તમિલ સુપરસ્ટાર થલાપતિ વિજય આ દિવસોમાં સમાચારમાં છે. જ્યારે તેમની છેલ્લી ફિલ્મ “જાન નાયકન” ની રિલીઝ છેલ્લા બે મહિનાથી વિલંબિત છે, ત્યારે તેમનું અંગત જીવન પણ વિવાદમાં ફસાયેલું છે. તેઓ કરુર ભાગદોડ કેસ સંબંધિત કાનૂની મુશ્કેલીઓનો પણ સામનો કરી રહ્યા છે. સેન્ટ્રલ બ્યુરો ઓફ ઇન્વેસ્ટીગેશને કરુર ભાગદોડ કેસના સંદર્ભમાં વિજયને સમન્સ પાઠવ્યા છે. અભિનેતાની ૧૨ અને ૧૯ જાન્યુઆરીએ પૂછપરછ કરવામાં આવી હતી, અને હવે સીબીઆઇએ આ મામલે પૂછપરછ માટે વધુ એક સમન્સ જારી કર્યું છે. વિજયની ૧૫ માર્ચે દિલ્હીમાં પૂછપરછ કરવામાં આવશે.
વિજયની કરુર ભાગદોડ કેસમાં પૂછપરછ કરવામાં આવી છે. ૧૨ અને ૧૯ જાન્યુઆરીએ એજન્સીના મુખ્યાલયમાં સીબીઆઇ દ્વારા તેમની પૂછપરછ કરવામાં આવી હતી, અને આ સમયગાળા દરમિયાન કેટલાક નવા તથ્યો બહાર આવ્યા હતા. આ તથ્યો સ્પષ્ટ કરવા માટે વિજયને ફરીથી સમન્સ પાઠવવામાં આવ્યા છે અને નોટિસ જારી કરવામાં આવી છે. વિજયની સાથે, કરુરના ધારાસભ્યને પણ સીબીઆઇ દ્વારા સમન્સ પાઠવવામાં આવ્યા છે, જેમની ૧૭ માર્ચે પૂછપરછ કરવામાં આવશે.
આ કેસ ૨૭ સપ્ટેમ્બર, ૨૦૨૫ ના રોજ તમિલનાડુના કરુરમાં થયેલી ભાગદોડ સાથે સંબંધિત છે, જેમાં ૪૧ લોકોએ જીવ ગુમાવ્યા હતા અને ૬૦ થી વધુ લોકો ગંભીર રીતે ઘાયલ થયા હતા. વિજયની રાજકીય રેલી દરમિયાન આ ઘટના બની હતી. સુપરસ્ટારને જાવા માટે કરુરમાં મોટી ભીડ એકઠી થઈ હતી, જેના કારણે પરિÂસ્થતિ બગડી હતી અને ભાગદોડ મચી ગઈ હતી. શરૂઆતમાં, આ કેસની તપાસ સ્પેશિયલ ઇન્વેસ્તીગેશન ટીમ દ્વારા કરવામાં આવી રહી હતી, પરંતુ સુપ્રીમ કોર્ટે તપાસ સીબીઆઈને સોંપી દીધી હતી, જે હવે આ કેસની તપાસ કરી રહી છે.
આ કેસમાં ઘણા લોકોની પૂછપરછ કરવામાં આવી છે. સીબીઆઈએ તે દિવસે વિજયને સુરક્ષા પૂરી પાડવા માટે ઘટનાસ્થળે તૈનાત તમિલનાડુ પોલીસ કર્મચારીઓને પણ બોલાવ્યા હતા. તમિલનાડુ પોલીસ કર્મચારીઓને કરુર બેઝ કેમ્પમાં બોલાવવામાં આવ્યા હતા અને પૂછપરછ કરવામાં આવી હતી. ભાગદોડના દિવસે વિજયની પ્રવૃત્તિઓ અને હિલચાલના સમય વિશે તેમની પૂછપરછ કરવામાં આવી હતી. વધુમાં, સીબીઆઈએ જિલ્લા કલેક્ટર એમ. થંગાવેલ અને પોલીસ અધિક્ષક કે. જાસના નિવેદનો પણ નોંધ્યા છે, જેઓ ભાગદોડના દિવસે ઘટનાસ્થળે હાજર હતા.
