(એ.આર.એલ),નવીદિલ્હી,તા.૧૬
સીબીઆઈએ ઓલ્ડ રાજીન્દર નગરમાં આઈએએસ સ્ટડી સર્કલના વિદ્યાર્થીઓના મોતના મામલામાં સીઈઓ અભિષેક ગુપ્તા, દેશપાલ સિંહ, ચાર સહ-માલિકો સરબજીત સિંહ, પરવિંદર સિંહ, તેજિંદર સિંહ અને હરવિંદર સિંહ વિરુદ્ધ ચાર્જશીટ દાખલ કરી છે. તેમની સામે ગુનાહિત ષડયંત્ર અને દોષિત હત્યા સંબંધિત કલમો હેઠળ ચાર્જશીટ દાખલ કરવામાં આવી છે. મૃતક વિદ્યાર્થી નવીન ડેÂલ્વનના પિતાએ દલીલ કરી હતી કે સીબીઆઈએ હાલના આરોપીઓ અથવા કોઈપણ જાહેર સેવક સાથે સંબંધિત ભ્રષ્ટાચારના પાસાઓની તપાસ કરી નથી. હાલમાં કોર્ટે ચાર્જશીટ પર સુનાવણી ૨૯ ઓક્ટોબરે નિયત કરી છે.રૂઝ એવન્યુ કોર્ટના એડિશનલ ચીફ જ્યુડિશિયલ મેજિસ્ટ્રેટ નિશાંત ગર્ગ સમક્ષ ચાર્જશીટ દાખલ કરવામાં આવી છે. સુનાવણી દરમિયાન મૃતક વિદ્યાર્થી ડેÂલ્વનના પિતાએ દલીલ કરી હતી કે ચાર્જશીટ અધૂરી છે અને કોર્ટ તેને સ્વીકારી શકે તેમ નથી. તેમણે વધુમાં દલીલ કરી હતી કે મંજૂરી-બાંધકામ યોજના ચાર્જશીટમાં નથી. તેમણે કહ્યું કે, સીબીઆઈએ આરએયુના આઈએએસ સ્ટડી સર્કલના અન્ય સહભાગીઓ એટલે કે અભિષેક ગુપ્તાની પત્ની અને તેના સસરાની પણ પૂછપરછ કરી નથી. તેમણે એવી પણ દલીલ કરી હતી કે કોર્ટના અવલોકન મુજબ અગ્ન એનઓસી મેળવવામાં ગેરકાયદેસરતા હતી. બીજી તરફ સીબીઆઈ તરફથી હાજર રહેલા વરિષ્ઠ સરકારી વકીલે કહ્યું કે ભ્રષ્ટાચારના આરોપોની તપાસ ખુલ્લી છે. જા આ પાસા પર કંઈ આવશે તો અમે તેની તપાસ કરીશું. સીબીઆઈએ કહ્યું કે આરોપીઓ સામે પૂરતી સામગ્રી છે.
કોર્ટના સવાલ પર સીબીઆઈએ કહ્યું કે લીઝ એગ્રીમેન્ટ પર અભિષેક ગુપ્તાએ હસ્તાક્ષર કર્યા હતા. ૯ ઓગસ્ટ, ૨૦૨૧ના રોજ આપવામાં આવેલા ઓક્યુપન્સી સર્ટિફિકેટ મુજબ ભોંયરું વ્યાપારી હેતુ માટે ન હતું. સ્ટોર્સ અને પા‹કગ માટે વાપરી શકાય છે. આરોપી ૨૮ ડિસેમ્બર ૨૦૨૧ના રોજ આ ભોંયરાનો માલિક બન્યો હતો. અગાઉ નીલમ રાની માલિક હતી અને તેણે ભોગવટા પ્રમાણપત્ર માટે અરજી કરી હતી.સીબીઆઈના વકીલે જણાવ્યું હતું કે આરોપીઓ સંપૂર્ણ રીતે જાણતા હતા કે ભોંયરામાંથી વ્યાપારી ગતિવિધિઓ કરી શકાતી નથી. ઘટનાના એક મહિના પહેલા, સ્થાનિક રહેવાસી અને વિદ્યાર્થી કિશોર કુશવાહાએ સ્ઝ્રડ્ઢમાં ફરિયાદ નોંધાવી હતી કે ભોંયરામાં પાણી ભરાઈ શકે છે. સીબીઆઈએ કહ્યું કે આરોપી દેશપાલ ૨૫ વર્ષથી કર્મચારી છે. દર વર્ષે બનતી ઘટનાઓથી તે વાકેફ હતો. હજુ ભોંયરામાં પુસ્તકાલય ચાલતું હતું. ભોંયરામાં વ્યાપારી હેતુઓ માટે પરવાનગી આપવામાં આવી ન હતી.
