પાકિસ્તાની સેનાએ બલુચિસ્તાનમાં બલુચ લિબરેશન આર્મી (બીએલએ) સમક્ષ આત્મસમર્પણ કર્યું છે. પાકિસ્તાનના સંરક્ષણ પ્રધાન ખ્વાજા આસિફે રાષ્ટ્રીય સભામાં સ્વીકાર્યું છે કે પાકિસ્તાની સેના બલુચ લડવૈયાઓનો સામનો કરવામાં અસમર્થ છે. પોતાના નિવેદનમાં, તેમણે સ્વીકાર્યું કે પાકિસ્તાન સરકાર અને સેના બલુચિસ્તાનમાં બલુચ બળવાખોરોનો સામનો કરવામાં સંપૂર્ણપણે નિષ્ફળ ગયા છે. તેમણે કહ્યું કે મ્ન્છ પાસે પાકિસ્તાની સૈન્ય કરતા પણ વધુ આધુનિક શસ્ત્રો છે. એ નોંધવું જાઈએ કે બીએલએએ ત્રણ દિવસના સંઘર્ષમાં ૨૦૦ થી વધુ પાકિસ્તાની સૈનિકોને માર્યા હોવાનો દાવો કર્યો છે.
ખ્વાજાએ સ્વીકાર્યું કે બલુચિસ્તાન આર્મીની તાકાત નોંધપાત્ર રીતે વધારે છે. તેમણે રાષ્ટ્રીય સભામાં આ નિવેદન આપ્યું. તેમણે કહ્યું, “અમે ફક્ત અમારા સૈનિકોની અંતિમયાત્રા કાઢી રહ્યા છીએ.” ખ્વાજા આસિફે કહ્યું કે બલુચિસ્તાન પાકિસ્તાનના કુલ ભૂમિ વિસ્તારના ૪૦% થી વધુ ભાગ ધરાવે છે, જેના કારણે તેને નિયંત્રિત કરવું અત્યંત મુશ્કેલ બને છે. તેમણે સ્વીકાર્યું કે સૈન્ય કર્મચારીઓ “શારીરિક રીતે અપંગ” છે, કારણ કે આટલા વિશાળ વિસ્તારમાં પેટ્રોલિંગ કરવું અને સુરક્ષા પૂરી પાડવી મુશ્કેલ છે. તેમણે બલુચ બળવાખોરોને વધુ સશસ્ત્ર ગણાવ્યા.
પાકિસ્તાની સેના બીએલએના શસ્ત્રોથી ચિંતિત છે. ખ્વાજાએ કહ્યું કે તેમની પાસે રાઇફલ્સ, નાઇટ વિઝન ડિવાઇસ, હીટ-ડિટેકટિંગ લેસર (૪,૦૦૦-૫,૦૦૦ ની કિંમત) અને સંપૂર્ણ લડાઇ સાધનો (૨૦,૦૦૦ નું પેકેજ) છે જે પાકિસ્તાની સેના પાસે પણ નથી. મંત્રીએ કહ્યું કે બળવાખોરો મુખ્યત્વે પંજાબી મજૂરો, નાગરિકો અને ઓછી આવક ધરાવતા સમુદાયોને નિશાન બનાવી રહ્યા છે અને તેમનું શોષણ કરી રહ્યા છે. તેમણે ચેતવણી આપી હતી કે પાકિસ્તાન હવે પરિસ્થિતિને સંભાળી શકશે નહીં, અને બળવાખોરો પાસે અદ્યતન અમેરિકન શસ્ત્રો છે. જાકે, તેમણે વાટાઘાટોને નકારી કાઢી,બીએલએ (બલોચ લિબરેશન આર્મી) ને “આતંકવાદી” ગણાવ્યા અને ભારપૂર્વક કહ્યું કે મહિલાઓ અને બાળકોને નિશાન બનાવનારાઓ સાથે કોઈ સમાધાન કરવામાં આવશે નહીં.
ખ્વાજાનું નિવેદન એવા સમયે આવ્યું છે જ્યારે બીએલએ લડવૈયાઓએ બલુચિસ્તાનમાં ૧૫ થી વધુ શહેરો પર નિયંત્રણ મેળવ્યું છે અને ૨૦૦ થી વધુ પાકિસ્તાની સુરક્ષા કર્મચારીઓને માર્યા ગયા હોવાનો દાવો કર્યો છે. પાકિસ્તાને ખુલ્લેઆમ પરિસ્થિતિને નિયંત્રિત કરવામાં તેની અસમર્થતા સ્વીકારી છે. ખ્વાજાનો સ્વીકાર પાકિસ્તાનના આંતરિક સુરક્ષા પડકારોને પ્રકાશિત કરે છે, કારણ કે બલુચિસ્તાનમાં અલગતાવાદી ચળવળ વેગ પકડી રહી છે.
