ચીને શુક્રવારે પાકિસ્તાન અને અફઘાનિસ્તાનને તાત્કાલિક યુદ્ધવિરામ માટે અપીલ કરી. ચીને બંને દેશો વચ્ચે વધતા લશ્કરી સંઘર્ષ પર ઊંડી ચિંતા વ્યક્ત કરી. ચીનના વિદેશ મંત્રાલયના પ્રવક્તા માઓ નિંગે મીડિયા બ્રીફિંગમાં જણાવ્યું હતું કે ચીન પરિસ્થિતી પર નજીકથી નજર રાખી રહ્યું છે.
માઓ નિંગે કહ્યું કે પાકિસ્તાન અને અફઘાનિસ્તાન નજીકના પડોશી છે. બંને દેશો પડોશી અને ચીનના સારા મિત્ર પણ છે. આ અથડામણમાં થયેલા મૃત્યુથી ચીન ખૂબ જ દુઃખી છે. તેમણે સ્પષ્ટ કર્યું કે ચીન તમામ પ્રકારના આતંકવાદ સામેની લડાઈને સમર્થન આપે છે. ચીને બંને પક્ષોને શાંતિ અને સંયમ રાખવા અને વાતચીત દ્વારા તેમના મતભેદો ઉકેલવા હાકલ કરી. પરિસ્થિતી વધુ વણસતી અટકાવવા માટે ચીને શક્્ય તેટલી વહેલી તકે યુદ્ધવિરામની અપીલ કરી.
ચીનના પ્રવક્તાના મતે, તણાવ ઓછો કરવો એ બંને દેશો અને તેમના લોકોના હિતમાં છે. આનાથી સમગ્ર ક્ષેત્રમાં શાંતિ અને સ્થિર તા જળવાઈ રહેશે. માઓએ એમ પણ કહ્યું કે ચીન પોતાના સ્તરે બંને દેશો વચ્ચે મધ્યસ્થી કરવાનો પ્રયાસ કરી રહ્યું છે. પરિસ્થિતી સુધારવા અને સંબંધો સુધારવામાં ચીન સકારાત્મક ભૂમિકા ભજવવા તૈયાર છે. જ્યારે તેમને પૂછવામાં આવ્યું કે શું ચીન તેના નાગરિકો અને કંપનીઓને બહાર કાઢવા અથવા ફ્લાઇટ્સ સ્થગિત કરવાનું વિચારી રહ્યું છે, ત્યારે તેમણે કહ્યું કે તેઓ પરિસ્થિતી પર નજર રાખી રહ્યા છે અને તેના નાગરિકોને જરૂરી તમામ સહાય પૂરી પાડશે.
ચીન એક ખાસ ત્રિપક્ષીય પદ્ધતિ દ્વારા પાકિસ્તાન અને અફઘાનિસ્તાન સાથે જાડાયેલું રહે છે. તે બંને દેશો વચ્ચેના મતભેદોને ઉકેલવા માટે સમયાંતરે બેઠકો કરે છે. પાકિસ્તાનનો આરોપ છે કે તહરીક-એ-તાલિબાન પાકિસ્તાન અને બલૂચ લિબરેશન આર્મી જેવા જૂથો અફઘાન પ્રદેશનો ઉપયોગ કરી રહ્યા છે. દરમિયાન, અફઘાન તાલિબાન આ આરોપોને નકારે છે. અફઘાનિસ્તાન કહે છે કે પાકિસ્તાની લશ્કરી હવાઈ હુમલા અને આક્રમક વલણને કારણે લડાઈ વધી રહી છે. ચીન આ વિવાદોને ઉકેલીને પ્રદેશમાં પોતાનો પ્રભાવ અને શાંતિ જાળવી રાખવા માંગે છે.
