જમિયત ઉલેમા-એ-હિંદના પ્રમુખ મૌલાના મહમૂદ મદનીએ શુક્રવારે એક નિવેદનમાં જણાવ્યું હતું કે તાજેતરના વર્ષોમાં રાજકીય ભાષા અને સંવાદનું સ્તર ઘટી ગયું છે. મદનીએ વડા પ્રધાન, વિપક્ષી નેતાઓ અને રાજ્યના નેતાઓ સહિત તમામ રાજકીય પક્ષોના નેતાઓ પર ખોટી અને વાંધાજનક ભાષાનો ઉપયોગ કરવાનો આરોપ લગાવ્યો. પહેલગામ આતંકવાદી હુમલા પછી ભારતીય નાગરિક સમાજ દ્વારા દાખવવામાં આવેલી ધીરજની મૌલાના મહમૂદ મદનીએ પ્રશંસા કરી.ઇસ્લામિક વિદ્વાનએ કહ્યું, “હવે ધોરણો ઘટી ગયા છે, વડા પ્રધાન મોદી પણ સમુદાયો માટે અયોગ્ય ભાષા બોલે છે, અને વિપક્ષે પણ ધોરણ ઘટાડી દીધું છે.” મૌલાના મહમૂદ મદનીએ આસામના મુખ્યમંત્રી હિમંતા બિસ્વા શર્માની ટિપ્પણીઓ પર પણ સખત વાંધો ઉઠાવ્યો અને તેમને અપમાનજનક ગણાવ્યા. તેમણે કહ્યું, “આસામના મુખ્યમંત્રીની ભાષા અત્યંત વાંધાજનક છે. તેઓ રાજ્યના રક્ષક છે, પરંતુ તેઓ જે પ્રકારની ભાષાનો ઉપયોગ કરી રહ્યા છે તે ખોટી છે. આપણે એકબીજા સાથે અસંમત હોઈ શકીએ છીએ, પરંતુ હું તેમને બોલતી વખતે યોગ્ય શબ્દોનો ઉપયોગ કરવા વિનંતી કરું છું.”મદાનીએ ભારપૂર્વક જણાવ્યું હતું કે લોકશાહીમાં રાજકીય અને સામાજિક વિચારોમાં તફાવત સ્વાભાવિક છે, પરંતુ તેનાથી નફરત અને દુશ્મનાવટ ન થવી જાઈએ. પહેલગામ હુમલાનો ઉલ્લેખ કરતા મૌલાના મહમૂદ મદનીએ કહ્યું કે પહેલગામ હુમલા પછી મુસ્લિમ સમુદાય વિરુદ્ધ કાવતરું થઈ શકે છે, પરંતુ આતંકવાદીઓના કાવતરાને નિષ્ફળ બનાવવાનો શ્રેય મદનીએ ભારતના નાગરિક સમાજને આપ્યો.મદાનીએ કહ્યું, ‘વારંવાર, ખાસ કરીને ભારતની બહાર, એવી ચર્ચા થાય છે કે મુસ્લીમોનો નરસંહાર થશે. આ ઘણીવાર કહેવામાં આવે છે, મને પણ, પરંતુ હું તે માનવા તૈયાર નથી. પહેલગામમાં આતંકવાદીઓએ જે કર્યું તે પછી, ઘણું બધું સરળતાથી થઈ શક્યું હોત. ઓછામાં ઓછું થોડી અશાંતિ થઈ શકી હોત. પરંતુ આવું થયું નહીં. આ ફક્ત સરકારનું કામ નહોતું. જાકે હું એ વાતનો ઇનકાર નહીં કરું કે સરકાર પણ અમુક હદ સુધી આને લાયક છે. પરંતુ વધુ મહત્વની વાત એ છે કે નાગરિક સમાજ જ વાસ્તવિક લાયક છે.’ મદનીએ એમ પણ કહ્યું કે દેશની કાયદા અમલીકરણ એજન્સીઓની કામગીરીમાં સુધારો થયો છે અને છેલ્લા દસ વર્ષમાં આમાં મોટો ફરક આવ્યો છે. જાકે, તેમણે તપાસ એજન્સીઓને સમાવેશી બનાવવાની જરૂરિયાત પર પણ ભાર મૂક્યો.મદાનીએ કહ્યું, ‘પહલગામ હુમલામાં જે રીતે આતંકવાદીઓએ લોકોના નામ પૂછ્યા પછી તેમની હત્યા કરી, જા તે કોઈ અન્ય દેશ હોત, તો ઘણી અરાજકતા સર્જાઈ હોત. આ ભારતની સુંદરતા છે. હું મારા દેશવાસીઓનો પૂરતો આભાર માની શકતો નથી, જેમાં હિન્દુ અને મુસ્લિમ બંનેનો સમાવેશ થાય છે. લોકોએ જે રીતે ધીરજ બતાવી, તેની પ્રશંસા કરવી જાઈએ.’ તેમણે વધુમાં કહ્યું કે દેશના નાગરિકોનું કર્તવ્ય છે કે તેઓ ભારતીય સશ† દળો સાથે ઉભા રહે અને ઓપરેશન સિંદૂર દરમિયાન વિપક્ષે પણ આવું જ કર્યું. મદનીએ કહ્યું, ‘જ્યારે ઓપરેશન સિંદૂર થયું, ત્યારે સરકારની સારા કામ માટે ટીકા કરનારાઓએ પણ તેનું સમર્થન કર્યું. આપણી સેના સાથે ઉભા રહેવું એ આપણી ફરજ છે.’
