ભારતના ગૃહ મંત્રાલયે ઇમિગ્રેશન અને વિદેશી અધિનિયમ, ૨૦૨૫ ના નિયમોને સૂચિત કર્યા છે. આનો અર્થ એ છે કે આ કાયદા હેઠળના નિયમો શું હશે, તેનું પાલન કેવી રીતે કરવામાં આવશે, તે કઈ એજન્સી અથવા સંસ્થા હેઠળ થશે? આ બધા નિયમો હવે સામે આવી ગયા છે.સરકારે ઇમિગ્રેશન ર્ફ્રોડ સંબંધિત કેસોને હેન્ડલ કરવા માટે બ્યુરો ઓફ ઇમિગ્રેશનને અધિકૃત એજન્સી તરીકે નિયુક્ત કર્યા છે.હવેથી, આ એજન્સી રાજ્યો સાથે સંકલનમાં કામ કરીને વિદેશીઓને ઓળખવા, દેશમાં તેમની હિલચાલ રોકવા, તેમને દેશનિકાલ કરવા અને ઇમિગ્રેશન ડેટાબેઝ જાળવવા માટે કામ કરશે. જોકે આ પહેલા પણ બીઓઆઇનું કામ હતું, પરંતુ કાયદામાં તેની કોઈ ચોક્કસ ભૂમિકા અધિકૃત નહોતી.
ઇમિગ્રેશન અને વિદેશી અધિનિયમ, ૨૦૨૫ હેઠળ, પહેલીવાર, વિદેશીઓનો બાયોમેટ્રિક ડેટા જેમ કે ફિંગરપ્રિન્ટ્સ, આંખના સ્કેન વગેરે એકત્રિત કરવામાં આવશે. જેમ આપણે આધાર કાર્ડ બનાવતી વખતે આપણો બાયોમેટ્રિક ડેટા આપવો પડે છે.અગાઉ બાયોમેટ્રિકની આ જોગવાઈ કેટલીક વિઝા શ્રેણીઓ સુધી મર્યાદિત હતી અને તેનો અમલ ગૃહ મંત્રાલયના એક્ઝિક્યુટિવ ઓર્ડર દ્વારા કરવામાં આવ્યો હતો. ધ હિન્દુમાં પ્રકાશિત થયેલા અહેવાલ મુજબ, ઇમિગ્રેશન અને ફોરેનર્સ એક્ટ, ૨૦૨૫ મુજબ, શૈક્ષણિક સંસ્થાઓએ તેમની સાથે અભ્યાસ કરતા તમામ વિદેશી વિદ્યાર્થીઓ વિશે ફોરેનર્સ રિજનલ રજિસ્ટ્રેશન ઓફિસને પણ જાણ કરવી પડશે. એટલું જ નહીં, હવે શૈક્ષણિક સંસ્થાઓએ આવા વિદ્યાર્થીઓની હાજરી, શૈક્ષણિક અહેવાલોનું સેમેસ્ટર મુજબ સંક્ષિપ્ત વર્ણન આપવું પડશે.
નવા નિયમો અનુસાર,બીઓઆઇ કોઈપણ રિસોર્ટ, ક્લબ અથવા મનોરંજન સ્થળને બંધ કરી શકે છે જ્યાં ‘અનિચ્છનીય’ વિદેશીઓ મુલાકાત લેતા હોય છે. આ એવા વિદેશીઓના આગમન પર પણ લાગુ પડશે જેઓ કોઈપણ ગુનામાં સંડોવાયેલા હોય, કોઈપણ ગેરકાયદેસર સંગઠનના સભ્યો હોય અથવા ગેરકાયદેસર ઇમિગ્રન્ટ હોય. એકવાર બંધ થઈ ગયા પછી, માલિક પરવાનગી વિના નવી હોટેલ, ક્લબ અથવા તેના જેવું કંઈપણ ખોલી શકશે નહીં. આ ઉપરાંત, એરલાઇન કંપનીઓ અને જહાજા જે વિદેશમાં જાય છે અને આવે છે તેઓએ પણ વિમાન અથવા જહાજ રવાના થયા પછી બીઓઆઇને તમામ મુસાફરો અને ક્રૂ વિશે માહિતી આપવાની રહેશે. નવા નિયમો હેઠળ, આ કાર્યો માટે એક ઇમિગ્રેશન અધિકારીની નિમણૂક કરવામાં આવશે, જે ઇન્ટેલિજન્સ બ્યુરોનો અધિકારી હશે.
