નવા વર્ષ પહેલા “ઓપરેશન બેડ સાન્ટા”માં ન્યુ જર્સી પોલીસે બે ગુજરાતીઓ સહિત ૧૨ લોકોની ધરપકડ કરી હતી. તેમના પર સગીરોને સેક્સ માટે આમંત્રિત કરવાનો પ્રયાસ કરવાનો આરોપ હતો. તેમની ઓળખ અક્ષય શાહ અને હરેશ કુમાર ઉર્ફે હેરી વાલા તરીકે થઈ હતી.મિડલસેક્સ કાઉન્ટીના પ્રોસિક્યુટર યોલાન્ડા સિકોને જાહેરાત કરી હતી કે “ઓપરેશન બેડ સાન્ટા” નામના સફળ ઓપરેશનમાં ૨૩ થી ૬૫ વર્ષની વયના લગભગ એક ડઝન લોકો સામેલ હતા – જેમાં એક મિડલ સ્કૂલ શિક્ષક અને યુવા કાર્યક્રમ સંયોજકનો સમાવેશ થાય છે. તેઓ જાતીય પ્રવૃત્તિ માટે સગીરો શોધવાની આશામાં એક ઘરમાં ગયા હતા. પોલીસ અધિકારીઓએ શંકાસ્પદોને પકડવા માટે સંપૂર્ણ પાયે કામગીરી હાથ ધરી હતી, સોશિયલ મીડિયા અને મેસેજિંગ એપ્સનો ઉપયોગ કરીને સગીરો તરીકે પોતાને રજૂ કરવા અને તેમને મિડલસેક્સમાં એક સરનામે મીટિંગ માટે લલચાવવા માટે ઉપયોગ કર્યો હતો.આ ઓપરેશનમાં અનેક પોલીસ વિભાગો, હોમલેન્ડ સિક્્યુરિટી વિભાગ અને નેવાર્કમાં એફબીઆઇ સામેલ હતી. આ ઘટના ૮ થી ૧૫ ડિસેમ્બરની વચ્ચે બની હતી. આશ્ચર્યજનક રીતે, ધરપકડ કરાયેલા ૧૨ લોકોમાં બે ગુજરાતીઓ પણ છે. પૂર્વ બ્રુન્સવિકના ૨૩ વર્ષીય આકાશ શાહ પર પણ એક સગીરને અશ્લીલ સામગ્રી વહેંચવાનો આરોપ મૂકવામાં આવ્યો છે.આકાશ શાહ અને હેરી ઉપરાંત, ઓપરેશન બેડ સાન્ટા હેઠળ અન્ય એક ભારતીય, વેદાંત ખંડેલવાલ, ૩૮, ની પણ ધરપકડ કરવામાં આવી છે. કાઉન્ટી એટર્ની અનુસાર, ૨૩ વર્ષીય આકાશ શાહ, પૂર્વ બ્રુન્સવિકનો રહેવાસી છે અને આ સંદર્ભમાં કુલ ત્રણ આરોપોનો સામનો કરી રહ્યો છે. હરેશ, જેને હેરી તરીકે પણ ઓળખવામાં આવે છે, તે ડનેલોનનો છે, અને ખંડેલવાલ બ્રિજવોટરમાં રહેતો હોવાનું કહેવાય છે, પરંતુ તેના ઇમિગ્રેશન સ્ટેટસ વિશેની માહિતી શેર કરવામાં આવી નથી.
