સુપ્રીમ કોર્ટે એક મહત્વપૂર્ણ ચુકાદામાં સ્પષ્ટપણે કહ્યું છે કે કોઈપણ મહિલા, ખાસ કરીને સગીર છોકરીને, તેની ઇચ્છા વિરુદ્ધ ગર્ભાવસ્થા સમાપ્ત કરવાની ફરજ પાડી શકાય નહીં. કોર્ટે ૩૦ અઠવાડિયાની ગર્ભાવસ્થા સમાપ્ત કરવાની પણ પરવાનગી આપી છે. ગર્ભધારણ સમયે સગીર છોકરી હતી. સુપ્રીમ કોર્ટના ન્યાયાધીશ બી.વી. નાગરત્ના અને ઉજ્જલ ભુયાનની બેન્ચ દ્વારા આ નિર્ણય આપવામાં આવ્યો હતો. કોર્ટે આદેશ આપ્યો હતો કે ગર્ભપાત પ્રક્રિયા મુંબઈની જેજે હોસ્પિટલ માં તમામ જરૂરી તબીબી સાવચેતીઓ સાથે કરવામાં આવે.
કોર્ટે તેના આદેશમાં જણાવ્યું હતું કે આ કેસમાં સગીર છોકરીના અધિકારો સૌથી મહત્વપૂર્ણ વિચારણા છે. છોકરી મુશ્કેલ પરિસ્થિતિમાંથી પસાર થઈ રહી છે અને તે ગર્ભાવસ્થા ચાલુ રાખવા માંગતી નથી. કોર્ટે જણાવ્યું હતું કે સંબંધ સંમતિથી હતો કે નહીં તે પ્રશ્ન મહત્વપૂર્ણ નથી, પરંતુ છોકરી સગીર છે અને માતા બનવા માંગતી નથી તે હકીકત મહત્વપૂર્ણ છે.
સુપ્રીમ કોર્ટે તેના ચુકાદામાં જણાવ્યું હતું કે જા માતાના હિતોને ધ્યાનમાં લેવામાં આવે, તો તેની પોતાની પસંદગી અને નિર્ણય લેવાના અધિકારને પૂર્ણ મહત્વ આપવું જાઈએ. કોર્ટ કોઈ પણ મહિલાને, ખાસ કરીને સગીરને, માતા બનવા માટે દબાણ કરી શકતી નથી.
સુનાવણી દરમિયાન, ન્યાયાધીશ નાગરત્ને જણાવ્યું હતું કે આ નિર્ણય કોર્ટ માટે પણ સરળ નથી. એક તરફ, ગર્ભસ્થ બાળક છે, જે જન્મ પછી જીવન બની જશે, અને બીજી તરફ, છોકરીની ગર્ભાવસ્થા ચાલુ ન રાખવાની સ્પષ્ટ ઇચ્છા છે. તેમણે પૂછ્યું કે જા ૨૪ અઠવાડિયા સુધી ગર્ભપાતની મંજૂરી છે, તો તેને ૩૦ અઠવાડિયામાં કેમ રોકવું જાઈએ કારણ કે સમય ખૂબ મોડો છે, જ્યારે છોકરી સ્પષ્ટપણે જન્મ આપવા માંગતી નથી.
