દક્ષિણ આફ્રિકાના બીજા ખેલાડીએ આંતરરાષ્ટીય ક્રિકેટમાંથી નિવૃત્તિની જાહેરાત કરી છે. આ ખેલાડી બીજું કોઈ નહીં પણ દક્ષિણ આફ્રિકાના સૌથી સફળ બેટ્સમેનોમાંના એક રાસી વાન ડેર ડુસેન છે. તેમણે સોશિયલ મીડિયા પર એક લાંબા પત્રમાં આ જાહેરાત કરી છે. રાસી વાન ડેર ડુસેને અચાનક ક્રિકેટમાંથી નિવૃત્તિની જાહેરાત કરી છે.
રસી વાન ડેર ડુસેને સોશિયલ મીડિયા પર લખ્યું કે તે ખૂબ જ ગર્વ અને કૃતજ્ઞતા સાથે આંતરરાષ્ટીય ક્રિકેટમાંથી નિવૃત્તિની જાહેરાત કરી રહ્યો છે. તેણે કહ્યું કે પ્રોટીઝ જર્સી પહેરવી એ એક એવી સિદ્ધિ છે જે સમર્પણના સ્તરની માંગ કરે છે જે તમારી કસોટી કરે છે અને તમને અવિશ્વસનીય રીતે પુરસ્કાર આપે છે. તેણે કહ્યું કે તેના દેશ માટે રમવું એ તેના જીવનનો સૌથી મોટો સન્માન રહ્યો છે. તેણે તેના ચાર ભાઈઓ અને ક્રિકેટ બોર્ડના અધિકારીઓનો પણ ઉલ્લેખ કર્યો.
રસી વાન ડેર ડુસેન એક સમયે વનડે માં સરેરાશ ૬૦ ની આસપાસ હતો, જે ખૂબ જ સારો માનવામાં આવે છે. જા કે, નિવૃત્તિ પહેલાં, તે હવે ૫૦ ની આસપાસ સરેરાશ ધરાવે છે. રસીનું કરિયર ખૂબ મોડું શરૂ થયું હતું. જ્યારે તેણે આંતરરાષ્ટીય ક્રિકેટમાં પ્રવેશ કર્યો ત્યારે તે લગભગ ૨૯ વર્ષનો હતો. પરંતુ તેના ઉત્તમ પ્રદર્શનને કારણે, તે ટૂંક સમયમાં દક્ષિણ આફ્રિકાની ટીમનો કાયમી સભ્ય બન્યો. તેણે ૨૦૨૩ વનડે વર્લ્ડ કપમાં કેટલીક પ્રભાવશાળી ઇનિંગ્સ રમી, જેમાં બે સદી ફટકારી. આ ઇનિંગ્સે ટીમને સેમિફાઇનલમાં પહોંચવામાં મદદ કરી.
જ્યારે રસી વાન ડેર ડુસેન ટી ૨૦ માં ખાસ પ્રભાવ પાડી શક્્યો નથી, તે વિશ્વભરની લીગનો ભાગ રહ્યો છે. તેણે દક્ષિણ આફ્રિકાને આ ફોર્મેટમાં ઘણી મેચ જીતવામાં પણ મદદ કરી છે. થોડા સમય માટે, તે આઇસીસી ટી ૨૦ રેન્કિંગમાં ટોચના ૧૦ માં પણ સ્થાન મેળવ્યું હતું. તે આઇપીએલમાં રાજસ્થાન રોયલ્સ ટીમનો પણ ભાગ હતો. તેણે ત્રણ મેચમાં ૨૨ રન બનાવ્યા. હવે જાવાનું એ છે કે રસી ટી ૨૦ લીગમાં રમવાનું ચાલુ રાખે છે કે તેનાથી દૂર રહે છે.
