રાજુલા તાલુકાના જૂની કાતર ગામે માત્ર રસ્તા પરથી પસાર થવા જેવી સામાન્ય બાબતે પિતા-પુત્રીએ એક શખ્સને ગાળો આપી ઢીકાપાટુનો મુંઢમાર માર્યો હોવાની ઘટના સામે આવી હતી. આ મામલે ભોગ બનનાર યુવકે સામાવાળા પક્ષના બે લોકો વિરુદ્ધ ફરિયાદ નોંધાવી હતી. વિજલબેન જેઠાભાઇ જોગદીયા (ઉ.વ.૫૦)એ ભાવુબેન તથા નિતાબેન સામે ફરિયાદ નોંધાવી હતી. પ્રાપ્ત માહિતી અનુસાર, જૂની કાતર ગામે રહેતા ફરિયાદી આજે સવારે નવેક વાગ્યાના અરસામાં ગામમાંથી પોતાના ઘરે પરત ફરી રહ્યા હતા. તે દરમિયાન જ્યારે તેઓ ભાવુબેનના ઘર સામેથી પસાર થયા, ત્યારે ત્યાં ઉભેલી આરોપીની પુત્રી નિતાબેને તેમને અટકાવ્યા હતા. આરોપી યુવતીએ ‘તું કેમ અમારા ઘરની સામેથી નીકળી છે?’ તેમ કહી ફરિયાદી સાથે બોલાચાલી કરી ગાળો આપવાનું શરૂ કર્યું હતું. ત્યારબાદ ઉશ્કેરાઈને તેણે ફરિયાદીને શરીરે મુંઢમાર માર્યો હતો. રાજુલા પોલીસ સ્ટેશનના હેડ કોન્સ્ટેબલ જી.જે. કાતરીયા વધુ તપાસ કરી રહ્યા છે.’
