યુએસ સેન્ટ્રલ કમાન્ડે ઈરાની વિમાનોને નિશાન બનાવીને હુમલો કરતો વીડિયો બહાર પાડ્યો છે. આ ફૂટેજ “ઓપરેશન એપિક ફ્યુરી” હેઠળ ચાલી રહેલા લશ્કરી કાર્યવાહીનો એક ભાગ છે, જે ઈરાન સાથેના યુદ્ધ દરમિયાન યુએસ દળોની આક્રમક રણનીતિ દર્શાવે છે.
સેન્ટકોમના સત્તાવાર એકસ (અગાઉ ટ્વટર) એકાઉન્ટ પરથી પોસ્ટ કરાયેલ આ વિડિઓમાં રનવે પર પાર્ક કરેલા ઈરાની લશ્કરી પરિવહન વિમાનને ડ્રોન અથવા મિસાઇલો દ્વારા હુમલો કરવામાં આવી રહ્યું છે તે બતાવવામાં આવ્યું છે. હુમલાઓ પછી, વિમાન વિસ્ફોટ થાય છે અને સંપૂર્ણપણે નાશ પામે છે.
સેન્ટકોમ પોસ્ટમાં જણાવાયું છે કે, “ઈરાની શાસન દિવસેને દિવસે તેની હવાઈ ક્ષમતા ગુમાવી રહ્યું છે. યુએસ દળો માત્ર ઈરાની ધમકીઓ સામે બચાવ કરી રહ્યા નથી, પરંતુ વ્યવસ્થિતિ રીતે તેનો નાશ કરી રહ્યા છે.” આ વિડિઓ અવર્ગીકૃત છે અને હુમલાઓની ચોકસાઈ દર્શાવે છે. આશરે ૨૩ સેકન્ડ લાંબો આ વિડિઓ વિમાનને ટ્રેક કરવાથી શરૂ થાય છે, પછી અનેક હિટથી વિસ્ફોટ થાય છે અને અંતે સળગતો કાટમાળ બતાવે છે.
૨૮ ફેબ્રુઆરી, ૨૦૨૬ ના રોજ શરૂ થયેલા ઓપરેશન એપિક ફ્યુરી હેઠળ, યુએસ અને ઇઝરાયેલી દળોએ ઈરાન પર સેંકડો હવાઈ હુમલા કર્યા છે. સેન્ટકોમ અનુસાર, ઈરાનમાં અત્યાર સુધીમાં ૫,૫૦૦ થી વધુ લક્ષ્યોનો નાશ કરવામાં આવ્યો છે, જેમાં મિસાઇલ લોન્ચર, નૌકાદળના જહાજા અને હવાઈ મથકોનો સમાવેશ થાય છે.
તાજેતરના હુમલા ઉપરાંત, છેલ્લા કેટલાક દિવસોમાં બહાર પાડવામાં આવેલા અન્ય વીડિયોમાં યુએસ નેવી જહાજામાંથી મિસાઇલ લોન્ચ અને ઇરાની નૌકાદળના જહાજા પર હુમલા દર્શાવવામાં આવ્યા છે, જેમાં ૫૦ થી વધુ ઇરાની જહાજાના વિનાશનો દાવો કરવામાં આવ્યો છે. વધુમાં, યુએસ હુમલાઓમાં ઇરાની બેલિસ્ટીક મિસાઇલો અને લોન્ચર્સને પણ નિશાન બનાવવામાં આવ્યા હતા. યુએસ રાષ્ટ્રપતિ ડોનાલ્ડ ટ્રમ્પે જણાવ્યું છે કે પ્રાદેશિક સુરક્ષા સુનિશ્ચિત કરવા માટે લશ્કરી કાર્યવાહી જરૂરી છે.
હાલમાં, મધ્ય પૂર્વમાં યુદ્ધે પ્રાદેશિક સ્થિરતા અને વૈશ્વિક અર્થતંત્રને જાખમમાં મૂક્્યું છે. તેલના ભાવ આસમાને પહોંચી રહ્યા છે. સંયુક્ત રાષ્ટ્ર એ બંને પક્ષોને સંયમ રાખવાની અપીલ કરી છે. સેન્ટકોમ કહે છે કે આ હુમલાઓનો હેતુ ઇરાની ખતરાને ઘટાડવાનો હતો.
