રાહુલ ગાંધીએ ચિંતા વ્યક્ત કરી, સોનિયા ગાંધીનો લેખ શેર કર્યો
કોંગ્રેસ નેતા રાહુલ ગાંધીએ સોમવારે સોશિયલ મીડિયા પર કોંગ્રેસ સંસદીય પક્ષના અધ્યક્ષ સોનિયા ગાંધીનો એક લેખ શેર કર્યો. આમાં, તેમણે ગ્રેટ નિકોબાર આઇલેન્ડ પ્રોજેક્ટને કારણે નિકોબારના લોકો સાથે થઈ રહેલા અન્યાય અને ત્યાંના નાજુક વાતાવરણ પર પ્રકાશ પાડ્યો છે. કોંગ્રેસ આ પ્રોજેક્ટ અંગે સતત ચિંતા વ્યક્ત કરી રહી છે.
ગ્રેટ નિકોબાર આઇલેન્ડ પ્રોજેક્ટ ભારત સરકારની એક મોટી યોજના છે, જે ગ્રેટ નિકોબાર આઇલેન્ડ પર વિકાસ અને વ્યૂહાત્મક લાભો માટે બનાવવામાં આવી રહી છે. તેમાં ટ્રાન્સશિપમેન્ટ પોર્ટ, આંતરરાષ્ટ્રીય એરપોર્ટ, પાવર પ્લાન્ટ અને એક નવું શહેર બનાવવાની યોજના શામેલ છે. સોનિયા ગાંધીએ આ પ્રોજેક્ટની અસર અંગે પત્ર લખ્યો છે.
રાહુલ ગાંધીએ સોશિયલ મીડિયા હેન્ડલ ઠ પર એક પોસ્ટ શેર કરી અને કહ્યું, ગ્રેટ નિકોબાર આઇલેન્ડ પ્રોજેક્ટ એક ધૃષ્ટતા છે, જે આદિવાસી અધિકારોને કચડી રહી છે અને કાનૂની અને વિચારણાપૂર્ણ પ્રક્રિયાની મજાક ઉડાવે છે. તેમણે આગળ લખ્યું કે આ લેખમાં કોંગ્રેસ સંસદીય પક્ષના પ્રમુખ સોનિયા ગાંધીએ કહ્યું છે કે આ પ્રોજેક્ટ નિકોબારના લોકો અને ત્યાંના નાજુક વાતાવરણ સાથે અન્યાય કરી રહ્યો છે.
કોંગ્રેસ નેતા સોનિયા ગાંધીએ ધ હિન્દુ અખબારમાં લખેલા એક સંપાદકીયમાં આ પ્રોજેક્ટ અંગે ચિંતા વ્યક્ત કરી હતી. તેમણે કહ્યું હતું કે આ પ્રોજેક્ટ વિશ્વના સૌથી ખાસ છોડ અને પ્રાણીઓના પર્યાવરણને નુકસાન પહોંચાડી શકે છે અને આ વિસ્તાર કુદરતી આફતો માટે ખૂબ જ સંવેદનશીલ છે.
સોનિયા ગાંધીએ તેમના લેખમાં કહ્યું હતું કે, ૭૨,૦૦૦ કરોડ રૂપિયાનો ખોટો ખર્ચ ટાપુના આદિવાસી સમુદાયોના અસ્તીત્વ માટે મોટો ખતરો ઉભો કરી રહ્યો છે. તેમણે કહ્યું હતું કે નિકોબારી આદિવાસીઓના પૂર્વજાના ગામડાઓ આ પ્રોજેક્ટના પ્રસ્તાવિત વિસ્તારમાં આવે છે. આ લોકોને અગાઉ ૨૦૦૪ના હિંદ મહાસાગર સુનામી દરમિયાન તેમના ગામડા છોડવાની ફરજ પડી હતી અને હવે આ પ્રોજેક્ટ તેમને કાયમ માટે વિસ્થાપિત કરશે.
સોનિયા ગાંધીએ એમ પણ કહ્યું હતું કે શોમ્પેન સમુદાય વધુ મોટા ખતરામાં છે કારણ કે કેન્દ્ર સરકારના આદિવાસી બાબતોના મંત્રાલય દ્વારા જારી કરાયેલ શોમ્પેન નીતિમાં સ્પષ્ટપણે જણાવાયું છે કે મોટા વિકાસ પ્રોજેક્ટ્સ પર વિચાર કરતી વખતે તેમની સુખાકારી અને અખંડિતતાને પ્રાથમિકતા આપવી જાઈએ.
તેમણે વધુમાં કહ્યું કે, તેના બદલે, આ પ્રોજેક્ટ શોમ્પેન આદિવાસી અનામત વિસ્તારનો મોટો ભાગ દૂર કરી રહ્યો છે, તેમના જંગલોનો નાશ કરી રહ્યો છે અને મોટી સંખ્યામાં લોકો અને પ્રવાસીઓ માટે ટાપુ પર આવવાનો માર્ગ બનાવી રહ્યો છે. કોંગ્રેસ નેતાએ એમ પણ કહ્યું કે આ સમગ્ર પ્રક્રિયામાં આદિવાસી અધિકારોના રક્ષણ માટે બનાવવામાં આવેલી બંધારણીય અને કાનૂની સંસ્થાઓને બાજુ પર રાખવામાં આવી છે.
કોંગ્રેસ આ પ્રોજેક્ટ સામે સતત પોતાના વિચારો રજૂ કરી રહી છે. અગાઉ પણ, કોંગ્રેસ નેતા રાહુલ ગાંધીએ કેન્દ્રીય આદિવાસી બાબતોના મંત્રી જુઆલ ઓરામને આ પ્રોજેક્ટ અંગે પત્ર લખ્યો હતો. તેમના પત્રમાં, તેમણે આરોપ લગાવ્યો હતો કે આ પ્રોજેક્ટને મંજૂરી આપવાની પ્રક્રિયામાં વન અધિકાર અધિનિયમનું ઉલ્લંઘન કરવામાં આવ્યું છે. ઉપરાંત, પત્રમાં, રાહુલ ગાંધીએ સરકારને કાયદામાં નિર્ધારિત પ્રક્રિયાનું પાલન થાય તે સુનિશ્ચિત કરવા વિનંતી કરી છે.
