પશ્ચિમ બંગાળની રાજધાની કોલકાતામાં ભૂકંપના જારદાર આંચકા અનુભવાયા. કોલકાતામાં બપોરે ૧ઃ૨૦ વાગ્યે ભૂકંપના આંચકા અનુભવાયા. કોલકાતા સહિત રાજ્યના વિવિધ જિલ્લાઓમાં આંચકા અનુભવાયા. ભૂકંપની તીવ્રતા રિક્ટર સ્કેલ પર ૫.૪ હતી. પ્રારંભિક અહેવાલો દર્શાવે છે કે ભૂકંપનું કેન્દ્ર બાંગ્લાદેશ હતું.
આ પહેલાં, શુક્રવારે વહેલી સવારે પૂર્વી નેપાળમાં જારદાર ભૂકંપના આંચકા અનુભવાયા હતા. રિક્ટર સ્કેલ પર ભૂકંપની તીવ્રતા ૪.૭ હતી. ભૂકંપનું કેન્દ્ર નેપાળના સંખુવાસભા જિલ્લામાં હતું અને આસપાસના અનેક જિલ્લાઓમાં પણ આંચકા અનુભવાયા હતા.
શુક્રવારે સવારે ૩ઃ૧૮ વાગ્યે ભૂકંપ આવ્યો. જ્યારે મોટાભાગના લોકો ગાઢ નિંદ્રામાં હતા, ત્યારે અચાનક આવેલા ભૂકંપના કારણે તેઓ તેમના ઘરમાંથી બહાર નીકળી ગયા. ભૂકંપનું કેન્દ્ર કાઠમંડુથી લગભગ ૪૦૦ કિલોમીટર પૂર્વમાં સંખુવાસભા-તાપલેજંગ સરહદી વિસ્તાર નજીક, ટોપકે ગોલા હતું.
સંખુવાસભા ઉપરાંત, નેપાળના અનેક અન્ય પૂર્વી જિલ્લાઓમાં પણ આંચકા અનુભવાયા. ભોજપુર, પંચથરા, તેહરથુમ અને તાપલેજંગ જિલ્લાઓમાં પણ આંચકા અનુભવાયા. સંખુવાસભા ઉપરાંત, નેપાળના અનેક અન્ય પૂર્વી જિલ્લાઓમાં પણ આંચકા અનુભવાયા. ભોજપુર, પંચથરસ, તેહરથુમ અને તાપલેજંગ જિલ્લાના લોકોએ પણ ભૂકંપના આંચકા અનુભવ્યા.
આ પહેલા, સિક્કિમમાં ગુરુવારે ૪.૬ અને ૩.૫ ની તીવ્રતાના આંચકા અનુભવાયા હતા. ગ્યાલશિંગ જિલ્લામાં યુક્સોમથી ચાર કિલોમીટર ઉત્તરપૂર્વમાં ૧૦ કિલોમીટરની ઊંડાઈએ ભૂકંપનું કેન્દ્ર હતું. બપોરે ૧૨ઃ૧૭ વાગ્યે મંગન જિલ્લામાં ૩.૫ ની તીવ્રતાનો બીજા ભૂકંપ અનુભવાયો હતો. તેનું કેન્દ્ર ગંગટોકથી ૧૧ કિલોમીટર ઉત્તરપશ્ચિમમાં ૧૦ કિલોમીટરની ઊંડાઈએ હતું.
