દામનગરના ગાયત્રી મંદિરે યોજાતા વિનામૂલ્યે નેત્રયજ્ઞમાં ધીરુભાઈ ભટવદરવાળા વર્ષોથી પ્રેરણાદાયી સેવા આપી રહ્યા છે. તેઓ દર મહિનાના છેલ્લા બુધવારે યોજાતા આ કેમ્પની પત્રિકાઓનું સમગ્ર શહેરમાં દુકાને-દુકાને અને રાહદારીઓને રૂબરૂ મળીને વિતરણ કરે છે. કોઈપણ સ્વાર્થ વગર માત્ર સેવાની ભાવનાથી કાર્યરત ધીરુભાઈની આ નિષ્ઠાને જોઈને સ્થાનિક નાગરિકો તેમને બિરદાવી રહ્યા છે.
