંગરસિકોમાં અનેરો ઉત્સાહ જાવા મળી રહ્યો છે. પરંપરાગત પોળોમાં પતંગબાજી માણવા માટે દેશ-વિદેશથી પ્રવાસીઓની ભારે ભીડ ઉમટી રહી છે, જેના કારણે અમદાવાદ આવતી ફ્લાઈટ્સ , બસ અને ટ્રેનમાં ભાડા અને ટિકિટની અછતને કારણે મુસાફરોને મોટી હાલાકીનો સામનો કરવો પડી રહ્યો છે. તહેવારના માત્ર ત્રણ-ચાર દિવસ પહેલાં ફ્લાઈટ ભાડામાં ૧૦થી ૩૦ હજાર રૂપિયાનો વધારો નોંધાયો છે, જ્યારે ખાનગી બસ અને ટ્રેનમાં કન્ફર્મ ટિકિટ મેળવવી મુશ્કેલ બની છે.
ઉત્તરાયણ ગુજરાતમાં માત્ર તહેવાર નહીં, પરંતુ એક સાંસ્કૃતિક મહોત્સવ છે. અમદાવાદની પ્રખ્યાત પોળો જેમ કે માણેકચોક, રાયપુર અને જમાલપુરમાં પતંગબાજીનો અનેરો ક્રેઝ જાવા મળે છે. આ વર્ષે પતંગરસિકોમાં ખાસ કરીને વિદેશી પ્રવાસીઓની સંખ્યા વધી છે, જેમણે પોળના ધાબાઓ પર પતંગ ઉડાવવા માટે અગાઉથી બુકિંગ કરાવી છે. અમદાવાદના કોટ વિસ્તારમાં ધાબાના ભાડા ૫,૦૦૦થી ૩૦,૦૦૦ રૂપિયા સુધી પહોંચી ગયા છે, જેમાં વિદેશી સહેલાણીઓ માટે વિશેષ વ્યવસ્થા કરવામાં આવી છે.પતંગ બજારમાં પણ ભારે ચહલપહલ છે.
જમાલપુર, માણેકચોક અને રાયપુરના બજારોમાં પતંગ, દોર અને ચરખીની ખરીદી માટે લોકોની ભીડ જાવા મળી રહી છે. જા કે, આ વર્ષે પતંગના ભાવમાં ૧૫થી ૩૦ ટકાનો વધારો થયો છે. કાચા માલ પરના અને કિંમતોમાં વધારાને કારણે પતંગ વેચનારાઓને પણ મુશ્કેલીનો સામનો કરવો પડી રહ્યો છે. લોકો પરિવાર સાથે તૈયારીઓ કરી રહ્યા છે.” આ તહેવારમાં પરંપરાગત વાનગીઓ જેમ કે ઉંધિયુ અને જલેબીની તૈયારીઓ પણ જારશોરથી ચાલી રહી છે.
ઉત્તરાયણના તહેવારને કારણે અમદાવાદ આવતી ફ્લાઈટ્સમાં ભારે માંગ વધી છે. પુણે, દિલ્હી અને દીવથી આવતી ફ્લાઈટ્સના ભાડામાં ૧૦થી ૩૦ હજાર રૂપિયાનો વધારો થયો છે. સામાન્ય દિવસોમાં દિલ્હીથી અમદાવાદનું વન-વે ફ્લાઈટ ભાડું આશરે ૩,૦૦૦ રૂપિયા હોય છે, પરંતુ હાલ તે ૨૩,૦૦૦થી ૪૫,૦૦૦ રૂપિયા સુધી પહોંચી ગયું છે. આ વધારાનું મુખ્ય કારણ તહેવારી સીઝનમાં વિમાન કંપનીઓ જેમ કે ઈન્ડિગો અને એર ઈન્ડિયાની માર્કેટ ડોમિનેન્સ છે, જે પીક સીઝનમાં ભાડા વધારીને નફો કમાવે છે.
