થલાપતિ વિજયની પત્ની સંગીતા સોર્નાલિંગમે ૨૭ ફેબ્રુઆરી, ૨૦૨૬ ના રોજ ચેંગલપટ્ટુ ફેમિલી કોર્ટમાં છૂટાછેડા માટે અરજી કરી હતી. આ અરજી દંપતીના અલગ થવા તરફનું પ્રથમ ઔપચારિક કાનૂની પગલું છે. વિજય, જે માત્ર એક જાણીતા તમિલ અભિનેતા જ નથી પણ તમિલગા વેત્રી કઝગમના સ્થાપક પણ છે, તેમણે હજુ સુધી આ બાબતે કોઈ સત્તાવાર નિવેદન બહાર પાડ્યું નથી. કોર્ટ અરજી પર સુનાવણી કરી રહી હોવાથી આ કેસમાં આગળની કાર્યવાહીની રાહ જાવાઈ રહી છે. આ દંપતીએ ૨૭ વર્ષના લગ્નજીવન પછી અલગ થવાનો નિર્ણય લીધો છે.
દક્ષિણ ભારતીય અભિનેતા વિજય અને સંગીતા સોર્નાલિંગમે ૨૫ ઓગસ્ટ, ૧૯૯૯ ના રોજ લગ્ન કર્યા હતા, અને સમારોહમાં ઘણા મોટા સ્ટાર્સ હાજર રહ્યા હતા. વિજય ખ્રિસ્તી છે, જ્યારે સંગીતા હિન્દુ છે. આ દંપતીએ હિન્દુ વિધિઓ અનુસાર લગ્ન કર્યા હતા, ત્યારબાદ ચેન્નાઈમાં એક ભવ્ય રિસેપ્શન યોજાયું હતું.
લગ્ન પછી, વિજય અને સંગીતા સોર્નાલિંગમે ૨૬ ઓગસ્ટ, ૨૦૦૦ ના રોજ તેમના પહેલા બાળક, એક પુત્રનું સ્વાગત કર્યું. દંપતીએ તેનું નામ જેસન સંજય વિજય રાખ્યું. વિજય અને સંગીતાએ ૨૦૦૫ માં એક પુત્રીનું સ્વાગત કર્યું, જેનું નામ દિવ્યા સાશા હતું. થલાપતિ વિજયના બાળકો, જેસન સંજય અને દિવ્યા સાશાની વાત કરીએ તો, બંને ધીમે ધીમે ચર્ચામાં આવી રહ્યા છે. સુપરસ્ટાર થલાપતિ વિજયના પુત્ર, જેસન સંજય, તમિલ ફિલ્મ ઉદ્યોગમાં દિગ્દર્શક તરીકે પદાર્પણ કરી ચૂક્્યા છે.
સંગીતા સોર્નાલિંગમ થલાપતિ વિજયની પત્ની છે. તે શ્રીલંકાના તમિલ પરિવારમાંથી આવે છે પરંતુ તેનો ઉછેર યુનાઇટેડ કિંગડમમાં થયો હતો. વિજય અને સંગીતાના લગ્નને લગભગ ૨૭ વર્ષ થયા છે. સંગીતાએ હંમેશા પરિવાર અને અંગત જીવનને પ્રાથમિકતા આપી છે, ચમકદાર દુનિયાથી દૂર. તે જાહેર કાર્યક્રમોમાં ભાગ્યે જ જાવા મળે છે. વિજય ભાગ્યે જ સોશિયલ મીડિયા પર તેના ફોટા પોસ્ટ કરે છે. વધુમાં, સંગીતા સોશિયલ મીડિયા પર ઓછી સક્રિય છે.
