એસોસિએશન ફોર ડેમોક્રેટિક રિફોર્મ્સ (એડીઆર)એ દેશના કયા નેતા પાસે કેટલી સંપત્તિ છે, કયો નેતા સૌથી ધનિક છે અને કોની પાસે સૌથી ઓછી સંપત્તિ છે તે અંગે એક અહેવાલ બહાર પાડ્યો છે. આ અહેવાલ મુજબ, દેશના ૪૭% મંત્રીઓ સામે ફોજદારી કેસ નોંધાયેલા છે. ૬૫૩ મંત્રીઓમાંથી ૧૭૪ પર હત્યા-બળાત્કાર જેવા ગંભીર આરોપો છે. ગંભીર આરોપો ધરાવતા નેતાઓમાં ભાજપના ૧૩૬ મંત્રીઓ અને કોંગ્રેસના ૪૫ મંત્રીઓનો સમાવેશ થાય છે. રિપોર્ટમાં દાવો કરવામાં આવ્યો છે કે દેશભરના ૩૦૨ મંત્રીઓ (લગભગ ૪૭%) એ સ્વીકાર્યું છે કે તેમની સામે ફોજદારી કેસ છે. તેમાંથી ૧૭૪ મંત્રીઓ એવા છે જેમની સામે હત્યા, અપહરણ અને મહિલાઓ વિરુદ્ધ ગુના જેવા ગંભીર આરોપો છે. જ્યારે, કેન્દ્ર સરકારના ૭૨ મંત્રીઓમાંથી, ૨૯ (૪૦%) એ ગુનાહિત કેસ હોવાનો સ્વીકાર કર્યો છે. છડ્ઢઇ નો આ રિપોર્ટ ૨૭ રાજ્યો અને ૩ કેન્દ્રશાસિત પ્રદેશો અને કેન્દ્રીય મંત્રી પરિષદના મંત્રીઓના ચૂંટણી સોગંદનામાના આધારે કરવામાં આવ્યો છે.તમને જણાવી દઈએ કે આ રિપોર્ટ મુજબ, દેશમાં વર્તમાન મંત્રીઓની સરેરાશ સંપત્તિ ૩૭.૨૧ કરોડ રૂપિયા છે. જા આપણે બધા ૬૪૩ મંત્રીઓની કુલ સંપત્તિ વિશે વાત કરીએ, તો તે લગભગ ૨૩,૯૨૯ કરોડ રૂપિયા હોવાનો અંદાજ છે. જ્યારે ૩૦ વિધાનસભાઓમાંથી, ૧૧ પાસે અબજાપતિ મંત્રીઓ પણ છે.તમને જણાવી દઈએ કે આ રિપોર્ટમાં, તે મંત્રીઓના નામ પણ જણાવવામાં આવ્યા છે જેમની પાસે સૌથી વધુ સંપત્તિ છે. આ રિપોર્ટ મુજબ, ડા. ચંદ્રશેખર પેમ્માસાની (ટીડીપી, આંધ્રપ્રદેશ) પાસે સૌથી વધુ સંપત્તિ છે. તેમની કુલ સંપત્તિ ૫,૭૦૫ કરોડ રૂપિયાથી વધુ છે. તેમના પછી, કર્ણાટકના નાયબ મુખ્યમંત્રી ડી.કે. શિવકુમાર સૌથી ધનિક છે. તેમની પાસે ૧,૪૧૩ કરોડ રૂપિયાથી વધુની સંપત્તિ છે. આંધ્રપ્રદેશના મુખ્યમંત્રી ચંદ્રબાબુ નાયડુ આ યાદીમાં ત્રીજા સ્થાને છે. તેમની પાસે ૯૩૧ કરોડ રૂપિયાથી વધુની સંપત્તિ છે.આ અહેવાલ મુજબ, ત્રિપુરાના નેતા શુક્લા ચરણ નોઆટિયા પાસે ફક્ત ૨ લાખ રૂપિયાની સંપત્તિ છે. બિરબાહા હંસદા આ યાદીમાં બીજા સ્થાને છે. પશ્ચિમ બંગાળના આ નેતા પાસે ૩ લાખ રૂપિયાથી વધુની સંપત્તિ છે.તમને જણાવી દઈએ કે અહેવાલ મુજબ, ભારતીય જનતા પાર્ટીના ૩૩૬ મંત્રીઓમાંથી ૧૩૬ એટલે કે ૪૦ ટકા મંત્રીઓ સામે ફોજદારી કેસ નોંધાયેલા છે. આમાંથી ૮૬ મંત્રીઓ સામે ગંભીર આરોપો લગાવવામાં આવ્યા છે, એટલે કે ૨૬ ટકા. જા આપણે કોંગ્રેસની વાત કરીએ, તો તેમના ૬૧ મંત્રીઓમાંથી ૪૫ એટલે કે ૭૪ ટકા મંત્રીઓ સામે ફોજદારી કેસ નોંધાયેલા છે. ૧૮ એટલે કે ૩૦ ટકા ગંભીર ગુનાઓમાં સંડોવાયેલા હોવાનું કહેવાય છે. ૩૧ ડીએમકે નેતાઓમાંથી ૨૭ એટલે કે ૮૭ ટકા સામે ફોજદારી કેસ નોંધાયેલા છે. તેમાંથી ૧૪ એટલે કે ૪૫ ટકા સામે ગંભીર આરોપો લગાવવામાં આવ્યા છે.તેવી જ રીતે, ૪૦ ટીએમસી નેતાઓમાંથી ૧૩ સામે ફોજદારી કેસ નોંધાયેલા છે. જે કુલ ૩૩ ટકા છે. જ્યારે ૮ નેતાઓ એટલે કે ૨૦ ટકા સામે ગંભીર આરોપો લગાવવામાં આવ્યા છે. જા આપણે ટીડીપીની વાત કરીએ, તો તેના ૨૩ નેતાઓમાંથી ૨૨ નેતાઓ સામે ફોજદારી કેસ નોંધાયેલા છે, એટલે કે ૯૬ ટકા ટીડીપી નેતાઓ સામે ફોજદારી કેસ નોંધાયેલા છે. આમાંથી ૫૭ ટકા એટલે કે ૧૩ નેતાઓ સામે ગંભીર ગુનાઓનો આરોપ છે. જા આપણે કેન્દ્રીય મંત્રીમંડળની વાત કરીએ, તો ૭૨ મંત્રીઓમાંથી ૨૯ એટલે કે ૪૦ ટકા સામે ફોજદારી કેસ નોંધાયેલા છે.
