જેલના નિયમો અને માનવાધિકારોનું ‘ઘોર ઉલ્લંઘન’ કરીને પાકિસ્તાનના ભૂતપૂર્વ વડા પ્રધાન ઇમરાન ખાનને દિવસમાં ઓછામાં ઓછા ૨૨ કલાક એકાંત કેદમાં રાખવામાં આવી રહ્યા છે. તેમની પાર્ટીએ આ દાવો કર્યો હતો. ૭૨ વર્ષીય ખાન, જે ક્રિકેટરમાંથી રાજકારણી બન્યા છે, ઓગસ્ટ ૨૦૨૩ થી જેલમાં છે.
પાકિસ્તાન તહરીક-એ-ઇન્સાફના વરિષ્ઠ નેતા અને ભૂતપૂર્વ કેન્દ્રીય મંત્રી મૂનિસ ઇલાહીએ એક નિવેદનમાં જણાવ્યું હતું કે, પીટીઆઇના મુખ્ય આશ્રયદાતા અને ભૂતપૂર્વ વડા પ્રધાન ઇમરાન ખાનને ઓછામાં ઓછા ૨૨ કલાક માટે એકાંત કેદમાં રાખવામાં આવ્યા છે અને તેમની હિલચાલ પર પ્રતિબંધ મૂકવામાં આવ્યો છે.”
મૂનિસે કહ્યું કે ખાનને પૂરતો ખોરાક અને તબીબી સંભાળ પણ મળી રહી નથી. તેમણે કહ્યું કે ખાનનું વજન ઘણું ઓછું થવાના ચિંતાજનક અહેવાલો પણ છે. મૂનિસે માંગ કરી હતી કે ખાનના મૂળભૂત અધિકારોનું ઘોર ઉલ્લંઘન થઈ રહ્યું છે અને આનો તાત્કાલિક ઉકેલ લાવવો જાઈએ.
પાકિસ્તાન તહરીક-એ-ઇન્સાફના અન્ય એક નેતા ઝુલ્ફી બુખારીએ કહ્યું કે ઇમરાન ખાનને દરરોજ ૨૨-૨૩ કલાક એકાંત કેદમાં રાખવામાં આવી રહ્યા છે, જે “જેલના તમામ નિયમો અને માનવાધિકારોનું ઘોર ઉલ્લંઘન છે.” બુખારીએ કહ્યું કે ભૂતપૂર્વ વડા પ્રધાનનું વજન ઘટી ગયું છે અને તેમની સાથે આ સ્તરનું અમાનવીય વર્તન અસ્વીકાર્ય અને ગેરકાયદેસર છે.
ઝુલ્ફી બુખારીએ ન્યાયની માંગણી કરી અને કહ્યું, “આપણે અમારો અવાજ ઉઠાવવો જાઈએ અને તાત્કાલિક કાર્યવાહીની માંગ કરવી જાઈએ. ખાનના અંગત ડાક્ટરોને વિલંબ કર્યા વિના તેમની તપાસ કરવાની મંજૂરી આપવી જાઈએ.”
આ દરમિયાન, અમે તમને અહીં એ પણ જણાવી દઈએ કે તાજેતરમાં જ ઇમરાન ખાનની બહેન અલીમા ખાને કહ્યું હતું કે જેલમાં ભૂતપૂર્વ વડા પ્રધાન ખાનની હત્યાનું કાવતરું ઘડવામાં આવી રહ્યું છે. તેમણે કહ્યું કે મારા ભાઈ ઇમરાનની જામીન અરજી પર સુનાવણી જાણી જાઈને મુલતવી રાખવામાં આવી રહી છે. ઇમરાન ખાનને જેલમાં સામાન્ય કેદીઓને મળતી સુવિધાઓ પણ મળી રહી નથી. તેમના પરિવારના સભ્યોને ઇમરાન ખાનને મળવાની મંજૂરી નથી, જેલમાં તેમના વકીલોના પ્રવેશ પર પ્રતિબંધ મૂકવામાં આવ્યો છે.
