સુપ્રીમ કોર્ટે આજે દિલ્હી-એનસીઆરમાં રખડતા કૂતરાઓ અંગે એક મહત્વપૂર્ણ નિર્ણય આપ્યો છે. સુપ્રીમ કોર્ટે કહ્યું કે પકડાયેલા કૂતરાઓને નસબંધી અને રસીકરણ પછી છોડી દેવા જાઈએ. કોર્ટે એવો પણ આદેશ આપ્યો કે રેબીઝથી સંક્રમિત બીમાર અથવા હિંસક કૂતરાઓને છોડવામાં ન આવે. સુપ્રીમ કોર્ટે કહ્યું કે અમે સાંભળ્યું છે અને અમે આ મામલાને આખા દેશ સુધી લઈ જઈ રહ્યા છીએ. અમે તમામ રાજ્ય સરકારોને નોટિસ જારી કરી રહ્યા છીએ અને હાઈકોર્ટમાં પેન્ડીંગ તમામ કેસોને અહીં ટ્રાન્સફર કરી રહ્યા છીએ.સુપ્રીમ કોર્ટે પોતાના નિર્ણયમાં કહ્યું કે શેલ્ટર હોમમાં મોકલવામાં આવેલા બધા કૂતરાઓને છોડી દેવામાં આવશે. તે જ સમયે, હિંસક અને બીમાર કૂતરાઓને છોડવામાં આવશે નહીં.રખડતા કૂતરાઓને પકડવાના કામમાં અવરોધ ઉભો કરનારાઓને દંડ ભરવો પડશે. ચોક્કસ વ્યક્તિએ ૨૫ હજારનો દંડ ભરવો પડશે અને દ્ગર્ય્ંએ બે લાખનો દંડ ભરવો પડશે.સુપ્રીમ કોર્ટે આદેશ આપ્યો છે કે જાહેરમાં કૂતરાઓને ખવડાવવાની મંજૂરી આપવામાં આવશે નહીં. રખડતા કૂતરાઓ માટે અલગ ખોરાક આપવાની જગ્યાઓ બનાવવામાં આવશે. સુપ્રીમ કોર્ટે કહ્યું કે આવા ખોરાકને કારણે ઘણી ઘટનાઓ બની છે. કોર્ટે કહ્યું કે મ્યુનિસિપલ કોર્પોરેશને કૂતરાઓને પકડવા પડશે અને તેમને કૃમિનાશક દવા, રસીકરણ વગેરે આપ્યા પછી, તેમને તે જ વિસ્તારમાં છોડી દેવા પડશે જ્યાંથી તેઓ પકડાયા હતા.તમને જણાવી દઈએ કે આ નિર્ણય સુપ્રીમ કોર્ટના ત્રણ ન્યાયાધીશોની બેન્ચે આપ્યો છે. ૧૪ ઓગસ્ટના રોજ, ૩ ન્યાયાધીશોની બેન્ચે સુનાવણી બાદ પોતાનો નિર્ણય અનામત રાખ્યો હતો.અગાઉ, સુપ્રીમ કોર્ટના બે ન્યાયાધીશોની બેન્ચે રખડતા કૂતરાઓને આશ્રય ગૃહોમાં મોકલવાનો ચુકાદો સંભળાવ્યો હતો, જેની સામે અપીલ બાદ ત્રણ ન્યાયાધીશોની બેન્ચની રચના કરવામાં આવી હતી. આ બેન્ચ સમક્ષ રખડતા કૂતરાઓને આશ્રય ગૃહોમાં રાખવાના નિર્ણય પર વચગાળાનો સ્ટે લાદવાની માંગ કરવામાં આવી હતી, જેના પર કોર્ટે ચુકાદો અનામત રાખ્યો હતો. ન્યાયાધીશ વિક્રમ નાથ, ન્યાયાધીશ સંદીપ મહેતા અને ન્યાયાધીશ એન.વી. અંજારિયાની ત્રણ ન્યાયાધીશોની બેન્ચે આજે આ મહત્વપૂર્ણ ચુકાદો સંભળાવ્યો છે.આ પહેલા, સુપ્રીમ કોર્ટના બે ન્યાયાધીશોના ચુકાદા પછી, શ્વાન પ્રેમીઓએ રખડતા કૂતરાઓને પકડવાની ઝુંબેશનો વિરોધ કર્યો હતો. આ અંગે ઘણી જગ્યાએ વિરોધ પ્રદર્શન પણ કરવામાં આવ્યા હતા. કૂતરા કરડવાના વધતા જતા કેસોને ધ્યાનમાં લેતા, સુપ્રીમ કોર્ટે નિર્દેશ આપ્યો હતો કે એનસીટી દિલ્હી,એમસીડી અને એનડીએમસીએ શક્્ય તેટલી વહેલી તકે તમામ વિસ્તારોમાંથી, ખાસ કરીને સંવેદનશીલ વિસ્તારો અને શહેરના બહારના વિસ્તારોમાંથી રખડતા કૂતરાઓને ઉપાડવાનું શરૂ કરવું જાઈએ. શેલ્ટર હોમમાં પકડાયેલા અને રાખવામાં આવેલા રખડતા કૂતરાઓનો રેકોર્ડ જાળવવો જાઈએ.,દિલ્હી-એનસીઆરમાં શેલ્ટર હોમના ઇન્ફ્રાસ્ટ્રક્ચર પર ૨ મહિનામાં રિપોર્ટ સબમિટ કરવો જાઈએ.,ડોગ શેલ્ટરમાં રખડતા કૂતરાઓના નસબંધી અને રસીકરણ માટે પૂરતો સ્ટાફ હશે.,રખડતા કૂતરાઓને રસ્તાઓ/વસાહતો/જાહેર સ્થળોએ છોડવામાં આવશે નહીં.,કોઈ કૂતરો છોડવામાં ન આવે કે બહાર લઈ જવામાં ન આવે તેની દેખરેખ રાખવા માટે સીસીટીવી લગાવવામાં આવશે.,જા કોઈ વ્યક્તિ કે સંસ્થા રખડતા કૂતરાઓને ઉપાડતા અટકાવશે, તો તેમની સામે કડક કાર્યવાહી કરવામાં આવશે.સુપ્રીમ કોર્ટે ૨૮ જુલાઈના રોજ આ આદેશ જારી કર્યો હતો. ઉપરાંત, કૂતરા કરડવાથી પીડિત લોકો માટે હેલ્પલાઇન બનાવવાના નિર્દેશો આપવામાં આવ્યા હતા. આ પછી, ત્રણ ન્યાયાધીશોની બેન્ચ સમક્ષ સુનાવણી દરમિયાન, સોલિસિટર જનરલ તુષાર મહેતાએ કહ્યું હતું કે વર્ષ ૨૦૨૪ માં, દેશભરમાં કૂતરા કરડવાના ૩૭.૧૫ લાખ કેસ નોંધાયા હતા, એટલે કે, દરરોજ લગભગ ૧૦ હજાર લોકોને કૂતરા કરડતા હતા.ડબ્લ્યુએચઓના અહેવાલ મુજબ, વર્ષ ૨૦૨૩ માં કૂતરા કરડવાથી ૩૦૫ લોકો મૃત્યુ પામ્યા હતા. આ સુનાવણી દરમિયાન, ત્રણ ન્યાયાધીશોની બેન્ચે કહ્યું હતું કે કોર્ટ રખડતા કૂતરાઓના જીવન પ્રત્યે પણ સહાનુભૂતિ ધરાવે છે.
