પ્રખ્યાત બોલિવૂડ ફિલ્મ દિગ્દર્શક રોહિત શેટ્ટીના જુહુના ઘરની બહાર ચાર રાઉન્ડ ફાયરિંગના ચોંકાવનારા સમાચાર સામે આવ્યા છે. મોડી રાત્રે બનેલી આ ઘટના બાદ, તેમના નિવાસસ્થાનની આસપાસ પોલીસ તૈનાત કરવામાં આવી છે. પોલીસ હાલમાં આ મામલાની ગંભીરતાથી તપાસ કરી રહી છે અને હુમલાખોરોને ઓળખવા માટે દરેક સંભવિત ખૂણાની તપાસ કરી રહી છે. મુંબઈ પોલીસના જણાવ્યા અનુસાર, અજાણ્યા હુમલાખોરો દ્વારા કરવામાં આવેલા હુમલા પાછળનો હેતુ હજુ સુધી જાણી શકાયો નથી. સદનસીબે, આ ઘટનામાં કોઈને ઈજા થઈ હોવાના કોઈ અહેવાલ હજુ સુધી પ્રાપ્ત થયા નથી.
મુંબઈ પોલીસે જણાવ્યું હતું કે રોહિત શેટ્ટીના ઘરે ગોળીબારની ઘટના સવારે લગભગ ૩ વાગ્યાની આસપાસ બની હતી, જેમાં અજાણ્યા હુમલાખોરો દ્વારા ચાર રાઉન્ડ ફાયરિંગ કરવામાં આવ્યું હતું. જાકે, હજુ સુધી કોઈએ રોહિત શેટ્ટી પર ગોળીબારની જવાબદારી લીધી નથી. ઘટનાની માહિતી મળતાં, મુંબઈ પોલીસના વરિષ્ઠ અધિકારીઓ, ઝોનલ પોલીસ અને ક્રાઈમ બ્રાન્ચની ટીમો ઘટનાસ્થળે પહોંચી ગઈ છે. ફોરેન્સીક ટીમોએ ઘટનાસ્થળેથી પુરાવા એકત્રિત કરવાનું શરૂ કરી દીધું છે. સમગ્ર ઘટનાની સત્યતા સ્પષ્ટ રીતે સ્થાપિત કરવા માટે વિસ્તારમાં સ્થાપિત સીસીટીવી કેમેરાની સંપૂર્ણ તપાસ થવી જાઈએ.
મુંબઈ પોલીસ કમિશનરે રોહિત શેટ્ટીના ઘરની બહાર ચાર રાઉન્ડ ગોળીબારની ઘટનાની પુષ્ટિ કરી અને મહત્વપૂર્ણ માહિતી આપતા કહ્યું, “બિલ્ડીંગ પર ગોળીબાર થયો છે. અમે તમામ સંભવિત ખૂણાઓની ગંભીરતાથી તપાસ કરી રહ્યા છીએ જેથી અજાણ્યા હુમલાખોરોને શક્ય તેટલી વહેલી તકે ઓળખી શકાય.” રોહિત શેટ્ટીના જુહુ સ્થિત ઘરની બહારનો એક વીડિયો પણ સોશિયલ મીડિયા પર ઝડપથી વાયરલ થઈ રહ્યો છે, જેમાં સમગ્ર વિસ્તારમાં પોલીસ તૈનાત જાવા મળી રહી છે. આ બાબતે રોહિત શેટ્ટી દ્વારા હજુ સુધી કોઈ નિવેદન જારી કરવામાં આવ્યું નથી.
