નવરાત્રિના પવિત્ર પર્વ નિમિત્તે રાજુલામાં સિ. સ. ઔ. જ્ઞાતિની વાડી ખાતે મહિલા મંડળ દ્વારા ભવ્ય રાસ-ગરબા કાર્યક્રમનું આયોજન કરવામાં આવ્યું હતું. મહિલા મંડળની બહેનોએ આયોજિત કરેલા આ મહોત્સવમાં વિશાળ સંખ્યામાં બહેનો, વડીલો અને બાળકોએ ઉત્સાહભેર ભાગ લઈને ગરબાની રમઝટ માણી હતી અને માતાજીની આરાધના કરી હતી. આ કાર્યક્રમની ખાસિયત એ રહી હતી કે મહિલા મંડળે ગત વર્ષની રૂ.૨૦૦ની ફીનું ભેટ વિતરણ પણ કર્યું હતું, જે સભ્ય બહેનો માટે એક વિશેષ ભેટ બની રહી હતી. આ સફળ આયોજન માટે પ્રમુખ નલિનીબેન જોશી તથા કારોબારીની તમામ બહેનોએ ભારે જહેમત ઉઠાવી હતી. મહિલા મંડળના પ્રમુખ નલિનીબેન જોશી અને કારોબારી સભ્યોની મહેનતથી નવરાત્રિ મહોત્સવ ખૂબ જ સફળ અને યાદગાર બન્યો હતો.
