વડા પ્રધાન નરેન્દ્ર મોદીએ બુધવારે ભારતીય કોસ્ટ ગાર્ડ જહાજ આઇસીજીએસ સમુદ્ર પ્રતાપના કમિશનિંગ અંગે એક મોટું નિવેદન આપ્યું. તેમણે તેને ભારતની આત્મનિર્ભરતા તરફ એક મજબૂત પગલું ગણાવ્યું. પીએમ મોદીએ કહ્યું કે આ જહાજ આપણી સુરક્ષા વ્યવસ્થાને મજબૂત બનાવે છે અને પર્યાવરણીય સંરક્ષણ પ્રત્યેની આપણી પ્રતિબદ્ધતા દર્શાવે છે.આઇસીજીએસ સમુદ્ર પ્રતાપ ગોવા શિપયાર્ડ લિમિટેડ દ્વારા બનાવવામાં આવેલા બે પ્રદૂષણ નિયંત્રણ જહાજામાંથી પ્રથમ છે, જેને ૫ જાન્યુઆરીએ સંરક્ષણ પ્રધાન રાજનાથ સિંહ દ્વારા કમિશન કરવામાં આવ્યું હતું.
મોદીએ “એકસ” પર લખ્યું,આઇસીજીએસ સમુદ્ર પ્રતાપનું કમિશનિંગ ઘણા કારણોસર મહત્વપૂર્ણ છે. તે આત્મનિર્ભરતાના આપણા દ્રષ્ટિકોણને મજબૂત બનાવે છે, આપણી સુરક્ષા વ્યવસ્થાને વધારે છે અને પર્યાવરણીય સંરક્ષણ પ્રત્યેની આપણી પ્રતિબદ્ધતા દર્શાવે છે આઇસીજીએસ સમુદ્ર પ્રતાપ ભારતીય કોસ્ટ ગાર્ડ માટે અત્યાર સુધીનું સૌથી મોટું અને સૌથી આધુનિક જહાજ છે. તે વાસ્કો દ ગામામાં સ્થિત ગોવા શિપયાર્ડ લિમિટેડ દ્વારા બનાવવામાં આવ્યું હતું.આઇસીજીએસ સમુદ્ર પ્રતાપનું બાંધકામ ૨૩ ફેબ્રુઆરી, ૨૦૨૨ ના રોજ શરૂ થયું. આ જહાજ ખાસ કરીને દરિયાઈ પ્રદૂષણનો સામનો કરવા માટે રચાયેલ છે.
આઇસીજીએસ સમુદ્ર પ્રતાપમાં આધુનિક પ્રદૂષણ નિયંત્રણ પ્રણાલીઓ છે, જેમ કે સાઇડ-સ્વીપિંગ આર્મ્સ, ઉચ્ચ-ક્ષમતાવાળી તેલ પુનઃપ્રાપ્તિ સિસ્ટમ, ફ્લોટિંગ બૂમ, અદ્યતન સ્કીમર્સ, સમર્પિત પ્રદૂષણ નિયંત્રણ પ્રયોગશાળા અને છલકાતા તેલને સમાવવા, એકત્રિત કરવા અને સંગ્રહિત કરવા માટે પોર્ટેબલ બાર્જ. દરિયાઈ સલામતી અને અÂગ્નશામક ક્ષમતાઓને વધારવા માટે, જહાજમાં એક શક્તિશાળી બાહ્ય અગ્નીશામક પ્રણાલી છે જે અન્ય જહાજા અથવા ઓફશોર સ્થાપનો પર મોટી આગનો સામનો કરી શકે છે. આ દરિયાઈ કટોકટીમાં પ્રારંભિક સહાય પૂરી પાડી શકે છે.
જહાજમાં ઘણી આધુનિક ઓટોમેશન અને નેવિગેશન સિસ્ટમ્સ છે, જેમ કે ડાયનેમિક પોઝિશનિંગ સિસ્ટમ, એક સંકલિત બ્રિજ સિસ્ટમ, એક સંકલિત પ્લેટફોર્મ મેનેજમેન્ટ સિસ્ટમ અને સ્વચાલિત પાવર મેનેજમેન્ટ સિસ્ટમ, જે પડકારજનક મિશન દરમિયાન ચોકસાઈ, બેકઅપ અને કાર્યક્ષમતા સુનિશ્ચિત કરે છે. દરિયાઈ સુરક્ષા કામગીરી માટે, જહાજ ૩૦ એમએમ સીઆરએન-૯૧ ગન અને બે ૧૨.૭ એમએમ સ્ટેબિલાઇઝ્ડ રિમોટ-કંટ્રોલ્ડ ગનથી સજ્જ છે, જે અદ્યતન અગ્ની-નિયંત્રણ સિસ્ટમ સાથે જાડાયેલ છે. તેની અદ્યતન ટેકનોલોજી અને પ્રદૂષણ-નિયંત્રણ અને અગ્નીશામક ક્ષમતાઓ સાથે,આઇસીજીએસ સમુદ્ર પ્રતાપ ભારતની દરિયાઈ આત્મનિર્ભરતા, જહાજ નિર્માણ શ્રેષ્ઠતા અને સમુદ્ર સંરક્ષણ અને રાષ્ટ્રીય સુરક્ષા પ્રત્યેની પ્રતિબદ્ધતાનો જીવંત પુરાવો છે.
આઇસીજીએસ સમુદ્ર પ્રતાપની મુખ્ય લાક્ષણિકતાઓ છેઃ લંબાઈઃ ૧૧૪.૫ મીટર,વજનઃ ૪,૨૦૦ ટન,ગતિઃ ૨૨ નોટિકલ માઇલ પ્રતિ કલાક,રેન્જઃ એક જ ચાર્જ પર ૬,૦૦૦ નોટિકલ માઇલ,સ્વદેશી સામગ્રીઃ ૬૦ ટકાથી વધુઃ પ્રદૂષણ નિયંત્રણ ઉપકરણોઃ સાઇડ-સ્વીપિંગ આર્મ્સ, ઓઇલ રિકવરી સિસ્ટમ, ફ્લોટિંગ બૂમ્સ, સ્કીમર્સ, પ્રદૂષણ નિયંત્રણ લેબ, પોર્ટેબલ બાર્જ અગ્નીશામકતાઃ બાહ્ય અગ્નીશામક પ્રણાલીઓ ( એફઆઇ એફઆઇ વર્ગ ૨) સાથે મોટી આગને હેન્ડલ કરવામાં સક્ષમ ઓટોમેશન સિસ્ટમ્સઃ ડાયનેમિક પોઝિશનિંગ, ઇન્ટીગ્રેટેડ બ્રિજ, પ્લેટફોર્મ મેનેજમેન્ટ અને પાવર મેનેજમેન્ટ સિસ્ટમ્સ શસ્ત્રોઃ ૩૦ એમએમ ગન અને બે ૧૨.૭ એમએમ રિમોટ-કંટ્રોલ્ડ ગન,ક્રૂઃ ૧૪ અધિકારીઓ અને ૧૧૫ માણસો બેઝઃ કોચી
