સુપ્રીમ કોર્ટે ઝારખંડના પૂર્વ મુખ્યમંત્રી હેમંત સોરેનની વચગાળાની જામીન અરજી પર સુનાવણી કરી. આ દરમિયાન સુપ્રીમ કોર્ટે મની લોન્ડરિંગ કેસમાં એન્ફોર્સમેન્ટ ડિરેક્ટોરેટ (ઈડી) પાસેથી જવાબ માંગ્યો હતો. નોંધનીય છે કે સર્વોચ્ચ અદાલતમાં અરજી પર ચુકાદો આપવામાં હાઈકોર્ટના વિલંબ અને મની લોન્ડરિંગ કેસમાં એન્ફોર્સમેન્ટ ડિરેક્ટોરેટ (ઈડી) દ્વારા તેમની ધરપકડને પડકારવામાં આવ્યો છે.
જસ્ટિસ સંજીવ ખન્ના અને દીપાંકર દત્તાની બે જજની બેન્ચે જેએમએમ નેતાની અરજી પર સુનાવણી કરી હતી. આ દરમિયાન બેન્ચે ઈડ્ઢને નોટિસ જારી કરીને ૬ મે સુધીમાં જવાબ માંગ્યો હતો. કોર્ટે કહ્યું કે ઝારખંડ હાઈકોર્ટ આ કેસમાં સોરેનની ધરપકડને પડકારતી અરજી પર પોતાનો ચુકાદો આપી શકે છે. આ આદેશ ૨૮ ફેબ્રુઆરીના રોજ અનામત રાખવામાં આવ્યો હતો.
સોરેન તરફથી હાજર રહેલા વરિષ્ઠ વકીલ કપિલ સિબ્બલ અને અરુણાભ ચૌધરીએ કહ્યું કે તેઓ આ કેસમાં વચગાળાના જામીન ઈચ્છે છે. તમને જણાવી દઈએ કે, હવે આ કેસની સુનાવણી મેના બીજા સપ્તાહમાં થઈ શકે છે.
આ પહેલા ૨૭ એપ્રિલે સોરેનને આંચકો લાગ્યો હતો. રાંચીની વિશેષ પીએમએલએ કોર્ટે તેમને જમીન કૌભાંડના કેસમાં વચગાળાના જામીન આપવાનો ઇનકાર કર્યો હતો. તમને જણાવી દઈએ કે, હેમંત સોરેનના પિતા અને જેએમએમ સુપ્રીમો શિબુ સોરેનના ભાઈ રામ સોરેનનું શનિવારે સવારે નિધન થયું હતું. તેઓ લાંબા સમયથી બીમાર હતા. સોરેને તેના કાકાના અંતિમ સંસ્કારમાં હાજરી આપવા માટે કોર્ટ પાસે ૧૩ દિવસ માટે વચગાળાના જામીન માંગ્યા હતા. જાકે, સુનાવણી દરમિયાન કોર્ટે તેને જામીન આપવાનો ઈન્કાર કરી દીધો હતો.
તમને જણાવી દઈએ કે હેમંત સોરેનની એન્ફોર્સમેન્ટ ડિરેક્ટોરેટ દ્વારા ૩૧ જાન્યુઆરીએ ધરપકડ કરવામાં આવી હતી. તેમના પર જમીન કૌભાંડના કેસમાં મની લોન્ડરિંગનો આરોપ છે. પૂર્વ મુખ્યમંત્રી હાલ રાંચીની બિરસા મુંડા જેલમાં ન્યાયિક કસ્ટડીમાં છે. આ કેસમાં હાઈકોર્ટ દ્વારા ઈડીને સોરેનની જામીન અરજીનો જવાબ આપવા માટે વધુ એક સપ્તાહનો સમય આપવામાં આવ્યો હતો.
સોરેન સામેની તપાસ રાંચીમાં ૮.૮૬ એકર જમીન સાથે જાડાયેલી છે. ઈડીનો આરોપ છે કે તેને ગેરકાયદેસર રીતે જપ્ત કરવામાં આવ્યો હતો. એજન્સીએ ૩૦ માર્ચે અહીંની વિશેષ પીએમએલએ કોર્ટમાં સોરેન, પ્રસાદ, સોરેનના કથિત ‘ફ્રન્ટમેન’ રાજ કુમાર પહાન અને હિલારિયાસ અને ભૂતપૂર્વ મુખ્ય પ્રધાનના કથિત સહયોગી બિનોદ સિંહ વિરુદ્ધ ચાર્જશીટ દાખલ કરી હતી. સોરેને રાંચીની સ્પેશિયલ કોર્ટ સમક્ષ જામીન અરજી દાખલ કરી હતી અને આરોપ લગાવ્યો હતો કે તેમની ધરપકડ રાજકીય રીતે પ્રેરિત છે અને તેમને ભાજપમાં જાડાવા માટે દબાણ કરવાના આયોજિત કાવતરાનો ભાગ છે.
