સપા પ્રમુખ અખિલેશ યાદવે અત્યંત વિવાદાસ્પદ એક્સાઇઝ નીતિ સંબંધિત કથિત ભ્રષ્ટાચાર કેસમાં દિલ્હીના મુખ્યમંત્રી અરવિંદ કેજરીવાલ અને ભૂતપૂર્વ નાયબ મુખ્યમંત્રી મનીષ સિસોદિયાના નિર્દોષ છૂટકારોને ભાજપ માટે નૈતિક મૃત્યુદંડ ગણાવ્યો છે. તેમણે ભાજપને ઢોંગી ગણાવ્યો છે.
તેમણે એકસ પર એક નિવેદન જારી કરીને કહ્યું કે આજે સત્ય અને ન્યાય બંને દિલ્હીના લોકપ્રિય ભૂતપૂર્વ મુખ્યમંત્રી અરવિંદ કેજરીવાલ સાથે ઉભા છે. કોઈ આરોપ ક્્યારેય એટલો મોટો ન હોઈ શકે કે તે સત્યને ઢાંકી દે. આજે, દરેક પ્રામાણિક વ્યકિત આશાનો શ્વાસ લેશે, જ્યારે ભાજપના સમર્થકો શરમથી ભરાઈ જશે. ભાજપે દિલ્હીના રહેવાસીઓ સાથે દગો કર્યો છે.
એ કપટી સનાતનીઓ જે શંકરાચાર્ય, સાધુઓ, સંતો અને સંન્યાસીઓ પર પણ ખોટા આરોપો લગાવવાનું ગંભીર પાપ કરે છે, તેઓ સરકાર, પક્ષ કે વ્યકિત ને બદનામ કરવા માટે કેટલી હદ સુધી જશે તેની કોઈ સમજદાર વ્યકિત કલ્પના પણ કરી શકતી નથી.
સ્વતંત્રતા પહેલા, વર્તમાન સરકારના “સહયોગીઓ”, જેઓ દેશના દુશ્મનો સાથે જાડાણ ધરાવતા હતા અને સ્વતંત્રતા સેનાનીઓને ફાંસી પર ચડાવવા માટે તેમની વિરુદ્ધ માહિતી આપનારા તરીકે કામ કરતા હતા, અને જેમણે દેશને ગુલામ બનાવનારા સામ્રાજ્યવાદીઓની માફી અને છૂટછાટો પર આધાર રાખીને તેમની ભૂગર્ભ ભૂમિકા ચાલુ રાખી હતી, તેઓ હવે કોઈને પણ પોતાનો ચહેરો બતાવવા માટે અસમર્થ છે. આ સમાચાર ભાજપ માટે “નૈતિક મૃત્યુદંડ” થી ઓછા નથી.દરમિયાન, આરોપો ફગાવી દેવામાં આવ્યા બાદ કેજરીવાલ ભાવુક થઈ ગયા અને મીડિયા સામે રડી પડ્યા. તેમણે કહ્યું, “હું ભ્રષ્ટ નથી.”
