એલપીજી સિલિન્ડરોની દેશવ્યાપી અછત હવે ભારતીય રેલ્વેની કેટરિંગ સેવાઓને અસર કરી રહી છે. આ કટોકટી ભારતીય રેલ્વે કેટરિંગ અને ટુરિઝમ કોર્પોરેશન દ્વારા ટ્રેનોમાં ભોજનની જાગવાઈને અસર કરી રહી છે. પરિસ્થિતિ ને ધ્યાનમાં રાખીને, રેલ્વે ટ્રેનોમાં રાંધેલા ભોજનને અસ્થાયી રૂપે સ્થગિત કરવાનું અને ટિકિટ સાથે ભોજનનું પ્રી-બુકિંગ કરાવનારા મુસાફરોને રિફંડ આપવાનું વિચારી રહી છે.સમાચાર અનુસાર આઇઆરસીટીસીએ તેના કેટરિંગ લાઇસન્સધારકોને મુસાફરોના ભોજન સેવામાં કોઈ વિક્ષેપ ન પડે તે માટે વૈકલ્પિક વ્યવસ્થા (આકસમિક યોજનાઓ) અમલમાં મૂકવા સૂચના આપી છે.
રેલ્વે અધિકારીઓના જણાવ્યા અનુસાર,એસપીજીની અછતની સૌથી વધુ અસર આઇઆરસીટીસીના બેઝ કિચન પર પડી રહી છે. આ બેઝ કિચન એવી જગ્યાઓ છે જ્યાં ટ્રેનો માટે ખોરાક તૈયાર કરવામાં આવે છે અને પછી પેન્ટ્રી કારમાં લોડ કરવામાં આવે છે. પેન્ટ્રી કારનો ઉપયોગ મુખ્યત્વે ખોરાક વિતરણ અને ફરીથી ગરમ કરવા માટે થાય છે અને સામાન્ય રીતે એલપીજી સિલિન્ડરોનો સંગ્રહ કરવામાં આવતો નથી. જા કે, બેઝ કિચનમાં હાલની રસોઈ સમસ્યાઓને કારણે, લાંબા અંતરની ટ્રેનો માટે ખોરાક તૈયાર કરવાની પ્રક્રિયા પ્રભાવિત થઈ રહી છે.
૧૦ માર્ચે જારી કરાયેલા એક પત્રમાં,આઇઆરસીટીસીએ રેલ્વે સ્ટેશનો પર ફૂડ પ્લાઝા, રિફ્રેશમેન્ટ રૂમ અને જન આહાર આઉટલેટ્સને એસપીજીની અછતના કિસ્સામાં વૈકલ્પિક ઇંધણ અથવા અન્ય પદ્ધતિઓનો ઉપયોગ કરીને રસોઈ પદ્ધતિઓ અપનાવવાનો નિર્દેશ આપ્યો હતો, જેથી મુસાફરોને ખોરાક પૂરો પાડવામાં કોઈ સમસ્યા ન આવે.
અગાઉ, રેસ્ટોરન્ટ અને હોટેલ એસોસિએશનો ચિંતા વ્યક્ત કરી હતી કે જા બેંગલુરુ, પુણે અને મુંબઈ જેવા શહેરોમાં વાણિજયક એલપીજી સિલિન્ડરોની અછતને કારણે સર્જાયેલી કટોકટી ચાલુ રહેશે, તો તેમને તેમના કામકાજ બંધ કરવાની ફરજ પડી શકે છે. તેમણે આ મુદ્દે તાત્કાલિક સરકારના હસ્તક્ષેપની માંગ કરી છે. નેશનલ રેસ્ટોરન્ટ એસોસિએશન ઓફ ઇન્ડીયાના પ્રમુખ સાગર દરિયાણીએ જણાવ્યું હતું કે રેસ્ટોરન્ટ પહેલાથી જ મર્યાદિત મેનુ અથવા તબક્કાવાર સમય પર કામ કરવાનું વિચારી રહ્યા છે.
