લોકસભામાં પોતાના ભાષણમાં, કિરેન રિજિજુએ પૂછ્યું કે રાહુલ ગાંધીને વિપક્ષના નેતા કેમ બનાવવામાં આવ્યા. તેઓ ગંભીર નહોતા. તેમણે એમ પણ કહ્યું કે પ્રિયંકા વિપક્ષના વધુ સારા નેતા હોત. પ્રિયંકા તે સમયે હસતી હતી, પોતાની બેઠક પરથી ઉભી પણ હતી, પરંતુ કિરેન રિજિજુના ભાષણ પછી, સ્પીકરે તેમને બોલવાની તક આપી.
પ્રિયંકા ગાંધી વાડ્રાએ કહ્યું, “હું હસતી હતી કારણ કે આજે તેમણે (રિજિજુ) નેહરુના વાક્્યનો ઉપયોગ કર્યો, જેની તેઓ ફક્ત ટીકા કરે છે, તેના ફાયદા માટે. તેથી જ હું હસતી હતી.” તેમણે એમ પણ કહ્યું કે વિપક્ષના નેતા એકમાત્ર વ્યકિત છે જે ૧૨ વર્ષથી તેમની (સરકાર) સામે ઝૂક્ય નથી.
કોંગ્રેસના સાંસદ પ્રિયંકા ગાંધીએ કહ્યું, “હું સ્પષ્ટ કરવા માંગુ છું કે આપણે કેમ હસતા હતા.” મને હસવું આવ્યું કારણ કે એ જ નેહરુ જેમની તેઓ સતત ટીકા કરતા હતા, હા, આજે તેઓએ તેમના વાક્યાંનો ઉપયોગ પોતાના ફાયદા માટે કર્યો. અચાનક તેઓએ સ્વીકાર્યું કે નેહરુજી જ આ સૌથી મોટા લોકશાહીને મજબૂત બનાવનાર વ્યકિત હતા. આ દેશમાં ફક્ત એક જ વ્યકિત છે જે છેલ્લા ૧૨ વર્ષમાં તેમની સામે ઝૂક્યો નથી, અને તે છે વિપક્ષના નેતા, કારણ કે તે સત્ય બોલે છે.
કિરેન રિજિજુએ લોકસભામાં કહ્યું કે વિપક્ષ સંપૂર્ણપણે મૂંઝવણમાં છે. તેના સભ્યોને ખબર નથી કે શું કરવું. પહેલા, તેઓ લોકસભા સ્પીકર સામે અવિશ્વાસ પ્રસ્તાવ લાવ્યા, જે હજુ પણ પેન્ડીંગ છે, પરંતુ તે દરમિયાન, તેઓ બીજા અવિશ્વાસ પ્રસ્તાવની નોટિસ આપી રહ્યા છે, જેનો કોઈ અર્થ નથી.
