ભારતમાં યુએસ એમ્બેસેડર એરિક ગારસેટીએ ભારતીય આઇટી વિદ્યાર્થીઓ અને અન્ય વ્યાવસાયિકોની પ્રશંસા કરી છે જેઓ ટોચની અમેરિકન કંપનીઓમાં નોકરી મેળવવાનું સ્વપ્ન જુએ છે. તેમને કહ્યું કે આજે સ્થિતિ એવી છે કે ફોર્ચ્યુન ૫૦૦ કંપનીઓના ૧૦ સીઈઓમાંથી એક ભારતીય ઈમિગ્રન્ટ છે જેને અમેરિકામાં અભ્યાસ કર્યો છે.
ગારસેટીએ કહ્યું કે જૂની મજાક હતી કે જો તમે ભારતીય છો તો તમે અમેરિકામાં સીઈઓ નહીં બની શકો, હવે મજાક એ છે કે જો તમે ભારતીય નથી તો તમે અમેરિકામાં સીઈઓ નહીં બની શકો. ગૂગલ હોય, માઈક્રોસોફ્ટ હોય કે સ્ટારબક્સ, લોકો અંદર આવ્યા અને મોટો ફરક પાડ્યો. ચોક્કસપણે, એરિક ગારસેટ્ટીએ જે પરિસ્થિતિ વિશે વાત કરી છે તે તમામ ક્ષેત્રોમાં મોટી સંખ્યામાં ઉમેદવારો અને અમેરિકન યુનિવર્સિટીઓમાં તમામ પ્રકારના ઉચ્ચ અભ્યાસ કરતા વિદ્યાર્થીઓ માટે આધાર બનાવે છે. એકલા ૨૦૨૩માં ભારતીય નાગરિકોને કુલ મળીને રેકોર્ડ ૧.૪ મિલિયન યુએસ વિઝા આપવામાં આવ્યા હતા.
એક દિવસ અગાઉ, જ્યારે એરિક ગારસેટીને પૂછવામાં આવ્યું કે શું તેમને ૨૦૨૪માં વિઝા અરજીઓની સંખ્યામાં વધુ વધારો થવાની અપેક્ષા છે, ત્યારે તેમણે કહ્યું કે આ સંખ્યા ‘દર વર્ષે વધી રહી છે.’
એરિક ગારસેટીએ જણાવ્યું હતું કે અમેરિકન યુનિવર્સિટીઓ અભ્યાસ માટે શ્રેષ્ઠ સ્થાનો છે. મને લાગે છે કે તે યુવા વસ્તી, વધતી વસ્તી અને વિશ્વની સૌથી મોટી વસ્તી માટે સારો વિકલ્પ રહેશે. મને નથી લાગતું કે આપણા જીવનકાળમાં વિદ્યાર્થીઓની સંખ્યા ઘટશે.
ગારસેટ્ટીએ એમ પણ કહ્યું કે રાષ્ટ્રપતિ જો બિડેને તેમને ભારતમાં યુએસ વિઝા માટે રાહ જોવાનો સમય ઘટાડવાનો નિર્દેશ આપ્યો છે. આ પહેલીવાર છે જ્યારે કોઈ અમેરિકન રાષ્ટ્રપતિએ કોઈ દેશના રાજદૂતને આ પ્રકારની સૂચના આપી હોય. યુએસ વિઝા માટે ભારતમાં રાહ જાવાનો સમય ૨૫૦ દિવસ છે.
