તેલંગાણા મ્યુનિસિપલ ચૂંટણીમાં કોંગ્રેસે જંગી વિજય મેળવ્યો છે. તેલંગાણાની ૧૧૨ મ્યુનિસિપલ સંસ્થાઓના ચૂંટણી પરિણામોએ કોંગ્રેસના નેતાઓ અને કાર્યકરોને ઉજવણીનું કારણ આપ્યું છે. કોંગ્રેસે ૮૬ મેયર અથવા અધ્યક્ષ પદ જીતીને પોતાનું વર્ચસ્વ સ્થાપિત કર્યું છે. જાકે, ભૂતપૂર્વ મંત્રી અને બીઆરએસ નેતા ટી. હરીશ રાવે ભાજપ અને કોંગ્રેસ પક્ષ વચ્ચે મિલીભગતના ગંભીર આરોપો લગાવ્યા છે. રાવે કહ્યું કે કોંગ્રેસ અને ભાજપે ગુપ્ત કરાર કર્યો હતો અને ઘણી નગરપાલિકાઓમાં બીઆરએસને સત્તાથી દૂર રાખવા માટે એકબીજાને ટેકો આપ્યો હતો.
વરિષ્ઠ બીઆરએસ નેતા ટી. હરીશ રાવે તેલંગાણા મ્યુનિસિપલ ચૂંટણી દરમિયાન કોંગ્રેસ અને ભાજપ પર પ્રહારો કર્યા હતા. તેમણે આરોપ લગાવ્યો હતો કે તેલંગાણાની ઘણી નગરપાલિકાઓમાં બીઆરએસને સત્તાથી દૂર રાખવા માટે કોંગ્રેસ અને ભાજપે સાથે મળીને કામ કર્યું હતું. સોમવારે જાહેર થયેલા શહેરી સ્થાનિક સંસ્થાઓના પરિણામો પર પ્રતિક્રિયા આપતા રાવે કહ્યું કે આનાથી બે રાષ્ટ્રીય પક્ષો વચ્ચેની રાજકીય મિલીભગતનો પર્દાફાશ થાય છે.
તેમણે કહ્યું કે જ્યારે કોંગ્રેસ અને ભાજપ રાષ્ટ્રીય સ્તરે એકબીજા પર હુમલો કરી રહ્યા છે, ત્યારે તેઓ તેલંગાણામાં સ્થાનિક સ્તરે કથિત રીતે સહયોગ કરી રહ્યા છે. હરીશ રાવે આરોપ લગાવ્યો કે કોંગ્રેસ અને ભાજપે નરસાપુર, સિરપુર, કાગઝનગર, અલિયાબાદ, મેટપલ્લી અને અમંગલ જેવી નગરપાલિકાઓમાં પ્રમુખ અને ઉપપ્રમુખની ચૂંટણી દરમિયાન એકબીજાને ટેકો આપ્યો હતો.
તેમણે દાવો કર્યો કે બીઆરએસ કેટલાક વિસ્તારોમાં મોટી સંખ્યામાં વોર્ડ જીતવા છતાં, રાજકીય મિલીભગત અને અનૈતિક કરારોને કારણે તેને નેતૃત્વ પદ આપવામાં આવ્યું ન હતું.
હરીશ રાવે મુખ્યમંત્રી રેવંત રેડ્ડી પર બેવડા ધોરણો અપનાવવાનો આરોપ લગાવ્યો. તેમણે એમ પણ કહ્યું કે તેલંગાણામાં કોંગ્રેસનું વલણ ભાજપ સામે રાહુલ ગાંધીના વલણથી વિપરીત છે. તેમણે કહ્યું કે બીઆરએસ રાજ્યની મ્યુનિસિપલ સંસ્થાઓમાં “અપવિત્ર જાડાણ” કહેવાતી વિરુદ્ધ અવાજ ઉઠાવવાનું ચાલુ રાખશે.૧૨૩ શહેરી સ્થાનિક સંસ્થાઓ (નગરપાલિકાઓ અને નિગમો) માંથી ૧૧૨ માટે સત્તાવાર રીતે જાહેર થયેલા પરિણામો અનુસારઃ મેયર/અધ્યક્ષઃ કોંગ્રેસઃ ૮૬, બીઆરએસઃ ૧૮, ભાજપઃ ૨, સીપીઆઈઃ ૧, એઆઈએફબીઃ ૧, અપક્ષઃ ૪
ડેપ્યુટી મેયર/ઉપ-અધ્યક્ષઃ કોંગ્રેસઃ ૮૪, બીઆરએસઃ ૧૪, ભાજપઃ ૫, એઆઈએમઆઈએમઃ ૩, અપક્ષઃ ૪, સીપીએમઃ ૧, એઆઈએફબીઃ ૧
ચૂંટણી અધિકારીઓએ ૧૧ નગરપાલિકાઓમાં ચૂંટણી મુલતવી રાખીઃ યેલંદુ, સુલ્તાનાબાદ, ઇબ્રાહિમપટ્ટનમ, કાગઝનગર, કેટ્ટનપલ્લી, ખાનપુર, ઝહીરાબાદ, ઇન્દ્રેશમ, દ્રોણકલ, જંગાવ અને થોરુર.
