ગુરુવારે સ્થાનિક શેરબજાર ફ્લેટ ટ્રેડિંગ સાથે તેનું સત્ર બંધ થયું. બીએસઇ સેન્સેક્સ ૧૨.૧૬ પોઈન્ટ વધીને ૮૪,૪૭૮.૬૭ પર બંધ થયો. એ જ રીતે, નિફ્ટી પણ ૩.૩૫ પોઈન્ટના નજીવા વધારા સાથે ૨૫,૮૭૯.૧૫ પર બંધ થયો. આજના ટ્રેડિંગ સત્ર દરમિયાન બીએસઈ મિડકેપ અને સ્મોલકેપ સૂચકાંકો ૦.૩ ટકા ઘટ્યા. લગભગ ૧,૬૬૧ શેર વધ્યા, ૨,૧૯૩ ઘટ્યા અને ૧૦૭ યથાવત રહ્યા.નિફ્ટીમાં, એશિયન પેઇન્ટ્સ,આઇસીઆઇસીઆઇ બેંક,એલએન્ડટી ઇન્ટરગ્લોબ એવિએશન અને હિન્ડાલ્કો મુખ્ય વધ્યા હતા, જ્યારે ઇટરનલ, શ્રીરામ ફાઇનાન્સ, અદાણી પોર્ટ્સ, ભારત ઇલેક્ટ્રોનિક્સ અને મહિન્દ્રા એન્ડ મહિન્દ્રા મુખ્ય ઘટેલા શેરોમાં હતા. ક્ષેત્રીય રીતે આઇટી મીડિયા અને પીએસયુ બેંક સૂચકાંકો ૦.૫% ઘટ્યા હતા, જ્યારે મેટલ, ફાર્મા અને રિયલ્ટી સૂચકાંકો ૦.૫% વધ્યા હતા. શુક્રવારે બિહાર ચૂંટણી ૨૦૨૫ ના પરિણામો પહેલા નફા-બુકિંગને કારણે બંને સૂચકાંકો લાભ જાળવી રાખવામાં નિષ્ફળ ગયા. બજારને અપેક્ષા છે કે એનડીએ બિહારમાં સત્તામાં પાછું આવશે. મોટાભાગના એક્ઝીટ પોલ્સે એનડીએ માટે નિર્ણાયક વિજયની આગાહી કરી છે. જા કે, એક્ઝીટ પોલ્સ ઐતિહાસિક રીતે ખોટા સાબિત થયા છે, અને નિષ્ણાતો માને છે કે બજારની અપેક્ષાઓથી વિપરીત, વાસ્તવિક ચૂંટણી પરિણામો ટૂંકા ગાળાના વેચાણ તરફ દોરી શકે છે.ગુરુવારે રૂપિયો સાંકડી રેન્જમાં સ્થિર રહ્યો, યુએસ ડોલર સામે ૬ પૈસા ઘટીને ૮૮.૬૮ (કામચલાઉ) પર બંધ થયો. વિદેશી મૂડીનો પ્રવાહ અને તેલ કંપનીઓ સહિત સ્થાનિક આયાતકારો તરફથી ડોલરની સતત માંગને કારણે સ્થાનિક ચલણ પર દબાણ આવ્યું. ફોરેક્સ વેપારીઓએ જણાવ્યું હતું કે રૂપિયો સાંકડી રેન્જમાં ટ્રેડ થઈ રહ્યો છે, જેનાથી તેના નુકસાનને મર્યાદિત કરી શકાય છે, કારણ કે રાતોરાત ક્રૂડ ઓઇલના ભાવમાં ઘટાડો અને યુએસ-ભારત વેપાર વાટાઘાટો પર નવો આશાવાદ તેના નુકસાનને મર્યાદિત કરે છે.આંતરબેંક વિદેશી વિનિમય બજારમાં, રૂપિયો યુએસ ડોલર સામે ૮૮.૬૬ પર ખુલ્યો અને દિવસ દરમિયાન ૮૮.૬૩ ની ઊંચી સપાટી અને ૮૮.૭૩ ની નીચી સપાટીને સ્પર્શ્યાે. સ્થાનિક ચલણ આખરે ૮૮.૬૮ (કામચલાઉ) પર બંધ થયું, જે તેના અગાઉના બંધ કરતા ૬ પૈસા નીચે હતું.
