ફિલ્મ અભિનેતા સલમાન ખાનને ભ્રામક પાન મસાલા જાહેરાત કેસમાં કોટા જિલ્લા કોર્ટ તરફથી ઝટકો મળ્યો છે. આનાથી કેસમાં મોટો કાનૂની વળાંક આવ્યો છે. રાજસ્થાન રાજ્ય ગ્રાહક તકરાર નિવારણ પંચે સલમાન ખાનને મળેલી વચગાળાની રાહત રદ કરતા પોતાનો ચુકાદો આપ્યો છે. આ કેસમાં આગામી સુનાવણી ૯ એપ્રિલ માટે નક્કી કરવામાં આવી છે. આ નિર્ણય બાદ, સલમાન ખાનને હવે કોટા જિલ્લા કોર્ટના આદેશોનું પાલન કરવાની જરૂર પડશે.
કમિશનએ સલમાન ખાનને રૂબરૂ હાજર થવાના નિર્દેશ આપતા નીચલી કોર્ટના આદેશ પરનો સ્ટે પણ હટાવી દીધો છે. સલમાન ખાને જિલ્લા કમિશનના આ આદેશ સામે રાજસ્થાન રાજ્ય ગ્રાહક વિવાદ નિવારણ કમિશનમાં અપીલ કરી હતી, જેના કારણે સર્કિટ બેન્ચમાં લાંબી ચર્ચા થઈ હતી. બંને પક્ષોની દલીલો સાંભળ્યા બાદ, બોલીવુડ અભિનેતા સલમાન ખાનની અરજીઓ ફગાવી દેવામાં આવી હતી.
એડવોકેટ રિપુદમન સિંહે જણાવ્યું હતું કે ૨૬ ડિસેમ્બર, ૨૦૨૫ ના રોજ, કોટા જિલ્લા ગ્રાહક આયોગે સલમાન ખાનને ૨૦ જાન્યુઆરી, ૨૦૨૬ ના રોજ કોર્ટમાં રૂબરૂ હાજર થવાનો આદેશ આપ્યો હતો. તેમને એમ પણ કહેવામાં આવ્યું હતું કે તેમણે કોર્ટમાં રૂબરૂ હાજર થઈને સોગંદનામું રજૂ કરવું પડશે અને દસ્તાવેજા પર સહી કરવી પડશે, કારણ કે તેમની સહીઓ બનાવટી હોવાનું જાણવા મળ્યું હતું.
એડવોકેટ ઇન્દ્ર મોહન સિંહ હનીએ આ નિર્ણયને મોટી જીત ગણાવી હતી અને કહ્યું હતું કે ઉચ્ચ કક્ષાના વ્યક્તિઓ તેમના પદ અને સંપત્તિનો દુરુપયોગ કરીને કાયદાને છેતરવાનો પ્રયાસ કરે છે, પરંતુ તેઓ ક્યારેય સફળ થતા નથી.
