મુખ્યમંત્રી રેખા ગુપ્તાએ જણાવ્યું હતું કે દિલ્હીમાં ૧.૨૦ લાખની વાર્ષિક આવક ધરાવતા પરિવારોને હવે રેશનકાર્ડ આપવામાં આવશે. આ નિર્ણય દિલ્હી મંત્રીમંડળે મુખ્યમંત્રીની અધ્યક્ષતામાં મળેલી બેઠકમાં લીધો હતો. મુખ્યમંત્રીએ જણાવ્યું હતું કે નિયમોના અભાવે, દિલ્હીમાં ૩૮૯,૮૮૩ થી વધુ અરજીઓ પેન્ડિંગ છે, અને ૧૧૬૫,૯૬૫ થી વધુ લોકો હજુ પણ ખાદ્ય સુરક્ષાની રાહ જાઈ રહ્યા છે. આ વ્યક્તિઓને હવે પારદર્શક અને જરૂરિયાત-આધારિત સિસ્ટમ હેઠળ આવરી લેવામાં આવશે.
રેખા ગુપ્તાએ જણાવ્યું હતું કે રેશનકાર્ડ મેળવવા માટે મહેસૂલ વિભાગ દ્વારા જારી કરાયેલ આવક પ્રમાણપત્ર ફરજિયાત બનાવવામાં આવ્યું છે. નવા નિયમો અનુસાર, જે પરિવારો દિલ્હીમાં છ થી ઈ શ્રેણીની વસાહતોમાં મિલકત ધરાવે છે, જેઓ આવકવેરો ચૂકવે છે, અને જેમની પાસે ચાર પૈડાવાળું વાહન છે (આજીવિકા માટે વપરાતા વાણિજ્યિક વાહન સિવાય), સરકારી સેવામાં પરિવારનો સભ્ય છે, અથવા ૨ કિલોવોટથી વધુ વીજળી કનેક્શન છે તેઓ આ યોજના માટે પાત્ર રહેશે નહીં.
મુખ્યમંત્રીએ જણાવ્યું હતું કે અરજીઓની ચકાસણી, મંજૂરી અને જિલ્લા-સ્તરીય સમિતિઓ દ્વારા પ્રાથમિકતા આપવામાં આવશે. જિલ્લા-સ્તરીય સમિતિઓને પ્રાથમિકતા માટે કેન્દ્રીય એકમ તરીકે નિયુક્ત કરવામાં આવ્યા છે. તેનું અધ્યક્ષપદ જિલ્લા મેજિસ્ટ્રેટ અથવા વધારાના જિલ્લા મેજિસ્ટ્રેટ કરશે. આ સમિતિમાં સ્થાનિક ધારાસભ્ય અને સંબંધિત અધિકારીઓનો સમાવેશ થશે. ખાલી જગ્યાઓ સમયસર ભરવા માટે ૨૦ ટકા રાહ યાદી પણ બનાવવામાં આવશે.
મુખ્યમંત્રીએ જણાવ્યું હતું કે સરકારે ખાદ્ય સુરક્ષા વ્યવસ્થાના ડેટાની તપાસ કરી હતી. ડેટા ચકાસણીમાં આશરે ૬૪૬,૧૨૩ લાભાર્થીઓ હોવાનું બહાર આવ્યું છે જેમની આવકની માહિતી નિયમો સાથે મેળ ખાતી નથી. ૯૫,૬૮૨ વ્યક્તિઓ લાંબા સમયથી સિસ્ટમમાં હતા પરંતુ લાભો મેળવી રહ્યા ન હતા. ૬,૧૮૫ કેસોમાં, મૃત વ્યક્તિઓના નામે લાભો નોંધાયેલા હતા. હાલમાં, ૩૮૯,૮૮૩ થી વધુ અરજીઓ પડતર છે, અને ૧૧૬૫,૯૬૫ થી વધુ લોકો ખાદ્ય સુરક્ષા લાભોની રાહ જાઈ રહ્યા છે.
