ઇંગ્લેન્ડની ટીમે તાજેતરમાં ઓસ્ટ્રેલિયાનો પ્રવાસ પૂર્ણ કર્યો હતો, જ્યાં તેઓ ૨૦૨૫-૨૬ એશિઝ શ્રેણી રમવાના હતા. આ પ્રવાસમાં રમાયેલી પાંચ ટેસ્ટ મેચમાંથી, ઇંગ્લેન્ડ ચાર હારી ગયું અને માત્ર એક જીત્યું. ઇંગ્લેન્ડ અને વેલ્સ ક્રિકેટ બોર્ડે ૨૦૨૯-૩૦ના ઓસ્ટ્રેલિયા પ્રવાસ માટે તૈયારીઓ શરૂ કરી દીધી છે, જેમાં તેઓ આગામી ટેસ્ટ શ્રેણીમાં ગુલાબી બોલથી ટેસ્ટ મેચ રમવાનું ટાળવાનો ઇરાદો ધરાવે છે.
ઓસ્ટ્રેલિયાએ અત્યાર સુધી વિશ્વ ક્રિકેટમાં ગુલાબી બોલથી સૌથી વધુ મેચ રમી છે, અને તેમનું વર્ચસ્વ સ્પષ્ટ થયું છે. બીબીસી સ્પોર્ટના અહેવાલ મુજબ, ઇંગ્લેન્ડ અને વેલ્સ ક્રિકેટ બોર્ડે શ્રેણી સમાપ્ત થયા પછી વરિષ્ઠ અધિકારીઓ સાથેની આગામી બેઠકમાં ગુલાબી બોલથી ટેસ્ટ મેચ ન રમવાના તેમના નિર્ણયની જાણ ક્રિકેટ ઓસ્ટ્રેલિયાને કરી હતી. ૨૦૨૫-૨૬ એશિઝમાં, બ્રિસ્બેનના ગાબા સ્ટેડિયમમાં ગુલાબી બોલથી ટેસ્ટ મેચ રમાઈ હતી, જ્યાં ઇંગ્લેન્ડને એકતરફી હારનો સામનો કરવો પડ્યો હતો. ત્યારથી, ડે-નાઇટ ટેસ્ટ મેચ ન રમવા અંગે ચર્ચાઓ તેજ થઈ ગઈ છે. ઈઝ્રમ્ એ સ્પષ્ટતા કરી છે કે તે માનતું નથી કે આ ફોર્મેટમાં ગુલાબી બોલથી ટેસ્ટ મેચનો સમાવેશ કરવાની જરૂર છે.
જ્યારે ઇસીબી તેના આગામી ઓસ્ટ્રેલિયન પ્રવાસ પર ગુલાબી બોલ ટેસ્ટ રમવા માંગતું નથી, ત્યારે ૨૦૨૭ માં મેલબોર્ન ક્રિકેટ ગ્રાઉન્ડની ૧૫૦મી વર્ષગાંઠ નિમિત્તે ઓસ્ટ્રેલિયા અને ઇંગ્લેન્ડ વચ્ચે ગુલાબી બોલ ટેસ્ટ મેચ રમવાનું નક્કી છે. ક્રિકેટ ઓસ્ટ્રેલિયાએ ઓગસ્ટ ૨૦૨૪ માં આ જાહેરાત કરી હતી. આ મેચ અંગે, એક ભૂતપૂર્વ ઓસ્ટ્રેલિયન ખેલાડીએ બીબીસી સ્પોર્ટને જણાવ્યું હતું કે તેઓ વ્યક્તિગત રીતે માને છે કે આ મેચ પરંપરાગત ટેસ્ટ ક્રિકેટની જેમ લાલ બોલથી રમવી જાઈએ, અને ક્રિકેટ ઓસ્ટ્રેલિયાએ તેના નિર્ણય પર પુનર્વિચાર કરવો જાઈએ.
