ઘૂસણખોરી અંગેની તેમની ટિપ્પણી પર કોંગ્રેસે ગૃહમંત્રી અમિત શાહ પર આકરા પ્રહારો કર્યા છે અને આગામી વિધાનસભા ચૂંટણી પહેલા પરિસ્થિતનું ધ્રુવીકરણ કરવા માટે વ્યાપક પ્રચારનો આશરો લેવાનો આરોપ લગાવ્યો છે. અમિત શાહે શુક્રવારે એક કાર્યક્રમમાં દાવો કર્યો હતો કે કેટલાક રાજકીય પક્ષો ઘૂસણખોરોને વોટ બેંક તરીકે જુએ છે. તેમણે એવો પણ પ્રશ્ન કર્યો હતો કે ગુજરાત અને રાજસ્થાનની સરહદો પર ઘૂસણખોરી કેમ થતી નથી.કોંગ્રેસ નેતા પવન ખેરાએ એકસ પર એક પોસ્ટમાં અમિત શાહ પર નિશાન સાધ્યું હતું. તેમણે લખ્યું, “૧૦ ઓક્ટોબરના રોજ, સહકાર મંત્રીએ આગામી ચૂંટણીઓ પહેલા હિન્દુ-મુસ્લિમમ તણાવને વેગ આપવા અને મતદારોનું ધ્રુવીકરણ કરવા માટે ખૂબ જ વાંધાજનક ટિપ્પણીઓ કરી હતી. તેમણે વધતી જતી મુસ્લિમમ વસ્તીનો ઉલ્લેખ કર્યો હતો, જે ભારતમાં વ્યાપક મુસ્લિમમ ઘૂસણખોરી સૂચવે છે.” કોંગ્રેસ નેતાએ પ્રશ્ન કર્યો, “આ પરિસ્થિતમાં એક તાર્કિક પ્રશ્ન એ છે કેઃ જા ગૃહમંત્રી અમિત શાહના દાવા મુજબ મુસ્લિમમ વસ્તી ઘૂસણખોરીને કારણે વધી છે, તો પછી ગૃહમંત્રી છેલ્લા ૧૧ વર્ષથી શું કરી રહ્યા છે?” તેમણે કહ્યું, “તેમને ટૂંક સમયમાં જ ખ્યાલ આવી ગયો કે તેઓ પણ ગૃહમંત્રી છે અને મુસ્લિમમોને નિશાન બનાવવાનું તેમનું પગલું ઉલટું પડ્યું. તેથી, તેમનું પદ તાત્કાલિક દૂર કરવામાં આવ્યું.”પવન ખેરાએ કહ્યું, “આ સત્યને ભૂંસી નાખતું નથી.” આંકડા ટાંકીને તેમણે કહ્યું, “૨૦૦૫-૨૦૧૩ વચ્ચે, કોંગ્રેસ સરકારોએ ૮૮,૭૯૨ બાંગ્લાદેશી નાગરિકોને દેશનિકાલ કર્યા. ભાજપના શાસનના ૧૧ વર્ષના સમયગાળામાં ૧૦,૦૦૦ થી ઓછા લોકોને દેશનિકાલ કરવામાં આવ્યા છે. છતાં, અમે ક્યારેય બડાઈ મારી નથી, અને ભાજપ ક્યારેય ચૂપ રહેશે નહીં.” તેમણે કટાક્ષમાં કહ્યું, “ખાલી વાસણો વધુ અવાજ કરે છે.”કોંગ્રેસના મહાસચિવ જયરામ રમેશે શાહ પર નિશાન સાધતા એકસ પર પોસ્ટ કરી, “અમિત શાહ સ્વદેશી રીતે વિકસિત સામૂહિક વિનાશના શ†નો ઉપયોગ કરી રહ્યા છે, જે ‘સામૂહિક ખોટી માહિતીનું શત્ર’ છે, તેમજ ‘ધાકધમકી આપનારા સામૂહિક ધ્રુવીકરણનું શ†’ છે.”અમિત શાહે પોતાના સંબોધનમાં કહ્યું કે દેશમાં મુસ્લિમમ વસ્તીમાં ૨૪.૬ ટકાનો વધારો થયો છે, જ્યારે હિન્દુ વસ્તીમાં ૪.૫ ટકાનો ઘટાડો થયો છે. તેમણે આ અસંતુલનને પાકિસ્તાન અને બાંગ્લાદેશથી ગેરકાયદેસર સ્થળાંતરને જવાબદાર ગણાવ્યું.
