ઈરાન લાંબા અંતરની બેલિસ્ટિક મિસાઇલો વિકસાવવાના અંતિમ તબક્કામાં છે.
ઈરાને એક એવા હથિયારનો ઉપયોગ કર્યો છે જેણે વૈશ્વિક ચિંતાઓ ઉભી કરી છે. ઈરાને તેની તાકાતના મોટા પ્રદર્શનમાં યુએસ-યુકેના સંયુક્ત લશ્કરી મથક ડિએગો ગાર્સિયા પર મિસાઈલ હુમલો કર્યો છે. આ હુમલો વધુ ખતરનાક માનવામાં આવે છે કારણ કે આ બેઝ ઈરાનથી આશરે ૪,૦૦૦ કિલોમીટર દૂર છે, જે તેની જાહેર કરેલી મિસાઈલ રેન્જ કરતાં ઘણો વધારે છે.
અહેવાલો અનુસાર, ઈરાને આ લશ્કરી બેઝ પર બે બેલિસ્ટિક મિસાઈલ છોડ્યા. એક મિસાઈલ ઉડાન દરમિયાન ખરાબ થઈ ગઈ, જ્યારે બીજીને યુએસ યુદ્ધ જહાજ દ્વારા અટકાવવામાં આવી. હજુ સુધી સ્પષ્ટ નથી કે બીજી મિસાઈલ સંપૂર્ણપણે નાશ પામી કે નહીં, પરંતુ રાહતની વાત એ છે કે કોઈ પણ મિસાઈલ તેના લક્ષ્ય સુધી પહોંચી શકી નહીં અને બેઝ સહીસલામત રહ્યો.
ઈરાનના વિદેશ પ્રધાન અબ્બાસ અરાઘચીએ તાજેતરમાં જણાવ્યું હતું કે તેની બેલિસ્ટિક મિસાઈલોની મહત્તમ રેન્જ આશરે ૨,૦૦૦ કિલોમીટર છે. જા કે, ડિએગો ગાર્સિયા પરનો હુમલો આ દાવાને પડકારે છે. આ અંતર આશરે ૪,૦૦૦ કિલોમીટર છે, જે દર્શાવે છે કે ઈરાન પાસે અગાઉ જણાવેલા કરતાં ઘણી લાંબી રેન્જની હડતાલ કરવાની ક્ષમતા હોઈ શકે છે.
ઈઝરાયલના અલ્મા રિસર્ચ એન્ડ એજ્યુકેશન સેન્ટરના અહેવાલ મુજબ, ઈરાન પાસે હાલમાં ૧,૦૦૦ કિલોમીટર સુધીની રેન્જ ધરાવતી મોટાભાગની ટૂંકી અંતરની મિસાઇલો અને ૩,૦૦૦ કિલોમીટર સુધીની રેન્જ ધરાવતી કેટલીક મધ્યમ અંતરની મિસાઇલો છે. જાકે, રિપોર્ટમાં એમ પણ કહેવામાં આવ્યું છે કે ઈરાન લાંબા અંતરની બેલિસ્ટિક મિસાઇલો વિકસાવવાના અંતિમ તબક્કામાં છે.
ડિએગો ગાર્સિયા હિંદ મહાસાગરની મધ્યમાં સ્થિત એક મહત્વપૂર્ણ લશ્કરી થાણું છે. અમેરિકા અહીંથી તેના બોમ્બર વિમાન, પરમાણુ સબમરીન અને માર્ગદર્શિત મિસાઇલ જહાજા તૈનાત કરે છે. આ બેઝ એશિયા અને પશ્ચિમ એશિયામાં યુએસ લશ્કરી વ્યૂહરચનાનું એક મજબૂત કેન્દ્ર છે. આવી સ્થિતિમાં, તેના પર હુમલો કરવાનો કોઈપણ પ્રયાસ અત્યંત ગંભીર માનવામાં આવે છે.
આ ઘટનાએ અમેરિકા અને તેના સાથીઓની ચિંતા વધારી દીધી છે. જા ઈરાને ખરેખર આટલી લાંબા અંતરની મિસાઈલ ક્ષમતા મેળવી લીધી હોય, તો તે સમગ્ર ક્ષેત્રની સુરક્ષા માટે મોટો ખતરો બની શકે છે. ભવિષ્યમાં તણાવ વધવાની અને આ મુદ્દા પર લશ્કરી પ્રવૃત્તિ વધુ તીવ્ર બનવાની ધારણા છે.
